Read Hmong Njua 1 Xwmtxheej Vaajntxwv 2 Bible Online

1 Xwmtxheej Vaajntxwv 2 - Hmong Njua bible

1 Xwmtxheej Vaajntxwv 2

¹Yakhauj muaj kaum ob tug tub: Lunpees, Xime-oos, Levis, Yudas, Ixakhas, Xenpuloos,

²Daas, Yauxej, Npeenyamees, Nathalis, Khas, hab Aseles.

³Yudas cov tub yog: Eles, Aunaas hab Selas; peb tug tub nuav yog Yudas tug quaspuj kws hu ua Npasuas kws yog tuabneeg Kana-aas yug rua nwg. Eles kws yog Yudas tug tub hlub, nwg tau ua phem ua qas taabmeeg tug TSWV, tug TSWV txhaj muab nwg tua povtseg lawm.

⁴Yudas tug nyaab kws hu ua Tamaj yug tau Peles hab Zelas obtug rua nwg hab. Yudas cov tub taagnrho muaj tsib leeg.

⁵Peles muaj ob tug tub: Hexeloos hab Hamules.

⁶Nwg tug kwv Zelas muaj tsib tug tub: Xilis, Ethaas, Hemaas, Kakaus hab Dadas.

⁷Kalemis tug tub yog: Akhaas, nwg yog tug ua rua cov Yixalayees raug kev puamtsuaj, vim nwg nyag tej khoom kws tub muab fij rua Vaajtswv lawm.

⁸Ethaas muaj ib tug tub hu ua Axaliyas.

⁹Hexeloos cov tub kws nwg yug yog Yelamees, Laas hab Kalej,

¹⁰Caajceg kws lug ntawm Laas lug txug rua ntawm Yexais muaj lawv le nraag nuav: Laas yog Aminadas txiv, Aminadas yog Nasoos txiv, (Nasoos yog xeem Yudas tug thawjcoj).

¹¹Nasoos yog Xalemoos txiv, Xalemoos yog Npau-am txiv,

¹²Npau-am yog Aunpes txiv, Aunpes yog Yexais txiv.

¹³Yexais muaj xyaa tug tub: tug tub hlub hu ua Eli-as, tug ob hu ua Anpinadas, tug peb hu ua Saamas,

¹⁴tug plaub hu ua Nethanees, tug tsib hu ua Ladais,

¹⁵tug rau hu ua Auxes, tug xyaa hu ua Daviv;

¹⁶hab puab ob tug muam hu ua Xeluyas hab Anpinkayis. Xeluyas muaj peb tug tub: Anpisais, Yau-am hab Axahees.

¹⁷Nwg tug ntxhais Anpinkayis yuav Yethes kws yog Yisamayees tug tub, hab obtug yug tau ib tug tub hu ua Amaxas.

¹⁸Hexeloos tug tub Kalej yuav Axunpas ua quaspuj hab nwg tug quaspuj yug tau ib tug ntxhais hu ua Yeli-aus; hab yug tau peb tug tub: Yeseles, Saunpas hab Aledoos.

¹⁹Thaus Axunpas tuag lawm, Kalej txhaj moog yuav Efelas lug ua quaspuj, Efelas txhaj yug tau Hules rua Kalej.

²⁰Hules yog Ulis txiv, hab Ulis yog Npexalees txiv.

²¹Tom qaab ntawd Hexeloos moog yuav Makhiles tug ntxhais kws yog Nkile-as tug muam lug ua quaspuj thaus nwg noobnyoog tub muaj rau caum xyoo lawm; nwg tug quaspuj yug tau ib tug tub hu ua Xenkunpas rua nwg.

²²Xenkunpas yog Yais txiv hab Yailes yog tug kws kaav neeg nkaum peb lub nroog huv xeev Nkile-as.

²³Tabsis cov tuabneeg Nkesus hab cov Alaas tuaj txeeb tau rau caum lub nroog nyob huv lub tebchaws ntawd kws yog xaam Yais hab Kenas obtug tej zog hab tej zog kws nyob ibncig ze ntawd huv tuabsi. Taagnrho cov tuabneeg kws nyob huv lub tebchaws nuav puavleej yog Makhiles kws yog Nkile-as txiv cov xeebntxwv.

²⁴Tom qaab kws Hexeloos tuag lawm, Kalej txhaj yuav nwg txiv Hexeloos tug quaspuj kws hu ua Efelas lug ua quaspuj, Efelas txhaj yug tau ib tug tub hu ua Asehus rua Kalej, Asehus yog tug rhawv lub zog Tekau-as.

²⁵Hexeloos tug tub hlub Yelamees muaj tsib tug tub: Laas yog nwg tug tub hlub, Npunas, Aules, Auxes hab Ahiyas.

²⁶Laas muaj peb tug tub: Ma-as, Yamees hab Ekeles. Yelames muaj dlua ib tug nam yau, hu ua Atalas hab obtug muaj ib tug tub hu ua Aunaas.

