Read Hmong Daw 1 Xwmtxheej Vajntxwv 25 Bible Online

1 Xwmtxheej Vajntxwv 25 - Hmong Daw bible

1 Xwmtxheej Vajntxwv 25

¹Vajntxwv Daviv thiab cov thawjcoj ntawm cov Levis xaiv xeem Levis ib co los coj kev pehawm Vajtswv: Axafes, Hemas thiab Yeduthoos. Lawv puavleej qhia Vajtswv txojlus nrog tej suab nkauj nogncas thiab tej suab nruas npuaj. Cov uas xaiv los ua cov coj kev pehawm Vajtswv raws li tes haujlwm ntawm tej pab muaj npe raws li no:

²Axafes plaub tug tub yog Xakules, Yauxej, Nethaniyas thiab Asalelas. Lawv puavleej ua haujlwm raws li Axafes uas yog tus qhia Vajtswv txojlus kom lawv ua thiab raws li vajntxwv samhwm.

³Yeduthoos rau tug tub yog Nkedaliyas, Xelis, Yesaiyas, Sime-is, Hasanpiyas thiab Matithiyas. Lawv puavleej ua haujlwm nyob qab tswjhwm ntawm lawv txiv, lawv qhia Vajtswv txojlus nrog tej suab raj thiab nkauj nogncas, hu nkauj qhuas thiab ua tus TSWV tsaug.

⁴Hemas kaum plaub tug tub yog Npukiyas, Mataniyas, Uxiyees, Senpuyees, Yelimaus, Hananiyas, Hananis, Eli-athas, Nkidatis, Laumatis Exeles, Yaunpekasas, Malauthis, Hauthiles thiab Mahaxi-aus.

⁵Vajtswv pub rau Hemas uas yog vajntxwv tus cevlus muaj kaum plaub tug tub thiab peb tug ntxhais raws li Vajtswv coglus tseg rau Hemas hais tias yuav pub kom Hemas yog ib tug uas muaj hwjchim heev.

⁶Tagnrho nws cov tub no puavleej yog cov npuaj nruas thiab ntaus nkauj nogncas raws li lawv txiv ua tus coj lawv hu nkauj rau hauv lub Tuamtsev pehawm Vajtswv. Axafes, Yeduthoos thiab Hemas, puavleej ua raws li vajntxwv kom lawv ua.

⁷Lawv nees nkaum plaub leeg no thiab lawv cov kwvtij Levis puavleej yog cov txawj ntse, thiab yog cov kawm los hu nkauj qhuas tus TSWV nkaus xwb. Tagnrho yog muaj ob puas yim caum yim leej txivneej.

⁸Lawv puavleej rho ntawv thiaj tau ua lawv tej haujlwm, tsis hais tus laus tus hluas lossis cov twb txawj lawm lossis cov uas tseem xyaum xwb.

⁹Thawj zaug uas rho rau Axafes tsevneeg yog tau rau Yauxej, nws cov tub thiab cov kwvtij; zaum ob rho tau rau Nkedaliyas, nws cov kwvtij thiab lawv cov tub kaum ob leeg;

¹⁰rho zaum peb tau rau Xakules, nws cov tub thiab nws cov kwvtij kaum ob leeg;

¹¹rho zaum plaub tau rau Xelis, nws cov tub thiab nws cov kwvtij kaum ob leeg;

¹²rho zaum tsib tau rau Nethaniyas, nws cov tub thiab nws cov kwvtij kaum ob leeg;

¹³rho zaum rau tau rau Npukiyas, nws cov tub thiab nws cov kwvtij kaum ob leeg;

¹⁴rho zaum xya tau rau Yexalelas, nws cov tub thiab nws cov kwvtij kaum ob leeg;

¹⁵rho zaum yim tau rau Yesaiyas, nws cov tub thiab nws cov kwvtij kaum ob leeg;

¹⁶rho zaum cuaj tau rau Matithiyas, nws cov tub thiab nws cov kwvtij kaum ob leeg;

¹⁷rho zaum kaum tau rau Sime-is, nws cov tub thiab nws cov kwvtij kaum ob leeg;

¹⁸rho zaum kaum ib tau rau Uxiyees, nws cov tub thiab nws cov kwvtij kaum ob leeg;

¹⁹rho zaum kaum ob tau rau Hasanpiyas, nws cov tub thiab nws cov kwvtij kaum ob leeg;

²⁰rho zaum kaum peb tau rau Senpuyees, nws cov tub thiab nws cov kwvtij kaum ob leeg;

²¹rho zaum kaum plaub tau rau Matithiyas, nws cov tub thiab nws cov kwvtij kaum ob leeg;

²²rho zaum kaum tsib tau rau Yelimaus, nws cov tub thiab nws cov kwvtij kaum ob leeg;

²³rho zaum kaum rau tau rau Hananiyas, nws cov tub thiab nws cov kwvtij kaum ob leeg;

²⁴rho zaum kaum xya tau rau Yaunpekasas, nws cov tub thiab nws cov kwvtij kaum ob leeg;

²⁵rho zaum kaum yim tau rau Hananis, nws cov tub thiab nws cov kwvtij kaum ob leeg;

²⁶rho zaum kaum cuaj tau rau Malauthis, nws cov tub thiab nws cov kwvtij kaum ob leeg;

²⁷rho zaum nees nkaum tau rau Eli-athas, nws cov tub thiab nws cov kwvtij kaum ob leeg;

²⁸rho zaum nees nkaum ib tau rau Hauthiles, nws cov tub thiab nws cov kwvtij kaum ob leeg;

²⁹rho zaum nees nkaum ob tau rau Nkidatis, nws cov tub thiab nws cov kwvtij kaum ob leeg;

³⁰rho zam nees nkaum peb tau rau Mahaxi-aus, nws cov tub thiab nws cov kwvtij kaum ob leeg;

³¹thiab rho zaum nees nkaum plaub tau rau Laumatis Exeles, nws cov tub thiab nws cov kwvtij kaum ob leeg.