Read Hmong Daw Exekees 48 Bible Online

Exekees 48 - Hmong Daw bible

Exekees 48

¹Lawv lub tebchaws tus ciam sab qaumteb, txij ntua ntawm ntug Hiavtxwv Meditelanes mus rau ntawm lub nroog Heloos, mus rau ntawm lub Dawm Hamas, mus rau ntawm lub nroog Enoos, mus rau ntu nruab nrab ntawm lub nroog Damaxes thiab Hamas. Txhua xeem puavleej tau av txij ntua ntawm tus ciamteb sab hnubtuaj mus txog tus ciamteb sab hnubpoob ntawm Hiavtxwv Meditelanes, thiab qaumteb mus ti nkaus qabteb raws li cov npe xeem no: [Xeem] — [Das] Xeem — Aseles Xeem — Nathalis Xeem — Manaxes Xeem — Efalayees Xeem — Lunpees Xeem — Yudas

⁸Tshwj ib thaj av npuab xeem Yudas thaj, thaj av ntawd qhov dav thiab qhov ntev sib npaug zos, qaumteb rau qabteb muaj nees nkaum tsib txhiab tshim thiab hnubtuaj rau hnubpoob muaj nees nkaum tsib txhiab tshim ib yam nkaus li tej feem uas muab rau kaum ob xeem ntawd. Yuav ua lub Tuamtsev rau hauv thaj av ntawd.

⁹Thaj av uas tshwj tseg rau tus TSWV, qhov ntev muaj nees nkaum tsib txhiab tshim thiab qhov dav muaj nees nkaum txhiab tshim.

¹⁰Cov povthawj tau ib feem ntawm thaj av dawbhuv no los ua lawv tug. Qhov ntev sab hnubtuaj rau sab hnubpoob muaj nees nkaus tsib txhiab tshim thiab qhov dav qaumteb rau qabteb muaj kaum txhiab tshim. Tus TSWV lub Tuamtsev nyob rau hauv plawv thaj av no.

¹¹Thaj av dawbhuv no yog tseg rau cov povthawj uas yog Xadaus cajces. Lawv muab siab npuab kuv, tsis tso kuv tseg thiab tsis koom nrog cov Yixalayees ua txhaum ib yam li cov Levis uas tau mus ua txhaum lawm.

¹²Yog li ntawd, lawv thiaj tau ib feem ntawm thaj av uas tshwj tseg nyob npuab ntawm cov Levis li, thaj av ntawd yog thaj uas dawbhuv kawg nkaus.

¹³Cov Levis tau ib feem ntawm thaj av uas tshwj tseg nyob sab qabteb npuab cov povthawj li. Thaj av ntawd hnubtuaj rau hnubpoob qhov ntev muaj nees nkaum tsib txhiab tshim, thiab qaumteb rau qabteb muaj nees nkaum txhiab tshim.

¹⁴Thaj av uas muab fij rau tus TSWV yog thaj uas zoo tshaj plaws hauv lub tebchaws; tsis pub muab muag, muab pauv lossis muab hloov rau leejtwg li. Thaj av ntawd dawbhuv thiab yog tus TSWV tug.

¹⁵Thaj av seem sab nraud uas npuab thaj dawbhuv qhov ntev muaj nees nkaum tsib txhiab tshim thiab qhov dav muaj tsib txhiab tshim, yog tseg rau cov pejxeem ua vaj ua tsev nyob rau hauv plawv thiab tseg sab nraud ua tshav tsiaj.

¹⁶Thaj av uas lawv ua vaj ua tsev nyob ntawd, dav thiab ntev xwmfab xwmmeem, ib phab twg muaj plaub txhiab tsib puas tshim.

¹⁷Lub nroog ntawd tseg av seem puagncig sab nraud cia ua tshav tsiaj, ib phab twg dav ob puas tsib caug tshim thiab ntev ob puas tsib caug tsim.

¹⁸Thaj av seem uas nyob npuab ntawm thaj av dawbhuv, sab hnubtuaj muaj kaum txhiab tshim thiab sab hnubpoob muaj kaum txhiab tshim. Thaj av ntawd cia cog qoobloo rau cov neeg uas ua haujlwm hauv lub nroog noj.

¹⁹Cov Yixalayees txhua xeem uas nyob hauv lub nroog mus ua cov teb ntawd.

²⁰Thaj av uas tshwj tseg ntawd, dav thiab ntev xwmfab xwmmeem, ib phab twg muaj nees nkaum tsib txhiab tshim uas yog xam thaj av uas ua lub nroog nrog.

²¹Thaj av uas ua lub Tuamtsev, thaj av uas cov povthawj nyob, thaj av uas cov Levis nyob, thaj av uas ua lub nroog thiab thaj av uas tseg cia ua teb, sab hnub tuaj lossis sab hnubpoob puavleej yog tus vajntxwv uas kav lub tebchaws tug. Thaj av ntawd sab hnubtuaj mus ti nkaus rau tus ciam tebchaws sab hnubtuaj, thiab sab hnubpoob dhau mus ti nkaus rau Hiavtxwv Meditelanes, sab qaumteb txij ntua ntawm xeem Npeenyamees tus ciamteb los, sab qabteb txij ntua ntawm xeem Yudas tus ciamteb los.

²³Feem av uas nyob rau sab qabteb, yog muab faib rau cov xeem uas tsis tau muaj av; tus ciam txij ntua ntawm tus ciam tebchaws sab hnubtuaj mus ti nkaus rau Hiavtxwv Meditelanes; pib faib qaumteb mus rau qabteb rau cov xeem no: [Xeem] — [Npeenyamees] Xeem — Xime-oos Xeem — Ixakhas Xeem — Xenpuloos Xeem — Khas

²⁸Thaj av nyob sab qabteb uas muab tu rau xeem Khas, tus ciam txij ntua ntawm Tamaj mus rau sab qabteb hnubpoob mus txog rau cov pasdej Kades, thiab sab qaumteb hnubpoob, txij ntua ntawm cov Iziv tus ciamteb mus rau Hiavtxwv Meditelanes.

²⁹Tus TSWV uas kav ib puas tsav yam hais tias, “Ntawm no yog hais txog qhov uas muab lub tebchaws faib rau cov xeem Yixalayees ua lawv tug.”

³⁰Muaj kaum ob lub roojvag uas mus rau hauv lub nroog Yeluxalees. Ib sab ntsa yeej twg ntev plaub txhiab tsib puas tshim thiab muaj peb lub roojvag, ib lub roojvag twg yog ib xeem npe. Cov roojvag sab qaumteb tis npe raws li xeem Lunpees, xeem Yudas thiab xeem Levis; cov roojvag sab hnubtuaj tis npe raws li xeem Yauxej, xeem Npeenyamees thiab xeem Das; cov roojvag sab qabteb tis npe raws li xeem Xime-oos, xeem Ixakhas thiab xeem Xenpuloos; thiab cov roojvag sab hnubpoob tis npe raws li xeem Khas, xeem Aseles thiab xeem Nathalis.

³⁵Tus ntsa yeej puagncig lub nroog muaj kaum yim txhiab tshim. Txij no mus lub nroog yuav muaj npe hu ua “Tus TSWV Nyob Ntawm No!”