Read Hmong Daw Teev Npe 1 Bible Online

Teev Npe 1 - Hmong Daw bible

Teev Npe 1

¹Tau ob xyoos tom qab uas cov Yixalayees khiav nram tebchaws Iziv los, thaum lub ob hlis ntuj hnub xiab ib, tus TSWV hais rau Mauxes hauv tus TSWV lub Tsevntaub sib ntsib nram tiaj suabpuam Xinais hais tias,

²“Aloos neb cia li sau cov Yixalayees npe raws li tej cuab kwvtij thiab tej tsevneeg. Sau tagnrho txhua tus txivneej

³uas muaj hnubnyoog nees nkaum xyoo rov saud uas ua taus tubrog lawm tej npe.

⁴Kom ib cuab kwvtij twg tsa ib tug los ua tus thawj ntawm txhua xeem los ua tus pab koj.”

⁵Ntawm no yog cov txivneej uas yog thawjcoj ntawm lawv tej xeem uas raug xaiv ntawm tej pab tej pawg tuaj ua tej haujlwm no: [Xeem] — [Tus thawjcoj xeem] Lunpees — yog Sede-us tus tub Elixus Xime-oos — yog Xulisadais tus tub Selumiyees Yudas — yog Aminadas tus tub Nasoos Ixakhas — yog Zuag tus tub Nethanees Xenpuloos — yog Heloos tus tub Eli-as Efalayees — yog Amihus tus tub Elisamas Manaxes — yog Pedaxes tus tub Nkamaliyees Npeenyamees — yog Nkide-aunis tus tub Anpidas Das — yog Amisadais tus tub Ahi-exes Aseles — yog Aukhalas tus tub Pankiyees Khas — yog Deyees tus tub Eli-axas Nathalis — yog Enas tus tub Ahilas

¹⁷Mauxes thiab Aloos coj kaum ob leeg txivneej no mus ua cov pab nkawd,

¹⁸hnub xiab ib lub ob hlis ntuj, lawv hu tagnrho txhua xeem thiab txhua tsevneeg tuaj txoos ua ke sau lawv tej npe. Tagnrho cov tub hluas uas hnubnyoog nees nkaum xyoo rov saud puavleej muab sau npe thiab suav tseg,

¹⁹raws li tus TSWV tau samhwm tseg. Yog li ntawd, Mauxes thiaj sau cov pejxeem npe nyob tom tiaj Suabpuam Xinais.

²⁰Lunpees cajces uas yog Yakhauj tus tub hlob tsevneeg, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

²¹Xeem Lunpees, suav tau plaub caug rau txhiab tsib puas leej.

²²Xeem Xime-oos, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

²³Cov Xime-oos, suav tau tsib caug cuaj txhiab peb puas leej.

²⁴Xeem Khas, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

²⁵Cov Khas, suav tau plaub caug tsib txhiab rau pua tsib caug leej.

²⁶Xeem Yudas, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

²⁷Cov Yudas, suav tau xya caum plaub txhiab rau pua leej.

²⁸Xeem Ixakhas, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

²⁹Cov Ixakhas, suav tau tsib caug plaub txhiab plaub puas leej.

³⁰Xeem Xenpuloos, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

³¹Cov Xenpuloos, suav tau tsib caug xya txhiab plaub puas leej.

³²Xeem Yauxej, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

³³Xeem Efalayees, suav tau plaub caug txhiab tsib puas leej.

³⁴Xeem Manaxes, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

³⁵Cov Manaxes, suav tau peb caug ob txhiab ob puas leej.

³⁶Xeem Npeenyamees, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

³⁷Cov Npeenyamees, suav tau peb caug tsib txhiab plaub puas leej.

³⁸Xeem Das, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

³⁹Cov Das, suav tau rau caum ob txhiab xya pua leej.

⁴⁰Xeem Aseles, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

⁴¹Cov Aseles, suav tau plaub caug ib txhiab tsib puas leej.

⁴²Xeem Nathalis, tagnrho cov txivneej uas hnubnyoog nees nkaum xyoo rov saud uas ua taus tubrog, sau npe raws li lawv cajces.

⁴³Cov Nathalis, suav tau tsib caug peb txhiab plaub puas leej.

⁴⁴Tagnrho cov txivneej no puavleej yog cov uas Mauxes, Aloos thiab cov Yixalayees kaum ob tug thawjcoj pab nkawd suav, lawv nyias ua tus sawv cev ntawm nyias xeem.

⁴⁵Cov Yixalayees uas hnubnyoog nees nkaum xyoo lossis laus dua ntawd uas ua taus tubrog puavleej tuaj sau npe raws li nws cajces.

⁴⁶Lawv suav tagnrho tau rau pua peb txhiab tsib puas tsib caug leej.

⁴⁷Tsis tau sau cov Levis npe nrog kaum ob xeem no,

⁴⁸rau qhov tus TSWV hais rau Mauxes hais tias,

⁴⁹“Thaum koj sau cov txivneej uas ua taus tubrog npe, koj tsis txhob suav cov Levis npe rau hauv.

⁵⁰Tiamsis koj tsa cov Levis ua cov kwv lub Tsevntaub sib ntsib uas yog qhov chaw nrog kuv sib ntsib thiab tej khoom uas nyob hauv, lawv yog cov tsa lub Tsevntaub sib ntsib thiab rub lawv tej tsev nyob ncig lub Tsevntaub sib ntsib ntawd.

⁵¹Yog thaum twg nej tshais chaw tawm hauv nej lub yeej mus, cov Levis yog cov uas muab lub Tsevntaub sib ntsib txo thiab thaum nej mus nyob dua lub yeej tshiab, cov Levis yog cov uas tsa lub Tsevntaub sib ntsib ntawd. Lwm tus uas txav los ze lub Tsevntaub sib ntsib yuav raug tua tuag.

⁵²Dua li cov Yixalayees yuav tsum rub lawv tej tsevntaub raws li lawv tej pab ntawd, txhua tus txivneej yuav tsum nyob hauv nws lub yeej thiab hauv qab lawv tus chij.

⁵³Tiamsis cov Levis yuav tsum rub lawv tej tsevntaub nyob ncig lub Tsevntaub sib ntsib thiab ua cov zov lub Tsevntaub sib ntsib, kom tsis txhob muaj leejtwg tuaj ze rau ntawm lub Tsevntaub sib ntsib thiab ua rau kuv chim rau cov Yixalayees.”

⁵⁴Yog li ntawd, cov Yixalayees thiaj ua txhua yam raws li tus TSWV tau samhwm rau Mauxes lawm.