Read Hmong Njua 1 Xwmtxheej Vaajntxwv 27 Bible Online

1 Xwmtxheej Vaajntxwv 27 - Hmong Njua bible

1 Xwmtxheej Vaajntxwv 27

¹Ntawm nuav moog yog sau cov Yixalayees cov thawjcoj ntawm tej cuab kwvtij hab tej xeem hab puab cov thawjcoj kws ua num saib phaab ntaub ntawv rua lub tebchaws. Puab tau faib ua tej paab moog ua num, ib paab twg muaj neeg nkaum plaub txheeb leej, hab ib paab twg ua num ib xyoos twg ib hlis.

²Xadiyees tug tub Yasaunpe-aas, ua tug saib paab ib ntawm lub ib hlis; nwg paab muaj neeg nkaum plaub txheeb leej.

³Yasaunpe-aas yog Peles tug xeebntxwv, nwg ua tug saib cov thawj tubrog ntawm lub ib hlis.

⁴Daudais kws yog Ahaus tug xeebntxwv, ua tug saib paab ob ntawm lub ob hlis (Mikhelaus yog tug lwm thawj); nwg paab muaj neeg nkaum plaub txheeb leej.

⁵Npeenayas ua tug saib paab peb ntawm lub peb hlis, nwg yog tug povthawj Yehauyadas tug tub; nwg paab muaj neeg nkaum plaub txheeb leej.

⁶Npenayas yog ib tug kws ua tau heev ntawm peb caug leej, hab yog tug thawj ntawm peb caug leej ntawd; Npeenayas tug tub Amixanpas ua tug kws hloov nwg.

⁷Yau-am tug kwv Axahees, ua tug saib paab plaub ntawm lub plaub hlis, hab nwg tug tub Xenpadiyas ua tug hloov nwg; nwg paab muaj neeg nkaum plaub txheeb leej.

⁸Samehus ua tug saib paab tsib ntawm lub tsib hlis, nwg yog cov tuabneeg huv Ixelas; nwg paab muaj neeg nkaum plaub txheeb leej.

⁹Ilas ua tug saib paab rau ntawm lub rau hli, nwg yog Ikes kws yog cov tuabneeg Tekau-as tug tub; nwg paab muaj neeg nkaum plaub txheeb leej.

¹⁰Helej ua tug saib paab xyaa ntawm lub xyaa hli, nwg yog cov tuabneeg huv Peloos kws yog Efalayees cov xeebntxwv; nwg paab muaj neeg nkaum plaub txheeb leej.

¹¹Xinpekhais ua tug saib paab yim ntawm lub yim hli, nwg yog cov tuabneeg Husas, hab yog Xalas cuab kwvtij; nwg paab muaj neeg nkaum plaub txheeb leej.

¹²Anpi-exes ua tug saib paab cuaj ntawm lub cuaj hli, nwg yog cov tuabneeg huv Anathaus, hab yog xeem Npeenyamees; nwg paab muaj neeg nkaum plaub txheeb leej.

¹³Mahalais ua tug saib paab kaum ntawm lub kaum hli, nwg yog cov tuabneeg huv Netaufas, hab yog Xelas cuab kwvtij; nwg paab muaj neeg nkaum plaub txheeb leej.

¹⁴Npenayas ua tug saib paab kaum ib ntawm lub kaum ib hlis, nwg yog cov tuabneeg huv Pilathoos, hab nwg yog xeem Efalayees; nwg paab muaj neeg nkaum plaub txheeb leej.

¹⁵Heledais ua tug saib paab kaum ob ntawm lub kaum ob hlis, nwg yog tuabneeg huv Netaufas (Heedais yog Autheniyees cuab kwvtij); nwg paab muaj neeg nkaum plaub txheeb leej.

