Read Hmong Njua 1 Xwmtxheej Vaajntxwv 25 Bible Online

1 Xwmtxheej Vaajntxwv 25 - Hmong Njua bible

1 Xwmtxheej Vaajntxwv 25

¹Vaajntxwv Daviv hab cov thawjcoj ntawm cov Levis xaiv xeem Levis ib cov lug coj kev pehawm Vaajtswv: Axafes, Hemaas hab Yeduthoos. Puab puavleej qha Vaajtswv txujlug nrug tej suab nkauj nogncaas hab tej suab nruag npuaj. Cov kws xaiv lug ua cov coj kev pehawm Vaajtswv lawv le teg num ntawm tej paab muaj npe lawv le nuav:

²Axafes plaub tug tub kws yog Xakules, Yauxej, Nethaniyas hab Asalelas. Puab puavleej ua num lawv le Axafes kws yog tug qha Vaajtswv txujlug kuas puab ua hab lawv le vaajntxwv saamfwm.

³Yeduthoos rau tug tub Nkedaliyas, Xelis, Yesayas, Sime-is, Hasanpiyas hab Matithiyas. Puab puavleej ua num nyob qaab tswjfwm ntawm puab txiv, puab qha Vaajtswv txujlug nrug tej suab raaj hab nkauj nogncaas, hu nkauj qhuas hab ua tug TSWV tsaug.

⁴Hemaas kaum plaub tug tub: Npukiyas, Mataniyas, Uxiyees, Senpuyees, Yelimaus, Hananiyas, Hananis, Eli-athas, Nkidatis, Lumatis Exeles, Yunpekasas, Malauthis, Hauthiles hab Mahaxi-aus.

⁵Vaajtswv pub rua Hemaas kws yog Vaajtswv tug cevlug muaj kaum plaub tug tub hab peb tug ntxhais, lawv le Vaajtswv coglug tseg rua Hemaas has tas, yuav pub kuas Hemaas yog ib tug kws muaj fwjchim heev.

⁶Taagnrho nwg cov tub nuav puavleej yog cov npuaj nruag hab ntaus nkauj nogncaas lawv le puab txiv ua tug coj puab hu nkauj rua huv lub Tuamtsev pehawm Vaajtswv. Axafes, Yeduthoos hab Hemas, puavleej ua lawv le vaajntxwv kuas puab ua.

⁷Puab neeg nkaum plaub leeg nuav hab puab cov kwvtij Levis, puavleej yog cov txawj ntse; hab yog cov kawm hu nkauj lug hu nkauj qhuas tug TSWV nkaus xwb. Taagnrho yog muaj ob puas yim caum yim leej txivneej.

⁸Puab puavleej rhu ntawv txhaj tau puab tej num, tsi has tug laug tug hluas lossis cov kws tub txawj lawm lossis cov kws tseem xyum xwb.

⁹Thawj zag kws rhu rua Axafes tsev tuabneeg yog tau rua Yauxej, nwg cov tub hab nwg cov kwvtij; zag ob rhu tau rua Nkedaliyas, nwg cov kwvtij hab puab cov tub kaum ob leeg;

¹⁰rhu zag peb tau rua Xakules, nwg cov tub hab nwg cov kwvtij kaum ob leeg;

¹¹rhu zag plaub tau rua Ixelis, nwg cov tub hab nwg cov kwvtij kaum ob leeg;

¹²rhu zag tsib tau rua Nethaniyas, nwg cov tub hab nwg cov kwvtij kaum ob leeg;

¹³rhu zag rau, tau rua Npukiyas, nwg cov tub hab nwg cov kwvtij kaum ob leeg;

¹⁴rhu zag xyaa tau rua Yexalelas, nwg cov tub hab nwg cov kwvtij kaum ob leeg;

¹⁵rhu zag yim tau rua Yesaiyas, nwg cov tub hab nwg cov kwvtij kaum ob leeg;

¹⁶rhu zag cuaj tau rua Matithiyas, nwg cov tub hab nwg cov kwvtij kaum ob leeg;

¹⁷rhu zag kaum tau rua Sime-is, nwg cov tub hab nwg cov kwvtij kaum ob leeg;

¹⁸rhu zag kaum ib tau rua Uxiyees, nwg cov tub hab nwg cov kwvtij kaum ob leeg;

¹⁹rhu zag kaum ob tau rua Hasanpiyas, nwg cov tub hab nwg cov kwvtij kaum ob leeg;

²⁰rhu zag kaum peb tau rua Senpuyees, nwg cov tub hab nwg cov kwvtij kaum ob leeg;

²¹rhu zag kaum plaub tau rua Matithiyas, nwg cov tub hab nwg cov kwvtij kaum ob leeg;

²²rhu zag kaum tsib tau rua Yelimaus, nwg cov tub hab nwg cov kwvtij kaum ob leeg;

²³rhu zag kaum rau tau rua Hananiyas, nwg cov tub hab nwg cov kwvtij kaum ob leeg;

²⁴rhu zag kaum xyaa tau rua Yaunpekasas, nwg cov tub hab nwg cov kwvtij kaum ob leeg;

²⁵rhu zag kaum yim tau rua Hananis, nwg cov tub hab nwg cov kwvtij kaum ob leeg;

²⁶rhu zag kaum cuaj tau rua Malauthis, nwg cov tub hab nwg cov kwvtij kaum ob leeg;

²⁷rhu zag neeg nkaum tau rua Eli-athas, nwg cov tub hab nwg cov kwvtij kaum ob leeg;

²⁸rhu zag neeg nkaum ib tau rua Hauthiles, nwg cov tub hab nwg cov kwvtij kaum ob leeg;

²⁹rhu zag neeg nkaum ob tau rua Nkidaletis, nwg cov tub hab nwg cov kwvtij kaum ob leeg;

³⁰rhu zag neeg nkaum peb tau rua Mahaxi-aus, nwg cov tub hab nwg cov kwvtij kaum ob leeg;

³¹hab rhu zag neeg nkaum plaub tau rua Laumatis Exeles, nwg cov tub hab nwg cov kwvtij kaum ob leeg.