Read Hmong Njua 1 Xwmtxheej Vaajntxwv 12 Bible Online

1 Xwmtxheej Vaajntxwv 12 - Hmong Njua bible

1 Xwmtxheej Vaajntxwv 12

¹Thaus Daviv tseem nyob huv Xikelas, ntawm qhov chaw kws nwg tsiv moog nkaum Vaajntxwv Xa-ules, muaj ntau tug tubrog kws txawj tua rog heev txhaj tuaj koom teg nrug nwg nyob qhov ntawd.

²Puab puavleej yog xeem Npeenyamees kws yog Xa-ules cov kwvtij. Puab txawj tua neevnti hab txawj ntaus zeg hlua kawg le, tsi has saab teg xis lossis saab teg txhumphem txawj ib yaam nkaus.

³Puab puavleej yog cov kws nyob qaab tswjfwm ntawm Ahi-exes hab Yau-as kws yog Sema-as ob tug tub kws nyob huv Nkinpe-as tuaj. Cov nuav yog cov tubrog: 1 Yexiyees hab Peletes kws yog Axemaves ob tug tub Npelakas hab Yehus kws nyob huv lub nroog Anathaus tuaj Isemayas kws nyob huv Nkinpe-oos tuaj, yog ib tug tubrog kws nto moo heev hab yog ib tug thawjcoj ntawm “Peb caug Leej” Yelemis, Yahaxiyees, Yauhanaas hab Yauxanpas kws nyob huv Nkedelas tuaj Eluxais, Yelimaus, Npe-aliyas, Semaliyas hab Sefatiyas kws yog tuabneeg Halifas, Ekanas, Isiyas, Axalees, Yau-exes hab Yasaunpe-aas kws yog xeem Kaulas Yau-elas hab Xenpadiyas, Yelauhaas ob tug tub kws nyob huv Nkedaus tuaj.

⁸Cov nuav yog cov npe tubrog kws txawj tua rog hab nto moo heev, puab tuaj cuag Daviv hab ua nwg cov tubrog rua huv taj suabpuam ntawm qhov chaw kws Daviv moog nkaum. Puab nqaa rawv dlaim thaiv nav ntaaj hab nqaa rawv muv, saib puab tej ntsejmuag zoo le tsuv ntxhuav hab dlha ceev npaum nkaus le sai dlha sau tej ncov roob.

⁹Exeles yog tug thawjcoj, Aunpadiyas yog tug ob, Eli-as yog tug peb,

¹⁰Misemanas yog tug plaub, Yelemis yog tug tsib,

¹¹Atais yog tug rau, Eliyees yog tug xyaa,

¹²Yauhanaas yog tug yim, Elexanpas yog tug cuaj,

¹³Yelemis yog tug kaum, Manpanais yog tug kaum ib,

¹⁴Taagnrho xeem Khas nuav muaj ibtxha yog thawj tubrog qeb sab saib ib txheeb leej, muaj ibtxha yog cov thawj tubrog qeb qeg saib ib puas leej.

¹⁵Muaj ib xyoos thaus lub ib hlis ntuj kws tug dlej Yauladees taabtom fuam puv ntug nkaus, cov tubrog nuav txhaj hlaa moog rua saab tid, hab muab tej tuabneeg faib moog nyob thoob plawg huv tej haav ntawd, tsi has nyob saab nubtuaj hab nubpoob.

¹⁶Muaj ib paab txivneej kws yog xeem Npeenyamees hab Yudas tuaj cuag Daviv rua ntawm lub chaw kws nwg nkaum.

¹⁷Daviv tawm moog ntsib puab hab has rua puab tas, “Yog mej tuaj ua phoojywg rua kuv hab paab kuv, kuv txaus sab tog txais mej. Tabsis yog mej ntxeev sab hab ua yeebncuab rua kuv, txawm yog kuv tsi ua rua mej raug mob dlaabtsi los thov kuas peb cov yawmkoob tug Vaajtswv pum hab rau txim rua mej.”

¹⁸Ces Vaajtswv tug ntsujplig txawm tswj kag puab cov ntawd ib tug lub sab, tug ntawd yog Amaxais kws tom qaab nuav nwg tau lug ua tug thawj tubrog ntawm “Peb caug Leej,” hab nwg tsaa suab hlo hu has tas: “Daviv kws yog Yexais tug tub, peb yog cov tuaj koj tog ntaag! Vaajtswv tuaj koj tog, thov kuas koj hab cov kws paab koj muaj yeej lauj!” Daviv Zoo sab hlo tog txais puab hab muab puab tsaa ua cov thawj ntawm nwg cov tubrog.

¹⁹Xeem Manaxes muaj ibtxha tubrog moog tuaj Daviv tog thaus Daviv nrug cov Filitees moog tua Vaajntxwv Xa-ules. Tabsis tsi yog nwg moog paab cov Filitees, vim le ntawd puab cov vaajntxwv txhaj ntshai nyob tsaam Daviv ntxeev sab rua puab, coj puab tej taubhau moog cob rua Xa-ules kws yog nwg tug vaajntxwv; yog le ntawd puab txhaj xaa Daviv rov qaab moog rua tom Xikelas lawm.