²⁷

²⁸Aunas muaj ob tug tub: Samais hab Yadas. Samais ob tug tub yog Nadas hab Anpisus.

²⁹Anpisus txhaj yuav tau ib tug quaspuj hu ua Anpihais, hab nwg yug tau ob tug tub hu ua Anpas hab Maulis.

³⁰Nadas ob tug tub yog: Xeles hab Apayees; hab Xeles tuag thaus nwg tseem tsi tau muaj tub lawm.

³¹Apayees yog Isis txiv, Isis yog Sesas txiv, Sesas yog Ahelais txiv.

³²Saamais tug kwv Yadas muaj ob tug tub: Yethes hab Yaunathaas; Yethes tuag thaus nwg tseem tsi tau muaj tub lawm.

³³Yaunathaas muaj ob tug tub: Pelethes hab Xaxas. Taagnrho cov nuav puavleej yog Yelamees cov xeebntxwv.

³⁴Sesas tsi muaj ib tug tub le, nwg muaj ntxhais nkaus xwb; tabsis Sesas muaj ib tug tubqhe yog tuabneeg Iziv, nwg hu ua Yalehas.

³⁵Yog le ntawd, Sesas txhaj muab nwg ib tug ntxhais txis rua nwg tug tubqhe Yalehas yuav ua quaspuj; hab nwg tug ntxhais txhaj yug tau ib tug tub rua nwg hu ua Atais.

³⁶Atais yog Nathaas txiv hab Nathaas yog Xanpas txiv.

³⁷Xanpas yog Efalas txiv, hab Efalas yog Aunpes txiv.

³⁸Aunpes yog Yehus txiv, hab Yehus yog Axaliyas txiv.

³⁹Axaliyas yog Helexes txiv, hab Helexes yog Ele-axas txiv.

⁴⁰Ele-axas yog Ximais txiv, hab Ximais yog Salumes txiv.

⁴¹Salumes yog Yekamiyas txiv, hab Yekamiyas yog Elisamas txiv.

⁴²Kalej tug kwv Yelamees tug tub hlub hu ua Mesas. Mesas yog Xifes txiv, Xifes yog Malesas txiv, hab Malesas yog Henploos txiv.

⁴³Henploos cov tub yog Kaulas, Tapuas, Lekees, hab Semas.

⁴⁴Semas yog Lahas txiv, hab yog Yaukees yawm; hab Lekees yog Saamais txiv.

⁴⁵Saamais tug tub yog Ma-oos; hab Ma-oos yog Npethexus txiv.

⁴⁶Kalej muaj ib tug nam yau hu ua Efas, nwg yug tau Halaas, Mauxas hab Nkaxes; hab Halaas yog Nkaxes txiv.

⁴⁷(Muaj ib tug txivneej hu ua Yahadais muaj rau tug tub: Lenkees, Yauthaas, Nkesaas, Peletes, Efas hab Sa-afas.)

⁴⁸Kalej muaj dlua ib tug nam yau hu ua Ma-akas, nwg yug tau ob tug tub hu ua: Senpes hab Tilehanas.

⁴⁹Tom qaab nuav nwg tseem muaj dlua ib cov tub ntxiv: Sa-afas yog tug kws rhawv lub zog Mamanas; hab Sevas yog tug kws rhawv lub zog Makhanpenas hab Nkinpe-as. Dlua le ntawd, Kalej tseem muaj ib tug ntxhais hu ua Akhesas hab.

⁵⁰Cov ntawm nuav moog puavleej yog Kalej cov xeebntxwv: Hules yog Kalej tug tub hlub hab nwg tug quaspuj hu ua Efalas. Hules tug tub Saunpas yog tug kws rhawv lub zog Kili-as Ye-alees,

⁵¹nwg tug tub ob kws hu ua Xalemas yog tug rhawv lub zog Npelehees, hab nwg tug tub peb kws hu ua Hales yog tug rhawv lub zog Npenkades.

⁵²Saunpas kws rhawv lub zog Kili-as Ye-alees, nwg yog yawmkoob ntawm cov Halau-es, hab ib nraab ntawm cov tuabneeg Menuhaus,

⁵³hab tej cuab kwvtij kws nyob huv lub zog Kili-as Ye-alees muaj lawv le nuav: cov Ithes, cov Puthes, cov Sumas, hab cov Miselais; (hab cov tuabneeg kws nyob huv lub nroog Xaulas hab Eseta-aus puavleej yog puab cuab kwvtij nuav.)

⁵⁴Xalemas kws rhawv lub nroog Npelehees, nwg yog yawmkoob ntawm cov Netaufas, cov Ataus Npethes Yau-am, hab cov Xaules kws yog ib nraab ntawm cov Manahas.

⁵⁵(Ntawm nuav moog yog tej xeem kws nyob huv lub nroog Yanpes, puab yog cov txawj sau ntawv hab theej tej ntawv ca: cov Tilathas, cov Sime-as hab cov Xukhas. Puab yog cov Kenais kws tau moog yuav cov Lekhas lug ua quaspuj.)