Read Hmong Daw 1 Xwmtxheej Vajntxwv 9 Bible Online

1 Xwmtxheej Vajntxwv 9 - Hmong Daw bible

1 Xwmtxheej Vajntxwv 9

¹Tagnrho cov Yixalayees puavleej sau npe raws li lawv tej tsevneeg, thiab tej no puavleej muab sau tseg rau hauv cov Yixalayees cov Vajntxwv Phau Ntawv uas teev lawm. Cov Yudas raug ntes coj mus rau tim tebchaws Npanpiloos twb yog vim lawv tej kev txhaum ntag.

²Thawj pab uas xub tau rov los nyob rau hauv lawv lub tebchaws thiab lawv tej nroog yog cov Yixalayees cov txwjlaug, cov povthawj, cov Levis thiab cov uas tu lub Tuamtsev.

³Cov Yudas, Npeenyamees, Efalayees thiab Manaxes, muaj ibtxhia tau rov los nyob rau hauv lub nroog Yeluxalees.

⁴Xeem Yudas uas nyob hauv lub nroog Yeluxalees muaj rau pua cuaj caum yim tsevneeg. Yudas tus tub Peles cov xeebntxwv yog Uthais ua lawv tus thawjcoj, Uthais yog Amihus tub thiab yog Aumelis tus xeebntxwv. Nws cov yawgkoob yog Imelis thiab Npanis. Yudas tus tub Selas cov xeebntxwv yog Axayas ua lawv tus thawjcoj, nws yog tus thawjcoj ntawm nws tsevneeg. Yudas tus tub Zelas cov xeebntxwv yog Ye-ules ua lawv tus thawjcoj.

⁷Xeem Npeenyamees uas nyob hauv lub nroog Yeluxalees muaj raws li no: 1 Xalus yog Mesulas tub, Mesulas yog — Haudaviyas tub, Haudaviyas yog — Hasenu-as tub Ineyas yog Yelauhas tub Elas yog Uxis tub thiab yog Mikhelis tus — xeebntxwv Mesulas yog Sefatiyas tub, Sefatiyas yog — Le-uyees tub, Le-uyees yog Iniyas tub

⁹Lawv cuab kwvtij uas yog tiam ntawd muaj cuaj pua tsib caug rau yim. Tagnrho cov txivneej no puavleej yog cov thawjcoj ntawm lawv tej tsevneeg.

¹⁰Cov povthawj uas nyob hauv lub nroog Yeluxalees muaj raws li no: [Yedayas, Yehauyalis thiab Yakhees] Hilekiyas tus tub Axaliyas (yog tus thawjcoj cov povthawj hauv lub Tuamtsev), nws cov yawgkoob yog Mesulas, Xadaus, Melayaus thiab Ahitus Yehaulas tus tub Adayas cov yawgkoob yog Pasehus thiab Makhiyas Adiyees tus tub Ma-asais, cov yawgkoob yog Yaxelas, Mesulas, Mesilemis thiab Imelis

¹³Cov povthawj uas yog thawjcoj ntawm lawv cajces yog muaj ib txhiab xya pua rau caum leej, lawv puavleej yog cov neeg uas txawj ua txhua yam haujlwm nyob rau hauv Vajtswv lub Tuamtsev.

¹⁴Cov Levis uas nyob hauv lub nroog Yeluxalees muaj raws li no: Hasus tus tub Semayas, cov yawgkoob yog Axelikas thiab Hasanpiyas uas yog Melalis cuab kwvtij Mikas tus tub Npanpakas, Heles thiab Nkalas, cov yawgkoob yog Xikhalis thiab Axafes Semayas tus tub Aunpadiyas, cov yawgkoob yog Nkalas thiab Yeduthoos Axas tus tub Npelekhiyas uas yog Ekanas tus xeebntxwv, nws nyob hauv cov neeg Netaufas lub zos.

¹⁷Cov zov lub Tuamtsev uas nyob hauv lub nroog Yeluxalees muaj raws li no: Salumes, Akus, Talemoos thiab Ahimas. Lawv tus thawjcoj yog Salumes.

¹⁸Lub sijhawm ntawd lawv ua vaj ua tsev nyob rau ntawm Vajntxwv lub Roojvag uas nyob sab hnubtuaj. Cov no yog cov uas zov roojvag ntawm cov Levis lub yeej.

¹⁹Kaules tus tub Salumes uas yog Enpi-axas tus xeebntxwv nrog nws cov kwvtij uas yog Kaulas cov xeebntxwv ua cov zov ntawm lub qhovrooj uas mus rau hauv lub Tsevntaub ib yam li thaud lawv tej yawgkoob ua cov saib tus TSWV lub yeej los lawm.

²⁰Tus TSWV nrog nraim Ele-axas tus tub Fine-as, thiab yav tas los nws tau ua tus kav lawv ib zaug.

