Read Hmong Daw Phau Ntawv Nkauj 7 Bible Online

Phau Ntawv Nkauj 7 - Hmong Daw bible

Phau Ntawv Nkauj 7

¹Tus TSWV uas yog kuv tus Vajtswv, kuv tuaj thov koj tiv thaiv kuv; thov cawm kom kuv dim ntawm cov neeg uas caum ntes kuv,

²lossis lawv yuav dua kom kuv ntuag tas ib yam li tsov ntxhuav dua, lawv yuav cab kuv mus kom tsis muaj leejtwg cawm tau.

³Tus TSWV uas yog kuv tus Vajtswv, yog kuv tau ua txhaum rau leejtwg, yog kuv tau ntxeev siab rau kuv tus phoojywg lossis kuv txhob txwm ua limhiam rau kuv cov yeebncuab yog kuv tau ua tej kev txhaum no ib yam twg lawm,

⁵thov cia kuv cov yeebncuab caum thiab ntes kom tau kuv, cia lawv muab kuv tua thiab txiav ua tej thooj povtseg, tsis txhob pub kom kuv muaj sia nyob hauv ntiajteb no li.

⁶Tus TSWV, koj cia li sawv tsees nrog koj txojkev npautaws los. Thov sawv nres nroos tawmtsam kuv cov yeebncuab tej kev chim, koj cia li sawv los pab kuv! Kev ncaj ncees yog yam uas koj samhwm kom muaj,

⁷cia li sau txhua haivneeg los nyob puagncig koj, thiab zaum saum koj lub zwmtxwv uas nyob saum ntuj tswjhwm lawv.

⁸Tus TSWV, koj yog tus uas txiav txim rau noobneej. Thov koj cia li txiav txim ncaj ncees rau kuv, rau qhov koj paub hais tias kuv tsis tau ua txhaum dabtsi.

⁹Koj yog Vajtswv tus uas ncaj ncees, koj txiav txim rau peb tej kev xav thiab tej uas peb lub siab ntshaw. Thov muab cov neeg siab phem tej kev ua phem tshem mus, thiab muab nqi zog rau cov neeg uas ua zoo.

¹⁰Vajtswv yog tus tiv thaiv kuv; nws cawm cov neeg uas hwm nws.

¹¹Vajtswv yog tus txiav txim ncaj ncees thiab rau txim tsis tseg rau cov neeg uas ua phem ua qias.

¹²Yog lawv pheej tsis tso lawv tej kev phem tseg, Vajtswv yuav hov nws rab ntaj kom ntse. Nws yuav nta nws rab hneev thiab npaj tos tua xwb;

¹³Nws yuav nqa nws cov cuabyeej uas tua neeg tuag thiab taw nws tej xubvos nplaim taws rau lawv.

¹⁴Saib maj, cov neeg siab phem tsim kev phem kev qias lawm, lawv nrhiav kev ua phem thiab xyaum ua tej uas tsis ncaj xwb.

¹⁵Tiamsis lawv yuav poob tas rau hauv lub qhov uas lawv khawb cuab lwm tus kev.

¹⁶Yog li ntawd, lawv thiaj raug txim vim lawv tej kev phem kev qias thiab raug mob vim qhov uas lawv hla txoj kevcai.

¹⁷Kuv ua tus TSWV tsaug rau nws txojkev ncaj ncees, kuv hu nkauj qhuas tus TSWV, tus uas nyob saum qhov Chaw Siab Tshaj plaws.