Read Hmong Daw Teev Npe 26 Bible Online

Teev Npe 26 - Hmong Daw bible

Teev Npe 26

¹Tom qab uas tej vijsub vijsw ntawd dhau lawm, tus TSWV hais rau Mauxes thiab Aloos tus tub Ele-axas uas yog tus povthawj hais tias,

²“Neb cia li sau cov Yixalayees txhua tsevneeg npe, suav tagnrho cov txivneej uas hnubnyoog nees nkaum xyoo rov saud uas ua taus tubrog.”

³Mauxes thiab Ele-axas nkawd ua raws li tus TSWV hais, nkawd thiaj hu tagnrho cov txivneej uas muaj hnubnyoog li ntawd tuaj sib sau rau hauv lub tiaj Mau-am ntawm ntug Dej Yauladees uas nyob ncaj lub nroog Yelikaus. Cov no yog cov Yixalayees uas tawm nram tebchaws Iziv los:

⁴

⁵Xeem Lunpees (Lunpees yog Yakhauj tus tub hlob): yog cuab Hanauj, Palus,

⁶Heloos thiab Kalemis.

⁷Suav tagnrho lawv tej cuab kwvtij no cov txivneej muaj plaub caug peb txhiab xya pua peb caug leej.

⁸Palus tus tub yog Ele-as;

⁹thiab Ele-as cov tub yog Nemuyees, Dathas thiab Anpilas. (Cov pejxeem xaiv Dathas thiab Anpilas ua lawv ob tug thawjcoj. Nkawd tawv nyom Mauxes thiab Aloos, thiab mus koom nrog Kaulas ntxeev siab tawmtsam tus TSWV.

¹⁰Ces av cia li qhib plho thiab nqos nkawd lawm, mas nkawd thiaj tuag nrog Kaulas thiab nws cov phoojywg thaum uas hluavtaws poob los kub ob pua tsib caug leej txivneej tuag tas ntawd lawm; qhov ntawd thiaj ua ib qho qhia rau cov pejxeem sawvdaws.

¹¹Tiamsis Kaulas cov tub tsis raug tua tuag ib tug li.)

¹²Xeem Xime-oos: yog cuab Nemuyees, cuab Yamees, cuab Yakhees,

¹³cuab Zelas thiab cuab Sa-ules.

¹⁴Suav tagnrho lawv tej cuab kwvtij no cov txivneej muaj nees nkaum ob txhiab ob puas leej.

¹⁵Xeem Khas: yog cuab Xefoos, cuab Hankis, cuab Sunis,

¹⁶cuab Auxenis, cuab Elis,

¹⁷Alaudis thiab Alelis.

¹⁸Suav tagnrho lawv tej cuab kwvtij no cov txivneej muaj plaub caug txhiab tsib puas leej.

¹⁹Xeem Yudas: yog cuab Selas, cuab Peles, cuab Zelas, cuab Hexeloos thiab cuab Hamules. (Yudas ob tug tub uas hu ua Elas thiab Aunas puavleej tuag rau tom tebchaws Kana-as lawm.)

²⁰

²¹

²²Suav tagnrho lawv tej cuab kwvtij no cov txivneej muaj xya caum rau txhiab tsib puas leej.

²³Xeem Ixakhas: yog cuab Taulas, cuab Puahas,

²⁴cuab Yasus thiab cuab Simeloos.

²⁵Suav tagnrho lawv tej cuab kwvtij no cov txivneej muaj rau caum plaub txhiab peb puas leej.

²⁶Xeem Xenpuloos: yog cuab Xeles, cuab Eloos thiab cuab Yahelees.

²⁷Suav tagnrho lawv tej cuab kwvtij no cov txivneej muaj rau caum txhiab tsib puas leej.

²⁸Yauxej muaj ob tug tub, Manaxes thiab Efalayees nkawd ncau mus ua ob xeem.

²⁹Xeem Manaxes. Manaxes tus tub Makhiles yog Nkile-as txiv thiab Nkile-as yog lawv tej cuab kwvtij nram no tus yawgkoob:

³⁰cuab Ixes, cuab Heles,

³¹cuab Aliyees, cuab Sekees,

³²cuab Semidas thiab cuab Hefeles.

³³Hefeles tus tub Xelaufehas tsis muaj ib tug tub li, nws muaj tsib tug ntxhais xwb; lawv cov npe hu ua Malas, Nau-es, Haunkelas, Milekas thiab Tilexas.

