Read Hmong Daw Phau Ntawv Nkauj 54 Bible Online

Phau Ntawv Nkauj 54 - Hmong Daw bible

Phau Ntawv Nkauj 54

¹Vajtswv, thov koj lub hwjchim cawm kom kuv dim; thov koj lub zog loj zog nchav tso kom kuv dim!

²Vajtswv, thov koj hnov kuv tej lus thiab mloog kuv tej lus thov.

³Cov neeg khavtheeb tabtom tuaj tawmtsam kuv, cov neeg limhiam tabtom nrhiav kuv tua, lawv yog cov neeg uas tsis quavntsej txog Vajtswv.

⁴Tiamsis Vajtswv yog tus pab kuv. Tus TSWV yog tus tiv thaiv kuv.

⁵Thov Vajtswv siv kuv cov yeebncuab tej kev ua phem rau txim rov rau lawv. Nws yuav ua kom lawv raug puastsuaj, rau qhov nws yog tus uas ncaj ncees.

⁶Tus TSWV, kuv yuav zoo siab hlo muab khoom fij rau koj, kuv yuav ua koj tsaug, rau qhov koj yog tus muaj lub siab zoo.

⁷Koj tau cawm kuv dim ntawm kuv tej kev ntxhov siab, thiab kuv pom ntsoov kuv cov yeebncuab swb lawm.