Read Hmong Daw Phau Ntawv Nkauj 6 Bible Online

Phau Ntawv Nkauj 6 - Hmong Daw bible

Phau Ntawv Nkauj 6

¹Tus TSWV, thov koj tsis txhob chim thiab cem kuv! Tsis txhob chim thiab rau txim rau kuv!

²Tus TSWV, thov koj hlub kuv, rau qhov kuv tabtom raug kev puastsuaj. Thov txhawb kuv lub zog; vim kuv lub zog ntaug tas lawm,

³tagnrho kuv lub cev raug txomnyem ua rau kuv lwj siab kawg li. Tus TSWV, koj yuav tos ntev li cas koj mam li pab kuv?

⁴Tus TSWV, koj cia li los thiab cawm kom kuv dim; koj txojkev hlub uas nyob mus ibtxhis thiaj yuav cawm tau kuv dim ntawm txojkev tuag xwb.

⁵Nyob hauv tubtuag teb tsis muaj leejtwg ua koj tsaug; thiab lawv tsis nco qab koj lawm.

⁶Kuv qaug zog vim kuv txojkev tu siab; kuv quaj txhua hmo ua rau kuv lub txaj ntub kua muag tas, thiab kuv lub hauv ncoo tsau tsawv kuv tej kua muag.

⁷Kuv rua tsis taus qhovmuag vim kuv txojkev tu siab, kuv quaj qhovmuag o tas vim kuv cov yeebncuab.

⁸Nej cov uas yog neeg ua phem, cia li txav kom deb ntawm kuv mus. Rau qhov tus TSWV twb hnov kuv tej lus thov lawm;

⁹Nws mloog kuv lub suab quaj thov nws pab, thiab nws yuav teb kuv tej lus thov.

¹⁰Kuv cov yeebncuab yuav paub txog txojkev swb uas txajmuag ntsuav; ces tib pliag ntshis xwb lawv yuav raug raws khiav rov qab.