Read Hmong Daw Phau Ntawv Nkauj 52 Bible Online

Phau Ntawv Nkauj 52 - Hmong Daw bible

Phau Ntawv Nkauj 52

¹Tus neeg muaj hwjchim, vim li cas koj khav ntxhias rau koj txojkev ua phem ua qias? Vajtswv txojkev ncaj ncees yog txoj uas nyob mus ibtxhis.

²Koj npaj tswvyim ua kom lwm tus raug kev puastsuaj, koj tus nplaig ntse ib yam li hniav chais, koj yeej ibtxwm hais lus dag xwb.

³Koj nyiam kev phem tshaj kev zoo thiab nyiam kev dag tshaj kev ncaj ncees.

⁴Koj yog neeg dag, koj thiaj nyiam hais tej lus uas chob luag siab xwb.

⁵Yog li ntawd, Vajtswv yuav ua kom koj raug kev puastsuaj mus ibtxhis, nws yuav tuav koj cia thiab muab koj ntiab tawm hauv koj lub tsev mus; nws yuav muab koj tshem tawm hauv lub ntiajteb uas cov neeg muaj sia nyob no mus.

⁶Cov neeg ncaj ncees yuav pom zaj no thiab lawv ntshai kawg li, ces lawv yuav luag koj plig thiab hais tias,

⁷“Nej saib, tus neeg uas tsis cia Vajtswv ua tus pab nws, tiamsis nws pheej cia siab rau nws tej nyiaj txiag, thiab pheej rau siab ntso nrhiav kev ua phem nkaus xwb.”

⁸Tiamsis kuv zoo ib yam li tsob txiv ntoo roj uas hlob mos nyoos hauv Vajtswv lub tsev, kuv cia siab hlo rau nws txojkev hlub uas tsis paub kawg mus ibtxhis.

⁹Vajtswv, kuv yuav ua koj tsaug tsis paub kawg, rau tej uas koj twb ua pub rau kuv tas los lawm, kuv yuav qhia koj txojkev ua zoo tabmeeg koj haivneeg.