³⁴Suav tagnrho lawv tej cuab vivncaus no cov txivneej muaj tsib caug ob txhiab xya pua leej.

³⁵Xeem Efalayees: yog cuab Suthelas, cuab Npekhelis thiab cuab Tahanes.

³⁶Cuab Elas yog Suthelas cajces.

³⁷Suav tagnrho lawv tej cuab kwvtij no cov txivneej muaj peb caug ob txhiab tsib puas leej. Tagnrho tej cuab kwvtij uas hais los no puavleej yog Yauxej cajces.

³⁸Xeem Npeenyamees: yog cuab Npelas, cuab Asenpes, cuab Ahilas,

³⁹cuab Sefufas thiab cuab Hufas.

⁴⁰Cuab Ales thiab Na-amas yog Npelas cajces.

⁴¹Suav tagnrho lawv tej cuab kwvtij no cov txivneej muaj plaub caug tsib txhiab rau pua leej.

⁴²Xeem Das: yog cuab Husees,

⁴³suav tagnrho cuab kwvtij no cov txivneej muaj rau caum plaub txhiab plaub puas leej.

⁴⁴Xeem Aseles: yog cuab Imenas, cuab Esavis thiab cuab Npeliyas.

⁴⁵Cuab Henpeles thiab cuab Makhiyees yog Npeliyas cajces.

⁴⁶Aseles muaj ib tug ntxhais xwb, nws npe huv ua Xelas.

⁴⁷Suav tagnrho lawv tej cuab kwvtij no cov txivneej muaj tsib caug peb txhiab plaub puas leej.

⁴⁸Xeem Nathalis: yog cuab Yaxees, cuab Nkunis,

⁴⁹cuab Yexeles thiab cuab Silees.

⁵⁰Suav tagnrho lawv tej cuab kwvtij no cov txivneej muaj plaub caug tsib txhiab tsib puas leej.

⁵¹Suav tagnrho haivneeg Yixalayees cov txivneej muaj rau pua ib txhiab xya pua peb caug leej.

⁵²Tus TSWV hais rau Mauxes hais tias,

⁵³“Koj cia li muab lub tebchaws no faib rau tej xeem raws li tej xeem ntawd muaj neeg coob thiab tsawg.

⁵⁴Muab lub tebchaws no rho ntawv faib, muab thaj av dav rau tej xeem uas muaj neeg coob nyob thiab muab thaj av nqaim rau tej xeem uas muaj neeg tsawg nyob.”

⁵⁵

⁵⁶

⁵⁷Xeem Levis sau npe raws li cuab Nkesoos, Kauhas thiab Melalis.

⁵⁸Suav tagnrho lawv cov xeebntxwv muaj raws li nram no: cuab Linpenis, cuab Henploos, cuab Mahalis, cuab Musis thiab cuab Kaulas. Kauhas yog Alamas txiv,

⁵⁹nws yuav Levis tus ntxhais Yaukhenpes uas yug nram tebchaws Iziv ua pojniam. Yaukhenpes thiaj yug tau ob tug tub rau Alamas: ob tug tub ntawd, yog Aloos thiab Mauxes, thiab yug tau ib tug ntxhais hu ua Milias.

⁶⁰Aloos muaj plaub tug tub, Nadas, Anpihus, Ele-axas thiab Ithamas.

⁶¹Nadas thiab Anpihus nkawd tuag thaum nkawd muab cov ncaig taws uas tsis dawbhuv hlawv khoom fij rau tus TSWV lawm.

⁶²Cov Levis tej txivneej uas hnubnyoog ib hlis rov saud muaj nees nkaum peb txhiab leej. Cov Levis tsis sau npe nrog cov Yixalayees, vim lawv tsis muaj feem tau lub tebchaws Yixalayees los ua lawv tug.

⁶³Tagnrho tej cuab Yixalayees no puavleej yog Mauxes thiab Ele-axas nkawd ua ob tug uas sau lawv tej npe nyob hauv lub tiaj Mau-am ntawm ntug Dej Yauladees uas nyob ncaj lub nroog Yelikaus sab tid.

⁶⁴Cov neeg uas Mauxes thiab Aloos nkawd sau npe thawj zaug nram tiaj Suabpuam Xinais yeej tsis tshuav ib tug seem li lawm.

⁶⁵Tus TSWV hais tias, tagnrho lawv cov ntawd yuav tuag tas rau hauv tiaj suabpuam, tsuas tshuav Yefunes tus tub Kalej thiab Noos tus tub Yausuas nkaus xwb, thiaj tsis tuag.