Read Hmong Daw Phau Ntawv Nkauj 20 Bible Online

Phau Ntawv Nkauj 20 - Hmong Daw bible

Phau Ntawv Nkauj 20

¹Thov tus TSWV teb koj tej lus thov thaum koj muaj kev ntxov siab. Thov Yakhauj tus Vajtswv tsomkwm koj.

²Thov nws tso kev pab hauv nws lub Tuamtsev tuaj pab koj, thiab nws yuav muab lub zog saum roob Xi-oos los rau koj.

³Thov nws nco txog tej khoom uas koj muab fij rau nws, thiab thov nws txaus siab rau tej khoom theej txhoj uas koj muab hlawv fij rau nws.

⁴Thov nws muab txhua yam rau koj raws li koj xav tseg lawm thiab ua kom txhua yam uas koj npaj siab lawm tiav.

⁵Ces peb yuav qw zoo siab vim koj yeej lawm, thiab yuav ua kev zoo siab qhuas peb tus Vajtswv qhov uas koj muaj yeej. Thov tus TSWV teb tej lus uas koj thov raws li koj xav tau.

⁶Nimno kuv paub hais tias, tus TSWV pab kom tus vajntxwv uas nws xaiv tseg lawm yeej, tus Tswv teb nws tej lus thov saum ntuj uas yog nws qhov chaw dawbhuv tuaj, nws thiaj tau txais kev yeej loj kawg nkaus ntawm tus Tswv lub hwjchim.

⁷Muaj qee leej cia siab rau lawv tej tsheb nees thiab ibtxhia cia sia rau lawv tej nees, tiamsis peb cia siab rau tus TSWV uas yog peb tus Vajtswv lub hwjchim.

⁸Cov neeg uas hais los no yuav dawm thiab ntog, tiamsis peb yuav sawv nres nroos khov kho.

⁹Tus TSWV, thov pab kom vajntxwv muaj yeej. Thov koj teb peb tej lus thaum peb tsa ncauj thov koj.