Read Hmong Daw Phau Ntawv Nkauj 60 Bible Online

Phau Ntawv Nkauj 60 - Hmong Daw bible

Phau Ntawv Nkauj 60

¹Vajtswv, koj muab peb tso tseg thiab koj ua rau peb swb lawm, koj chim heev rau peb, tiamsis nimno thov koj tig rov los pab peb.

²Koj muab lub tebchaws co ua zog koog, thiab koj muab phua tawg rhe lawm, thov koj cia li kho nws tej qhov txhab tamsim no, rau qhov nws tawg ua ntau daim lawm.

³Koj ua rau koj haivneeg raug kev txomnyem loj kawg li, peb da ntxeev tiaj khwb rwg ib yam li peb qaug cawv.

⁴Koj tsa ib tug chij rau cov uas hwm koj kom lawv khiav dim ntawm txojkev puastsuaj.

⁵Thov koj lub hwjchim cawm kom peb dim, thov koj teb peb tej lus thov kom cov neeg uas koj hlub thiaj tau txais kev cawm dim.

⁶Vajtswv hais lus ntawm chav pehawm nws tuaj hais tias, “Ntawm txojkev muaj yeej, kuv yuav muab lub nroog Sekhees faib thiab muab lub Hav Xukaus pub rau kuv haivneeg.

⁷Nkile-as yog kuv tug, thiab Manaxes los yog kuv tug ib yam nkaus, Efalayees yog kuv lub kausmom hlau thiab Yudas yog kuv tus cwj.

⁸Cov Mau-am yog kuv lub tais ntxuav taw; thiab kuv yuav hle kuv txhais khau pov mus rau saum Edoos; kuv yuav qw hais tias kuv yeej cov Filitees lawm!”

⁹Vajtswv, leejtwg yuav coj kuv mus rau hauv lub nroog uas muaj ntsa yeej khov kho? Leejtwg yuav coj kuv mus rau hauv Edoos?

¹⁰Tsis yog koj twb muab peb tso povtseg lawm los? Tsis yog koj tsis kam tawm nrog peb cov tubrog mus lawm los?

¹¹Thov pab peb tawmtsam peb cov yeebncuab, yog neeg pab xwb tsis qabhau li.

¹²Yog hais tias Vajtswv tuaj peb tog peb thiaj yuav yeej, nws yuav kovyeej peb cov yeebncuab.