Read Hmong Daw Yauj 16 Bible Online

Yauj 16 - Hmong Daw bible

Yauj 16

¹Yauj teb hais tias: “Kuv yeej hnov luag hais tej ko los lawm; nej tej lus nplig ua rau kuv ntxhov siab xwb.

³Nej tej lus uas tsis muaj qabhau ko hais tsis paub tas li los? Nej yuav hais mus kom txog haum kawg los?

⁴Yog hais tias nej yog kuv, thiab kuv yog nej, kuv yeej hais tau txhua yam li nej hais thiab. Kuv yuav co taubhau thiab hais tau tej lus tuam mom nej ib yam nkaus.

⁵Kuv muaj cuabkav pab tau nej, txhawb nej lub zog thiab nplig tau nej siab.

⁶“Txawm yog kuv hais lus los tsis pab dabtsi, thiab yog kuv ua twjywm los kuv tus mob tsis ntaug.

⁷Vajtswv, koj ua rau kuv lub cev mob lwj ntsuav; koj cia kuv tsevneeg raug tua tuag tas.

⁸Koj muab kuv khi, thiab koj yog kuv tus yeebncuab. Kuv tshuav tawv thiab pobtxha lawm xwb, thiab luag muab tej ntawd ua timtseeb hais tias kuv ua txhaum.

⁹“Vajtswv chim nws thiaj muab kuv dua ua tej daim; nws ntxub kuv thiab ntsia qhovmuag qaujles rau kuv.

¹⁰Tej neeg tuaj nyob puagncig kuv, lawv hais lus saib tsis tau kuv, thiab xuas tawg ncuav rau kuv lub plhu.

¹¹Vajtswv muab kuv cob rau cov neeg ua phem ua qias.

¹²Kuv yeej ua neej nyob kaj siab lug, tiamsis Vajtswv tsawv nkaus kuv cajdab cab, nws nplawm kuv thiab tsuj kuv ntsoog tas. Vajtswv muab kuv ua daim phiaj rau nws sim

¹³thiab tua xub hneevnti txhua phab tuaj rau kuv, tej xub ntawd tuaj raug kuv ua rau kuv nqaij to; txawm li ntawd los nws tsis hlub kuv li.

¹⁴Nws ua rau kuv raug mob ua ntu zus; nws tawmtsam kuv ib yam li tus tubrog.

¹⁵“Kuv quaj ntsuag thiab muab ntaubtsaj los xaws ua ris tsho hnav, kuv txo hwjchim thiab zaum hauv av.

¹⁶Kuv quaj cebmuag tas, kuv ob lub qhovmuag o liab ploog,

¹⁷tiamsis kuv tsis tau ua txhaum dabtsi, thiab kuv muaj lub siab dawb paug thov Vajtswv.

¹⁸“Lub ntiajteb, tsis txhob muab kuv tej kev txhaum npog cia! Tsis txhob cia kuv lub suab thov kev ncaj ncees ntsiag.

¹⁹Muaj ib tug nyob saum ntuj ceebtsheej npaj rawv tuaj kuv tog pab kuv.

²⁰Kuv tej phoojywg txob thuam kuv; kuv quaj kua muag ntws laws rau Vajtswv.

²¹Kuv xav kom muaj ib tug pab kuv mus thov Vajtswv, ib yam li tus neeg uas mus thov nws tus phoojywg.

²²Tshuav tsis muaj pestsawg xyoo lawm, kuv yuav tau taug txojkev uas mus tsis muaj hnub rov los.