²¹Xakhaliyas uas yog Meselemiyas tus tub los kuj tau ua tus zov lub roojvag uas mus rau hauv tus TSWV lub Tsevntaub sib ntsib thiab.

²²Tagnrho cov txivneej uas xaiv los zov cov qhovrooj thiab roojvag no muaj ob puas kaum ob leeg. Lawv mus sau npe rau hauv tej zos uas lawv nyob. Vajntxwv Daviv thiab tus Povthawj Xamuyees twb yeej tsa lawv cov yawgkoob ua cov tuav lub luag haujlwm no los lawm.

²³Yog li ntawd, lawv thiab lawv tej xeebntxwv thiaj tau ua cov zov tus TSWV lub Tuamtsev tej roojvag.

²⁴Tej roojvag ntawd muaj nyob sab qaumteb, sab qabteb, sab hnubtuaj thiab sab hnubpoob, thiab puavleej muaj neeg zov plaub lub roojvag ntawd huv tibsi.

²⁵Cov zov roojvag no cov kwvtij uas nyob hauv lawv tej zos tuaj nrog lawv sib hloo zov kom xya hnub ib leeg zov ib zaug.

²⁶Plaub tus thawj uas saib cov roojvag ntawd yog cov Levis thiab tseem tsa lawv ua cov saib tej chav tsev hauv Vajtswv lub Tuamtsev thiab saib tej khoom uas coj tuaj cia rau hauv huv tibsi.

²⁷Lawv nyob ze Vajtswv lub Tuamtsev, rau qhov lawv tes haujlwm yog cov zov lub tuamtsev thiab qhib lub qhovrooj txhua tagkis sawv ntxov li.

²⁸Tsa cov Levis ibtxhia ua cov saib tej khoom uas siv rau kev pehawm Vajtswv, vim lawv yuav tau suav tej khoom ntawd thaum muab rau luag coj mus siv thiab nqa rov qab los cia.

²⁹Dua li ntawd, lwm pab yog tsa los ua cov saib tej khoom siv, tej khoom dawbhuv, tej tseem hmoov nplej, tej cawv txiv hmab, tej roj txiv ntoo, tej hmoov tshuaj tsw qab thiab tej ntoo tsw qab.

³⁰Tiamsis cov uas tov tej tshuaj tsw qab, mas puavleej yog cov povthawj nkaus xwb.

³¹Muaj ib tug Levis npe hu ua Matithiyas, nws yog Salumes tus tub hlob thiab yog Kaulas cajces ua tus saib cov ncuav uas puab cub coj mus fij rau Vajtswv.

³²Lawv cov kwvtij uas yog Kauhas cajces ua cov saib tej ncuav dawbhuv uas npaj coj mus fij rau hauv lub Tuamtsev txhua hnub Xanpataus.

³³Cov no yog cov hu nkauj, lawv puavleej yog cov thawjcoj ntawm lawv tej tsevneeg, muab tej chav tsev hauv lub Tuamtsev rau lawv nyob, thiab lawv tsis ua lwm yam haujlwm dabtsi li, rau qhov lawv yeej ua lawv lub luag haujlwm nruab hnub thiab hmos ntuj tas mus li.

³⁴Cov txivneej uas muaj npe hais los saum no puavleej yog cov thawjcoj ntawm cov Levis tsevneeg raws li lawv tej yawgkoob ntau tiam los lawm. Thiab lawv yog cov thawjcoj uas nyob hauv lub nroog Yeluxalees.

³⁵Ye-iyees yog tus rhawv lub nroog Nkinpe-oos thiab mus nyob rau hauv lub nroog ntawd. Nws tus pojniam hu ua Ma-akas.

³⁶Nws tus tub hlob hu ua Adoos thiab nws cov tub yau hu ua Xules, Kises, Npa-as, Neles, Nadas,

³⁷Nkedaules, Ahi-aus, Xakhaliyas thiab Mikalaus,

³⁸Mikalaus yog Sime-as txiv. Lawv tej xeebntxwv puavleej nyob hauv lub nroog Yeluxalees thiab nyob ze ntawm lawv cov kwvtij.

³⁹Neles yog Kises txiv, Kises yog Xa-ules txiv, Xa-ules yog Yaunathas, Makhisuas, Anpinadas thiab Esenpa-as txiv;

⁴⁰Yaunathas yog Melinpa-as txiv thiab Melinpa-as yog Mikhas txiv.

⁴¹Mikhas cov tub yog Pithoos, Melej, Tale-as thiab Ahas.

⁴²Ahas yog Yalas txiv, Yalas yog Alemes, Axemaves thiab Ximelis txiv. Ximelis yog Mauxas txiv,

⁴³Mauxas yog Npine-as txiv, Npine-as yog Lefayas txiv, Lefayas yog Ele-asas txiv thiab Ele-asas yog Axees txiv.

⁴⁴Axees muaj rau tug tub: Alikas, Npaukhelus, Yisamayees, Se-aliyas, Aunpadiyas thiab Hanas.