¹⁶Ntawm nuav yog cov thawjcoj ntawm txhua xeem Yixalayees tej npe: [Xeem] — [Tus tswjhwm] Lunpees — yog Xikhalis tug tub Eli-exes Xime-oos — yog Ma-akas tug tub Sefatiyas Levis — yog Kemuyees tug tub Hasanpiyas Aloos — yog Xadaus Yudas — yog Vajntxwv Daviv tug tijlaug hu ua Elihus Ixakhas — yog Mikhayees tug tub Aumelis Xenpuloos — yog Aunpadiyas tug tub Isemayas Nathalis — yog Aliyees tug tub Yelemaus Efalayees — yog Axaxiyas tug tub Hauseyas Manaxes Saab — yog Pedayas tug Nubpoob — tub Yau-ees Manaxes Saab — yog Xakhaliyas tug Nubtuaj — tub Idaus Npeenyamees — yog Aneles tug tub Ya-axiyees Daas — yog Yelauhaas tug tub Axalees

²³Vaajntxwv Daviv tsi suav tej tuabneeg kws noobnyoog qeg dlua neeg nkaum xyoo rov huv, rua qhov tug TSWV tub coglug tseg tas, nwg yuav pub cov Yixalayees fuamvaam coob ib yaam le tej nubqub sau nruab ntug.

²⁴Yau-am kws yog Xeluyas tug tub, pib sau cov Yixalayees tej npe, tabsis nwg sau tsi tau tav. Vaajtswv tub rau txim rua cov Yixalayees lawm, vim qhov kws sau npe nuav xwb, yog le ntawd thaus kawg txhaj tsi muaj suavdlawg tej npe txhij nyob rua huv Vaajntxwv Daviv cov numtswv tej ntaub ntawv khaws tseg.

²⁵Adiyees tug tub Axemaves, ua tug saib vaajntxwv tej txhaab rau khoom; Uxiyas tug tub Yaunathaas ua tug saib tej txhaab rau khoom peg tej zog, huv tej nroog hab huv tej chaw tsomfaaj;

²⁶Khelus tug tub Exelis ua tug saib cov tuabneeg ua teb;

²⁷Sime-is kws yog cov tuabneeg Lamas ua tug saib tej vaaj txiv maab; Xanpedis kws yog tuabneeg Sifamis ua tug saib tej chaw tsuam cawv txiv maab;

²⁸Npa-ahanaas kws yog tuabneeg Nkedes ua tug saib cov ntoo roj hab tej ntoo xikamaus huv Sefelas; Yau-as ua tug saib taagnrho tej txhaab rau roj txiv ntoo;

²⁹Sitalais kws yog tuabneeg Saloos ua tug saib tej tsaj kws tso rua huv lub taj Saloos; Adelais tug tub Safas ua tug saib tej tsaj kws tso rua huv tej haav;

³⁰Aunpis kws yog xeem Yisamayees ua tug saib cov ntxhuav; Yedeyas kws yog tuabneeg Melaunaus ua tug saib cov neeg luav; hab Yaxis kws yog tuabneeg Hankas ua tug saib tej yaaj hab tej tshis;

³¹taagnrho cov numtswv nuav puavleej yog cov kws saib Vaajntxwv Daviv tej nyaj txag, tsaj txhu hab txhua yaam huv tuabsi.

³²Yaunathaas kws yog Daviv tug txiv ntxawm, yog ib tug tuavxaam kws muaj tswvyim hab txawj ntse heev. Yaunathaas hab Hasaunis tug tub Yehiyees ua xwbfwb qha ntawv rua vaajntxwv cov tub.

³³Ahitaufees yog vaajntxwv tug tuavxaam, hab Husais kws yog cov Akhis yog vaajntxwv tug phoojywg hab yog tug tuavxaam.

³⁴Tom qaab kws Ahitaufees tuag lawm, Anpiyathas hab Yehauyadas kws yog Npenayas tug tub ua tug tuavxaam hloov nwg chaw. Yau-am yog tug thawj tubrog.