Read Hmong Daw Yauj 8 Bible Online

Yauj 8 - Hmong Daw bible

Yauj 8

¹Npiledas uas yog neeg Sus teb hais tias: “Koj yuav hais koj tej lus uas zoo li cua ntsawj mus txog thaum twg?

³Vajtswv yeej tsis rhuav kev ncaj ncees; nws yeej ua qhov tseeb xwb.

⁴Yeej yog koj tej menyuam tau ua txhaum rau Vajtswv lawm, yog li ntawd, Vajtswv thiaj rau txim rau lawv raws li lawv tsimnyog raug.

⁵Tiamsis nimno koj cia li tig rov los cuag Vajtswv tus uas muaj hwjchim loj kawg nkaus thiab ua kom haum nws siab;

⁶Yog koj yeej ua ncaj thiab tsis muaj txhaum, Vajtswv yeej yuav pab koj thiab rov pub kom koj lub cuab lub yig vammeej dua.

⁷Koj tej kev npluanuj uas ploj tas lawm, piv tsis tau tej uas Vajtswv yuav muab rau koj yav tom ntej.

⁸“Koj tig mus saib tej kev txawj ntse tiam thaum ub; ua tib zoo xav txog tej kev tseeb uas peb cov yawgkoob muaj los lawm.

⁹Peb txojsia luv kawg li, peb tsis paub xyov yuav zoo li cas; peb lub neej dhau mus yam li tus duab ntxoov ntxoo uas los nroos lub ntiajteb ib vuag.

¹⁰Tiamsis cia cov neeg txawj ntse tiam thaum ub qhia koj; cia li mloog tej lus uas lawv qhia hais tias:

¹¹“Tauj npaig yeej tsis tuaj ntawm qhov chaw uas tsis muaj dej; thiab yeej tsis muaj tauj npaig nyob saum nruab qhuab li.

¹²Yog dej qhuav, ces tauj npaig yog cov uas xub tuag thaum tseem mos uas tsis tau zoo txiav los siv.

¹³Tej neeg uas tsis paub Vajtswv zoo ib yam li tej tauj npaig ntawd; thaum twg lawv tso Vajtswv tseg, ces lawv kev cia siab ploj mus tas.

¹⁴Lawv cia siab rau kab laugsab tej nyuag xov ua zes.

¹⁵Yog lawv tso cev rau kab laugsab lub zes puas yuav khov lawv? Yog lawv tuav tej xov kab laugsab ntawd, puas yuav pab tau lawv sawv ntsug?”

¹⁶Cov neeg siab phem hlob mos nyoos ib yam li tej nroj uas tau tshav ntuj, thiab zoo ib yam li tej nroj uas huam puv vaj.

¹⁷Tej cag nrhau mus qhwv tej pobzeb thiab zawm txhua lub pobzeb ruaj heev.

¹⁸Tiamsis yog muab lawv rho tawm ntawm lawv qhov chaw tsis muaj leejtwg paub hais tias lawv nyob ntawd li.

¹⁹Tej ntawd yog cov neeg siab phem tej kev zoo siab; nimno yuav muaj lwm yam los hloov lawv chaw.

²⁰Tiamsis Vajtswv yeej tsis tso tus uas muab siab npuab nws tseg lossis pab tus neeg siab phem li.

²¹Vajtswv yuav rov pub koj qw thiab luag zoo siab dua,

²²tiamsis nws yuav ua rau cov uas ntxub koj poob ntsejmuag, thiab cov neeg siab phem tej vajtse yuav puastsuaj tas.