Read Hmong Daw Phau Ntawv Nkauj 138 Bible Online

Phau Ntawv Nkauj 138 - Hmong Daw bible

Phau Ntawv Nkauj 138

¹Tus TSWV, kuv ua koj tsaug kawg siab kawg ntsws, kuv hu nkauj qhuas koj tabmeeg tej vajtswv.

²Kuv tig xubntiag rau ntawm koj lub tuamtsev uas dawbhuv, kuv nyo hau thiab qhuas koj lub npe, rau qhov koj txojkev hlub uas tsis paub kawg thiab txojkev ncaj ncees, rau qhov koj qhia koj lub npe thiab koj txojlus uas muaj hwjchim rau peb.

³Thaum kuv hu koj, koj teb kuv tej lus thov, koj txhawb kuv lub zog kawg li.

⁴Tus TSWV, tagnrho tej vajntxwv hauv ntiajteb no yuav qhuas koj, rau qhov lawv tau hnov koj tej lus cog tseg.

⁵Lawv yuav hu nkauj qhuas tej uas koj tau ua thiab koj lub tshwjchim loj uas ci ntsa iab.

⁶Txawm yog koj nyob saum qhov chaw uas siab tshaj plaws los koj hlub txog cov uas nyob qis hauv ntiajteb no, thiab cov neeg khavtheeb khiav tsis dim ntawm koj li.

⁷Thaum kev nyuaj siab nyob puagncig kuv, koj pab kuv dim. Koj tawmtsam kuv cov yeebncuab thiab koj lub hwjchim tso kuv dim.

⁸Tus TSWV, koj yuav ua txhua yam raws li koj tau coglus tseg lawm, Tus TSWV, koj txojkev hlub nyob mus ibtxhis. Thov koj tsis txhob tso tej haujlwm uas koj pib ntawd tseg.