Read Hmong Daw Teev Npe 29 Bible Online

Teev Npe 29 - Hmong Daw bible

Teev Npe 29

¹Thaum hnub xiab ib lub xya hli ntuj nej cia li tuaj sib sau pehawm Vajtswv, thiab tsis txhob ua ib yam haujlwm dabtsi li. Hnub ntawd yog hnub uas tshuab raj tshuab xyu.

²Nej muab khoom coj mus hlawv fij rau tus TSWV kom tsw qab ntxiag rau nws: ib tug ntsuag nyuj, ib tug laug yaj thiab xya tus thav yaj hnubnyoog ib xyoos, txhua tus tsiaj no yog cov uas tsis muaj ib qho phem li.

³Muab hmoov nplej ntse xyaw roj txiv ntoo coj mus fij: ib tug ntsuag nyuj twg muab rau choj hmoov nplej fij nrog, ib tug laug yaj twg muab plaub choj hmoov nplej fij nrog,

⁴thiab ib tug thav yaj twg muab ob choj hmoov nplej mus fij nrog.

⁵Thiab muab dua ib tug laug tshis mus tua fij daws txim, thiab ua kevcai ntxuav rau cov pejxeem.

⁶Cov khoom no coj mus fij ntxiv rau cov khoom uas niaj hnub fij thaum hnub xiab ib nrog lawv tej qoobloo thiab cov cawv txiv hmab uas coj mus hlawv fij. Muab tej khoom no hlawv fij kom tsw qab ntxiag ua rau tus TSWV txaus siab.

⁷Lub xya hli ntuj hnub xiab kaug, nej cia li tuaj sib sau pehawm Vajtswv; tsis txhob noj zaub noj mov thiab tsis txhob ua ib yam haujlwm dabtsi hlo li.

⁸Nej muab ib tug ntsuag nyuj, ib tug laug yaj thiab xya tus thav yaj hnubnyoog ib xyoos uas tsis muaj ib qho phem li tuaj tua hlawv fij rau tus TSWV kom tsw qab ntxiag ua rau nws txaus siab.

⁹Muab hmoov nplej ntse xyaw roj txiv ntoo coj mus fij: ib tug nyuj twg muab rau choj hmoov nplej fij nrog, ib tug laug yaj twg muab plaub choj hmoov nplej fij nrog,

¹⁰thiab ib tug thav yaj twg muab ob choj hmoov nplej mus fij nrog.

¹¹Thiab muab dua ib tug laug tshis mus tua fij daws txim ntxiv rau tus tshis uas tua fij ua kevcai ntxuav rau cov pejxeem, thiab tej khoom fij uas niaj hnub hlawv nrog tej qoobloo, thiab lawv tej cawv txiv hmab uas coj mus fij.

¹²Lub xya hli ntuj hnub kaum tsib nej cia li sib sau tuaj ua ke pehawm Vajtswv. Ua kevcai qhuas tus TSWV kom txwm xya hnub thiab tsis txhob ua ib yam haujlwm dabtsi li.

¹³Hnub ib nej muab kaum peb tug ntsuag nyuj, ob tug laug yaj thiab kaum plaub tug thav yaj hnubnyoog ib xyoos uas tsis muaj ib qho phem li tuaj tua hlawv fij rau tus TSWV kom tsw qab ntxiag ua rau nws txaus siab.

¹⁴Muab hmoov nplej ntse xyaw roj txiv ntoo coj mus fij: ib tug nyuj twg muab rau choj hmoov nplej fij nrog, ib tug laug yaj twg muab plaub choj hmoov nplej fij nrog,

¹⁵thiab kaum ob tug thav yaj ntawd ib tug twg muab ob choj hmoov nplej thiab muab cov cawv txiv hmab mus fij nrog.

¹⁶Thiab muab dua ib tug laug tshis mus tua fij daws txim ntxiv rau tej khoom fij uas niaj hnub coj mus hlawv fij nrog tej qoobloo thiab tej cawv txiv hmab.

¹⁷Hnub ob fij kaum ob tug ntsuag nyuj, ob tug laug yaj thiab kaum plaub tug thav yaj hnubnyoog ib xyoos, txhua tus tsiaj no yog cov uas tsis muaj ib qho phem li.

¹⁸Cov nyuj, cov laug yaj thiab cov thav yaj, muab hmoov nplej coj mus fij nrog raws li cov uas fij thawj hnub.

¹⁹Thiab muab dua ib tug laug tshis mus tua fij daws txim ntxiv rau tej khoom fij uas niaj hnub coj mus hlawv fij nrog tej qoobloo, thiab lawv tej cawv txiv hmab.

