Read Hmong Daw Yaunas 2 Bible Online

Yaunas 2 - Hmong Daw bible

Yaunas 2

¹Yaunas thov tus TSWV uas yog nws tus Vajtswv hauv ntse plab tuaj hais tias:

²“Tus TSWV, vim kuv txojkev txomnyem, kuv thov koj, thiab koj twb teb kuv tej lus thov lawm. Kuv nyob hauv tubtuag teb quaj thov koj pab kuv, koj hnov kuv tej lus thiab teb kuv tej lus thov.

³Koj muab kuv pov rau hauv qab thu hiavtxwv qhov uas tob tshaj plaws, nyob hauv no dej nyab puagncig kuv, koj lub hwjchim ua dej nphau pes nphwv los npog kuv.

⁴Kuv thiaj xav hais tias koj muab kuv xyeeb tawm ntawm koj lub xubntiag mus, thiab kuv yuav tsis tau pom koj lub Tuamtsev uas dawbhuv ib zaug li lawm.

⁵Dej nphau nphwv los npog kuv thiab ua rau kuv ua tsis taus pa li lawm; hiavtxwv nyab puagncig kuv thiab tej ntxhuab hauv hiavtxwv rig thoob plaws kuv lub taubhau.

⁶Kuv poob mus ti nkaus rau hauv tej qab taw roob, hauv lub tebchaws uas tej roojvag kaw ntom nti mus ibtxhis li. Tiamsis tus TSWV uas yog kuv tus Vajtswv, koj rub kuv tawm hauv tivtxwv dej los muaj txojsia nyob.

⁷Tus TSWV, thaum uas kuv txojsia yuav tu, kuv thov koj pab kuv; koj nyob hauv koj lub Tuamtsev uas dawbhuv hnov kuv tej lus thov.

⁸Cov neeg pe tej mlom uas tsis muaj nqis dabtsi yeej tsis muab lub siab npuab koj.

⁹Tiamsis kuv yuav hu nkauj qhuas koj yuav tua tsiaj fij rau koj, thiab kuv yuav ua raws li uas kuv tau coglus tseg rau koj lawm. Txojkev cawm dim yog los ntawm tus TSWV los xwb!”

¹⁰Ces tus TSWV thiaj hais kom tus ntses tawm tuaj ntuav Yaunas rau tim ntug dej, thiab tus ntse txawm uas li ntawd.