²⁰Cov nuav yog cov tubrog Manaxes kws moog cuag Daviv hab tuaj nwg tog, thaus nwg rov qaab lug lawm: Anas Yauxanpas, Yedi-ales, Mikhayees, Yauxanpas, Elihus hab Xilethais. Taagnrho Manaxes cov thawj tubrog nuav mas nyag muaj nyag pawg txheeb tubrog.

²¹Puab tuaj ua Daviv cov tubrog paab nwg tua cov rog tubsaab, vim puab yog cov tubrog kws muaj sab tawv heev, hab puab puavleej yog cov thawj tubrog.

²²Txhua nub yeej muaj tuabneeg tshab tuaj ua tubrog paab Daviv moog txug thaus kws muaj tubrog coob heev, ib yaam le Vaajtswv cov tubrog lawm.

²³Cov nuav yog tej paab tubrog coob heev kws tuaj cuag Daviv rua huv lub nroog Henploos, hab muab Xa-ules lub tebchaws lug cob rua Daviv, lawv le tug TSWV tau coglug tseg lawm.

²⁴Cov tubrog Yudas kws muaj dlaim thaiv nav ntaaj hab muv muaj rau txheeb yim puas leej.

²⁵Cov tubrog Xime-oos kws sab tawv heev, muaj xyaa txheeb ib puas leej.

²⁶Cov Levis muaj plaub txheeb rau pua leej.

²⁷Yehauyadas kws yog tug thawj ntawm Aloos tsev tuabneeg coj peb txheeb xyaa pua leej tubrog nrug nwg.

²⁸Xadaus yog ib tug tubrog hluas kws sab tawv heev, nwg coj neeg nkaum ob tug thawj tubrog kws yog nwg cov kwvtij nrug nwg.

²⁹Cov Npeenyamees kws yog Xa-ules cov kwvtij, muaj peb txheeb leej tubrog, cov nuav feem coob puavleej yog cov kws ibtxwm zuv Xa-ules tsev tuabneeg lug lawm xwb.

³⁰Cov Efalayees muaj neeg nkaum txheeb yim pua leej, puab puavleej yog cov tubrog kws sab tawv, hab yog cov txivneej kws nto moo heev ntawm puab cov yawmkoob tsev tuabneeg lug lawm xwb.

³¹Ib nraab xeem Manaxes muaj kaum yim txheeb leej, puab puavleej yog cov kws muaj npe tuaj tsaa Daviv ua vaajntxwv.

³²Cov Ixakhas kws paub saib caij saib nyoog, paub txug tej yaam kws cov Yixalayees yuavtsum ua, muaj ob puas leej thawjcoj, hab taagnrho puab cov kwvtij puavleej nyob qaab kev tswjfwm ntawm puab.

³³Cov Xenpuloos muaj tsib caug txheeb leej tubrog, puavleej yog cov kws txawj tua rog hab paub siv tej cuabyeej ua rog tuaj paab Daviv ntawm lub sab ncaaj nceeg.

³⁴Cov Nathalis muaj ib txheeb leej yog cov thawj tubrog hab muaj peb caug xyaa txheeb leej tubrog kws muaj dlaim thaiv nav ntaaj hab muv huv tuabsi.

³⁵Cov Daas muaj neeg nkaum yim txheeb rau pua leej tubrog kws yog cov kawm tav kev tua rog lug lawm.

³⁶Cov Aseles muaj plaub caug txheeb leej tubrog kws npaaj nrooj moog sis tua.

³⁷Cov Lunpees, Khas hab ib nraab xeem Manaxes kws nyob ntawm tug dlej Yauladees saab nubtuaj, muaj ib puas neeg nkaum txheeb leej tubrog hab kawm siv tej cuabyeej ua rog tav huv tuabsi lawm.

³⁸Taagnrho cov tubrog kws muaj sab tawv nuav, tau moog rua huv lub nroog Henploos hab tsaa Daviv ua vaajntxwv kaav tsaav tuabneeg Yixalayees. Hab taagnrho cov Yixalayees los puavleej koom sab nrug huv tuabsi.

³⁹Puab txhaj nrug Daviv nyob huv lub nroog Henploos tau peb nub, puab noj tej zaub mov hab haus tej dlej kws yog puab cov phoojywg peg tej roob mojsaab nqaa tuaj rua puab noj.

⁴⁰Xeem Ixakhas, xeem Xenpuloos hab xeem Nathalis kws tuaj peg qaumteb tuaj, puab yeej npaaj zaub mov kws yog tej moov nplej, txiv ncuav pas, txiv maab qhuav, cawv txiv maab hab roj txiv ntoo, npaaj tav log rua puab tej neeg luav, ntxhuav hab nyuj thauj tuaj. Hab puab tseem caab nyuj hab yaaj tuaj tua ua zaub noj huv tuabsi. Taagnrho tej nuav puavleej yog cov tuabneeg kws nyob huv lub tebchaws Yixalayees txaus sab muab xwb.