Read Hmong Daw Yauj 35 Bible Online

Yauj 35 - Hmong Daw bible

Yauj 35

¹Elihus hais ntxiv tias: “Yauj koj hais tias, koj tsis tau ua txhaum tabmeeg Vajtswv, koj hais li ntawd tsis yog lawm,

³lossis koj nug Vajtswv hais tias, ‘Kuv tej kev txhaum ua li cas rau koj? Yog kuv tsis ua txhaum, kuv ho tau dabtsi?’

⁴Kuv yuav teb koj thiab koj cov phoojywg tej lus huv tibsi.

⁵“Cia li saib saum nruab ntug! Saib tej huab nyob siab npaum li cas!

⁶Txawm yog koj ua txhaum los yeej tsis mob Vajtswv li. Yog koj ua txhaum ntau zaus puas ua li cas rau Vajtswv?

⁷Yog koj ua ncaj ncees puas pab tau Vajtswv dabtsi? Tsis muaj ib yam dabtsi uas Vajtswv xav tau ntawm koj li.

⁸Koj tej kev txhaum yuav raug lwm tus uas zoo li koj, thiab koj txojkev ua zoo yuav pab tau lwm tus.

⁹“Thaum neeg raug tsimtxom, lawv quaj ntsuag; lawv quaj thov kom lwm tus cawm lawv.

¹⁰Tiamsis lawv tsis mus cuag Vajtswv tus uas tsim lawv; tus uas pub lawv muaj kev cia siab thaum lawv raug kev tsaus ntuj.

¹¹Lawv tsis mus cuag Vajtswv tus uas pub kev txawj ntse rau peb, kom ntse tshaj tej tsiaj thiab tej noog.

¹²Lawv quaj thov kev pab, tiamsis Vajtswv tsis teb, rau qhov lawv siab phem thiab khavtheeb heev.

¹³Qhov uas lawv quaj tsis muaj qabhau, Vajtswv tus uas muaj hwjchim loj kawg nkaus tsis pom lossis tsis hnov li.

¹⁴Yauj, koj hais tias koj tsis pom Vajtswv, tiamsis koj ua siab ntev tos, koj zaj yeej nyob ntawm Vajtswv lawm.

¹⁵Koj xav hais tias Vajtswv yuav tsis rau txim rau neeg, thiab nws tsis quavntsej neeg tej kev txhaum no los?

¹⁶Txawm yog koj hais lus ntau los tsis muaj qabhau, rau qhov koj tsis paub hais tias koj hais dabtsi.”