²⁰Hnub peb fij kaum ib tug ntsuag nyuj, ob tug laug yaj thiab kaum plaub tug thav yaj hnubnyoog ib xyoos, txhua tus tsiaj no yog cov uas tsis muaj ib qho phem li.

²¹Cov nyuj, cov laug yaj thiab cov thav yaj, muab hmoov nplej coj mus fij nrog raws li cov uas fij thawj hnub.

²²Thiab muab dua ib tug laug tshis mus tua fij daws txim ntxiv rau tej khoom fij uas niaj hnub coj mus hlawv fij nrog tej qoobloo, thiab lawv tej cawv txiv hmab.

²³Hnub plaub fij kaum tug ntsuag nyuj, ob tug laug yaj thiab kaum plaub tug thav yaj hnubnyoog ib xyoos, txhua tus tsiaj no yog cov uas tsis muaj ib qho phem li.

²⁴Cov nyuj, cov laug yaj thiab cov thav yaj, muab hmoov nplej coj mus fij nrog raws li cov uas fij thawj hnub.

²⁵Thiab muab dua ib tug laug tshis mus tua fij daws txim ntxiv rau tej khoom fij uas niaj hnub coj mus hlawv fij nrog tej qoobloo, thiab lawv tej cawv txiv hmab.

²⁶Hnub tsib fij cuaj tug ntsuag nyuj, ob tug laug yaj thiab kaum plaub tug thav yaj hnubnyoog ib xyoos, txhua tus tsiaj no yog cov uas tsis muaj ib qho phem li.

²⁷Cov nyuj, cov laug yaj thiab cov thav yaj, muab hmoov nplej coj mus fij nrog raws li cov uas fij thawj hnub.

²⁸Thiab muab dua ib tug laug tshis mus tua fij daws txim ntxiv rau tej khoom fij uas niaj hnub coj mus hlawv fij nrog tej qoobloo, thiab lawv tej cawv txiv hmab.

²⁹Hnub rau fij yim tug ntsuag nyuj, ob tug laug yaj thiab kaum plaub tug thav yaj hnubnyoog ib xyoos, txhua tus tsiaj no yog cov uas tsis muaj ib qho phem li.

³⁰Cov nyuj, cov laug yaj thiab cov thav yaj, muab hmoov nplej coj mus fij nrog raws li cov uas fij thawj hnub.

³¹Thiab muab dua ib tug laug tshis mus tua fij daws txim ntxiv rau tej khoom fij uas niaj hnub coj mus hlawv fij nrog tej qoobloo, thiab lawv tej cawv txiv hmab.

³²Hnub xya fij xya tus ntsuag nyuj, ob tug laug yaj thiab kaum plaub tug thav yaj hnubnyoog ib xyoos, txhua tus tsiaj no yog cov uas tsis muaj ib qho phem li.

³³Cov nyuj, cov laug yaj thiab cov thav yaj, muab hmoov nplej coj mus fij nrog raws li cov uas fij thawj hnub.

³⁴Thiab muab dua ib tug laug tshis mus tua fij daws txim ntxiv rau tej khoom fij uas niaj hnub coj mus hlawv fij nrog tej qoobloo, thiab lawv tej cawv txiv hmab.

³⁵Hnub yim cia li rov tuaj sib sau ua ke pehawm Vajtswv, thiab tsis txhob ua ib yam haujlwm dabtsi li.

³⁶Muab tej khoom coj mus hlawv fij rau tus TSWV ua kom tsw qab ntxiag txaus nws siab: muab ib tug ntsuag nyuj, ib tug laug yaj thiab xya tus thav yaj hnubnyoog ib xyoos uas tsis muaj ib qho phem li.

³⁷Tus ntsuag nyuj, tus laug yaj thiab cov thav yaj, muab hmoov nplej coj mus fij nrog raws li cov uas fij thawj hnub.

³⁸Thiab muab dua ib tug laug tshis mus tua fij daws txim ntxiv rau tej khoom fij uas niaj hnub coj mus hlawv fij nrog tej qoobloo, thiab lawv tej cawv txiv hmab.

³⁹Ntawm no yog tej kevcai uas hais txog tej khoom uas muab hlawv fij rau tus TSWV, tej qoobloo, tej cawv txiv hmab, thiab fij tej khoom ua kev sib raug zoo rau tus TSWV raws li lub sijhawm uas nej teem tseg rau thaum ua kevcai. Tej khoom no yog muab fij ntxiv rau nej tej khoom fij ua tsaug uas nej tau coglus tseg lawm lossis tej khoom uas nej txaus siab fij.

⁴⁰Yog li ntawd, Mauxes thiaj qhia txhua yam uas tus TSWV tau samhwm rau nws lawm rau cov Yixalayees.