Read Hmong Daw Yausuas 19 Bible Online

Yausuas 19 - Hmong Daw bible

Yausuas 19

¹Xeem Xime-oos yog pab ob uas Yausuas faib av rau lawv raws li lawv tej tsevneeg. Lawv cheebtsam av nthuav mus txog ntua ntawm xeem Yudas tus ciamteb

²uas yog lub nroog Npesenpas, Senpas, Mauladas,

³Haxas Sualis, Npalas, Exees,

⁴Etaulas, Npethus, Haumas,

⁵Xikelas, Npethes Mankanpaus, Haxas Xuxas,

⁶Npethes Lenpaus thiab Saluhees, tagnrho muaj kaum peb lub nroog thiab tej zos uas nyob ibncig.

⁷Thiab lub nroog Ayees, Limoos, Ethes thiab Asas, tagnrho yog muab plaub lub nroog thiab tej zos uas nyob ibncig.

⁸Tagnrho tej zos uas nyob ibncig tej nroog ntawd, mus rau ntawm Npalas Npelis (lossis Lamas) uas nyob sab qabteb. Tej uas hais los no yog feem av uas faib rau xeem Xime-oos ua lawv tug raws li lawv tej tsevneeg.

⁹Vim xeem Yudas tau av dav lawv nyob tsis tas thiaj muab ib feem faib rau xeem Xime-oos.

¹⁰Xeem Xenpuloos yog pab peb uas Yausuas faib av rau lawv raws li lawv tej tsevneeg. Lawv cheebtsam av nthuav mus txog ntua lub nroog Xalis.

¹¹Lawv tus ciamteb txij ntua ntawd mus rau sab hnubpoob, mus txog rau ntawm Male-as uas npuab lub nroog Danpeses thiab raws tus dej ntawm Yaune-as sab hnubtuaj.

¹²Tus ciamteb pib ntawm Xalis mus rau sab hnubtuaj mus txog rau Khilaus Tanpaus, mus rau Danpelas thiab nce mus rau pem Yafias.

¹³Tus ciamteb sab hnubtuaj tseem mus ntxiv rau Nkas Hefeles thiab Ekaxees, nkhaus raws lub nroog Ne-as tus ciamteb mus txog ntua ntawm Limoos.

¹⁴Sab qaumteb, tus ciamteb nkhaus mus rau Hanathoos thiab mus xaus rau ntawm lub Hav Itahees;

¹⁵thiab lub nroog Katas, Nahalas, Simeloos, Idalas thiab Npelehees, tagnrho muaj kaum ob lub nroog thiab tej zos uas nyob ibncig.

¹⁶Tej uas hais los no yog tej nroog thiab tej zos hauv cheebtsam uas faib rau xeem Xenpuloos ua lawv tug raws li lawv tej tsevneeg.

¹⁷Xeem Ixakhas yog pab plaub uas Yausuas faib av rau lawv raws li lawv tej tsevneeg.

¹⁸Lawv cheebtsam av tagnrho yog lub nroog Yexelees, Khexulaus, Sunees,

¹⁹Hafalais, Si-oos, Anahalas,

²⁰Lanpis, Kisi-oos, Enpes,

²¹Lemes, Enkanees, Ehadas thiab Npepaxes.

²²Lawv tus ciamteb npuab Tanpaus, Sahaxumas thiab Npethes Semes, thiab mus xaus rau ntawm tus Dej Yauladees, tagnrho muaj kaum rau lub nroog thiab tej zos uas nyob ibncig.

²³Tej uas hais los no yog tej nroog thiab tej zos hauv cheebtsam av uas faib rau xeem Ixakhas ua lawv tug raws li lawv tej tsevneeg.

²⁴Xeem Aseles yog pab tsib uas Yausuas faib av rau lawv raws li lawv tej tsevneeg.

²⁵Lawv cheebtsam av tagnrho yog lub nroog Helekas, Halis, Npetees, Akesas,

²⁶Alas Melej, Amas thiab Misales. Lawv tus ciamteb sab hnubpoob yog npuab lub Roob Kalemees thiab Sihaus Linas.

