Read Hmong Daw Phau Ntawv Nkauj 63 Bible Online

Phau Ntawv Nkauj 63 - Hmong Daw bible

Phau Ntawv Nkauj 63

¹Vajtswv, koj yog kuv tus Vajtswv, kuv tos ntsoov koj. Kuv lub siab xav tau koj ib yam li thaj av qhuav uas tsis muaj dej. Kuv tus ntsujplig nqhis koj qhuav siab qhawv.

²Thov kom kuv pom koj hauv chav uas neeg tuaj pehawm koj, thov cia kuv pom koj lub hwjchim thiab koj tus tshwjchim uas loj kawg nkaus.

³Koj txojkev hlub uas tsis paub kawg zoo dua txojsia, vim li ntawd kuv yuav qhuas koj.

⁴Kuv yuav ua koj tsaug mus tas kuv simneej, kuv yuav tsa tes thov koj.

⁵Kuv tus ntsujplig yuav tau noj thiab txaus siab kawg li, thiab kuv yuav zoo siab luag ntxhi hu nkauj qhuas koj.

⁶Thaum kuv pw saum txaj, kuv yeej nco ntsoov txog koj, kuv lub siab xav ntsoov rau koj ib hmos kaj ntug plaws,

⁷rau qhov koj ibtxwm pab kuv los lawm. Kuv zoo siab hu nkauj hauv koj ob sab qab tis uas ua duab ntxoo roos kuv.

⁸Kuv nyob ze rawv koj, thiab koj txhais tes xis thaiv tsis pub kuv raug kev nyuaj siab.

⁹Cov neeg uas nrhiav kuv tua povtseg yuav mus tas rau hauv tubtuag teb.

¹⁰Lawv yuav raug tua tuag tas rau hauv tshavrog thiab hma yuav noj lawv.

¹¹Rau qhov Vajtswv pub rau vajntxwv kovyeej, vajntxwv yuav zoo siab kawg li. Cov neeg uas tuav Vajtswv lub npe coglus yuav qhuas nws, tiamsis yuav muab cov neeg dag tej qhovncauj kaw.