Read Hmong Daw Yauj 7 Bible Online

Yauj 7 - Hmong Daw bible

Yauj 7

¹“Neeg lub neej nyob hauv ntiajteb no zoo ib yam li tus tubrog thiab tus tub zog uas luag ntiav ua haujlwm hnyav,

²thiab zoo ib yam li tus tubqhe uas ntshaw tus duab ntxoov ntxoo uas laj ntxiag; thiab zoo ib yam li tus tub zog uas tos ntsoov nws tej nqi zog,

³kuv tos ib hlis dhau ib hlis los tsis muaj ib yam zoo rau kuv lub neej; tos ib hmos dhau ib hmos los kuv tsuas muaj kev nyuaj siab xwb.

⁴Thaum kuv mus pw los hmo ntev heev; kuv nti khuj khuav laj tos txog kaj ntug.

⁵Muaj kas thoob plaws kuv lub cev; kuv daim tawv tu pleb qhuav nkig nkuav; thiab ua paug viag tawm tuaj.

⁶Kuv lub caij nyoog dhau mus zuj zus tsis muaj kev cia siab, thiab dhau mus ceev dua lub nqos ntos ntaub.

⁷“Vajtswv, thov koj nco ntsoov kuv, kuv txojsia ntev li ua ib pas xwb; kuv tej kev zoo siab tsis muaj tas lawm.

⁸Nimno koj tseem pom kuv, tiamsis koj yuav tsis pom ntxiv lawm. Txawm yog koj nrhiav kuv los yuav tsis pom kuv.

⁹Zoo ib yam li tauv huab uas yaj tas lawm, tus neeg tuag yeej tsis sawv rov los ib zaug li; txhua tus uas paub nws yuav tsis nco txog nws li lawm.

¹¹Yog li ntawd, kuv yuav nyob twjywm tsis tau! Kuv chim siab thiab npautaws heev, kuv yuav tsum tau hais xwb.

¹²“Vim li cas koj zov rawv kuv li? Koj xav hais tias kuv yog tus zaj uas nyob hauv hiavtxwv no los?

¹³Kuv xav pw thiab so kom los siav; kuv qhau cev pw saib kuv tej mob puas ntaug.

¹⁴Tiamsis koj ua rau kuv ua npau suav ntshai heev; koj ua rau kuv ua yogtoog thiab ua npau suav phem,

¹⁵ua rau kuv xav npo pa tuag ntshai zoo dua ua neej nyob lub cev muaj mob lwj ntsuav li no.

¹⁶Kuv dhuav heev; kuv tsis xav ua neej nyob lawm. Tsis txhob quavntsej kuv, kuv lub neej tsis muaj qabhau lawm.

¹⁷“Vim li cas koj thiaj muab neeg saib tseemceeb? Vim li cas koj thiaj mob saib nws?

¹⁸Koj tshuaj nws txhua tagkis sawv ntxov thiab sim nws siab txhua lub sijhawm.

¹⁹Thaum twg koj mam li tso tseg tsis saib kuv, kuv thiaj tau hloov pa nqos qaubncaug?

²⁰Tus uas saib neeg, yog hais tias kuv muaj txim, kuv ua txhaum dabtsi rau koj? Vim li cas koj muab kuv ua daim phiaj rau koj sim? Kuv ua ib lub nra hnyav rau koj los?

²¹Koj txawm zam tsis tau kuv lub txim li? Koj txawm zam tsis tau tej uas kuv ua txhaum li? Tsis ntev kuv twb yuav mus rau hauv kuv lub qhov ntxa, thaum koj nrhiav kuv yuav tsis pom kuv lawm.”