Read Hmong Daw Phau Ntawv Nkauj 111 Bible Online

Phau Ntawv Nkauj 111 - Hmong Daw bible

Phau Ntawv Nkauj 111

¹Qhuas tus TSWV! Kuv yuav ua tus TSWV tsaug kawg siab kawg ntsws tabmeeg Vajtswv haivneeg uas tuaj sib sau ua ke.

²Tej txujci tseemceeb uas tus TSWV ua loj kawg li! Txhua tus uas txaus siab rau tej txujci ntawd, mas lawv xav paub tej txujci ntawd kawg li.

³Txhua yam uas tus TSWV ua tseemceeb thiab muaj koob meej kawg li; nws txojkev ncaj ncees nyob mus ibtxhis.

⁴Tus TSWV yeej ua kom peb nco ntsoov nws tej txujci tseemceeb mus li; nws yog tus muaj lub siab zoo thiab hlub tshua sawvdaws.

⁵Nws pub rau cov neeg uas hwm nws muaj noj muaj haus tsis tu pluas; nws yeej nco ntsoov nws tej lus cog tseg mus li.

⁶Nws qhia nws lub hwjchim loj rau nws haivneeg uas yog nws muab lwm haivneeg tej tebchaws rau lawv.

⁷Ib puas tsav yam uas nws ua puavleej tseeb thiab ncaj ncees; nws tej lus qhia yog tej uas cia siab tau.

⁸Nws tej lus qhia kav mus ibtxhis; tej lus ntawd qhia qhov tseeb thiab qhov ncaj.

⁹Nws tso nws haivneeg dim thiab coglus rau lawv mus ibtxhis. Nws yog tus Dawbhuv thiab muaj hwjchim loj kawg li!

¹⁰Tus uas hwm tus TSWV, tus ntawd thiaj yog tus muaj tswvyim, nws pub kev totaub rau cov uas mloog nws tej lus samhwm. Tsimnyog qhuas nws lub npe mus ibtxhis.