²⁷Tus ciamteb nkhaus mus rau sab hnubtuaj mus txog rau Npedankoos, npuab Xenpuloos thiab lub Hav Itahees uas mus rau sab qaumteb txog pem lub nroog Npethemes thiab Neyees. Tus ciamteb mus ntxiv rau sab qaumteb mus txog ntawm lub nroog Kanpus,

²⁸Enpeloos, Lehaus, Hamoos thiab Kanas, mus rau ntawm lub nroog Xidoos.

²⁹Ces tus ciamteb lem mus rau ntawm Lamas thiab mus tshuam rau ntawm lub nroog Tiles uas muaj ntsa yeej thaiv; thiab lem mus rau ntawm Hauxas thiab mus xaus rau ntawm Hiavtxwv Meditelanes. Xam lub nroog Mahelas, Akhexis,

³⁰Umas, Afes thiab Lehaus, tagnrho muaj nees nkaum ob lub nroog thiab tej zos uas nyob ibncig.

³¹Tej uas hais los no yog tej nroog thiab tej zos hauv cheebtsam av uas faib rau xeem Aseles ua lawv tug raws li lawv tej tsevneeg.

³²Xeem Nathalis yog pab rau uas Yausuas faib av rau lawv raws li lawv tej tsevneeg.

³³Lawv tus ciamteb txij ntua ntawm Heles mus rau ntawm tsob ntoo qhib hauv Xananees mus rau Adaminekes thiab mus rau Yanias, dhau mus rau ntawm Lakus thiab mus xaus rau ntawm tus Dej Yauladees.

³⁴Tus ciamteb pib ntawd lem mus rau sab hnubpoob mus txog rau Anaus Tanpaus, thiab pib ntawd mus rau Hukaus, npuab Xenpuloos sab qabteb, Aseles nyob sab hnubpoob thiab tus Dej Yauladees nyob sab hnubtuaj.

³⁵Tej nroog uas muaj ntsa yeej thaiv yog: Xidis, Xeles, Hamas, Lakas, Khineles,

³⁶Adamas, Lamas, Haxaules,

³⁷Kedes, Edeles, Ehaxaus,

³⁸Yiloos, Midales, Haulees, Npethanas thiab Npethes Semes. Tagnrho muaj kaum cuaj lub nroog thiab tej zos uas nyob ibncig.

³⁹Tej uas hais los no yog tej nroog thiab tej zos hauv cheebtsam av uas faib rau xeem Nathalis ua lawv tug raws li lawv tej tsevneeg.

⁴⁰Xeem Das yog pab xya uas Yausuas faib av rau lawv raws li lawv tej tsevneeg.

⁴¹Lawv cheebtsam av tagnrho yog lub nroog Xaulas, Esetaus, Isemes,

⁴²Sa-anpimes, Aiyaloos, Ithelas,

⁴³Eloos, Tinas, Ekiloos,

⁴⁴Etekes, Nkinpethoos, Npalas,

⁴⁵Yehus, Npenenpelas, Nkalimoos,

⁴⁶Meyakoos thiab Lakoos mus rau cheebtsam uas nyob ibncig lub nroog Yaupas.

⁴⁷Thaum xeem Das lub tebchaws poob lawm, lawv mus tua thiab txeeb lub nroog Laises. Lawv txeeb tau lub nroog ntawd los ua lawv tug, thiab lawv muab cov neeg uas nyob hauv lub nroog tua povtseg huv tibsi. Lawv mus nyob hauv thiab muab lub nroog ntawd hloov dua npe hu ua Das raws li lawv yawgkoob Das lub npe.

⁴⁸Tej uas hais los no yog tej nroog thiab tej zos hauv cheebtsam av uas faib rau xeem Das ua lawv tug raws li lawv tej tsevneeg.

⁴⁹Thaum cov Yixalayees faib av rau txhua xeem tas lawm. Lawv muab ib feem av rau Noos tus tub Yausuas ua nws tug

⁵⁰raws li tus TSWV tau hais tseg lawm, lawv muab lub nroog Tinas Xelas uas nyob hauv xeem Efalayees cheebtsam av uas ua laj roob rau Yausuas raws li nws thov. Yausuas ua nroog thiab nyob hauv.

⁵¹Tus povthawj Ele-axas, Noos tus tub Yausuas thiab cov thawjcoj ntawm txhua xeem Yixalayees tej tsevneeg tuaj rho ntawv nug tus TSWV hauv lub nroog Silaus ntawm tus TSWV lub Tsevntaub. Lawv muab lub tebchaws faib tiav tas li ntawd.