Read Hmong Njua 1 Xwmtxheej Vaajntxwv 4 Bible Online

1 Xwmtxheej Vaajntxwv 4 - Hmong Njua bible

1 Xwmtxheej Vaajntxwv 4

¹Ntawm nuav moog yog Yudas cov xeebntxwv ibtxha: Peles, Hexeloos, Kalemis, Hules hab Saunpas.

²Saunpas tug tub Le-ayas yog Yahaj txiv, hab Yahaj yog Ahumais hab Lahas obtug txiv, puab yog yawmkoob ntawm cov tuabneeg kws nyob huv lub nroog Xaulas.

³Hules yog Kalej tug quaspuj kws hu ua Efalas tug tub hlub, hab nwg cov xeebntxwv yog cov kws moog rhawv lub nroog Npelehees. Hules muaj peb tug tub: Etaas, Penuyees hab Exeles. Etaas muaj peb tug tub: Yexelees, Isamas hab Inpasas hab muaj ib tug ntxhais hu ua Haxelepaunis. Penuyees yog tug kws moog rhawv lub zog Nkedaules, hab Exeles yog tug kws moog rhawv lub zog Husas.

⁵Asehus yog tug kws rhawv lub zog Tekau-as, nwg muaj ob tug quaspuj hu ua Helas hab Na-alas;

⁶Na-alas yug tau plaub tug tub rua Asehus: Ahuxas, Hefeles, Temenis hab Hahatalis.

⁷Helas yug tau peb tug tub rua Asehus: Xeles, Ixahas hab Ethanas.

⁸Kauxes yog Anus hab Xaunpenpas obtug txiv, hab nwg yog yawmkoob ntawm cuab kwvtij kws yog Haloos tug tub Ahahees xeebntxwv.

⁹Muaj ib tug txivneej hu ua Yanpexes, nwg yog tug kws nwg tsev tuabneeg fwm tshaaj nwg cov kwvtij huv tuabsi; nwg nam txhaj tis nwg lub npe hu ua Yanpes, txhais has tas, “Rua qhov thaus kuv yug nwg mas mob kuv plaab heev.”

¹⁰Yanpes txhaj thov cov Yixalayees tug Vaajtswv has tas, “Vaajtswv, thov koj foom koob moov rua kuv hab nthuav kuas lub tebchaws dlaav, thov koj txhais teg nrug nraim kuv, hab thov koj tsomkwm tsi xob pub kuv raug kev txomnyem, kuas kuv txhaj tsi muaj kev mob kev nkeeg!” Ces Vaajtswv txhaj teb tej lug kws nwg thov ntawd.

¹¹Kalej tug tijlaug Suhas muaj ib tug tub hu ua Mehiles. Mehiles yog Esetoos txiv.

¹²Esetoos muaj peb tug tub: Npethelafas, Paxe-as hab Tehinas. Tehinas yog Nahas txiv. Tehinas yog tug kws rhawv lub nroog Nahas. Cov tuabneeg nuav puab cov xeebntxwv puavleej nyob huv lub nroog Lekas.

¹³Kenas ob tug tub yog Autheniyees hab Xelayas, hab Autheniyees ob tug tub yog Hathas hab Me-aunauthais.

¹⁴Me-aunauthais yog Aufalas txiv. Xelayas yog Yau-am txiv, nwg yog tug kws rhawv tau lub zog kws hu ua cov tuabneeg txawj lub haav, qhov kws hu le ntawd, rua qhov cov tuabneeg kws nyob huv puavleej yog cov kws txawj ua txhua yaam.

¹⁵Yefunes tug tub Kalej cov tub yog Ilus, Elas hab Na-as; hab Elas tug tub yog: Kenas.

¹⁶Yehalelees cov tub yog Xifes, Xipehas, Tilias hab Axalees.

¹⁷Exelas muaj plaub tug tub: Yethes, Meles, Efes hab Yaloos. Meles yuav cov Iziv tug vaajntxwv tug ntxhais Npithiyas lug ua quaspuj, obtug muaj ib tug ntxhais hu ua Milias, hab muaj ob tug tub hu ua Samais hab Isenpas. Isenpas yog tug kws rhawv lub zog Esemau-as. Meles moog yuav xeem Yudas ib tug ntxhais lug ua quaspuj, hab obtug muaj peb tug tub: Yeles, yog tug kws rhawv lub zog Nkedaules; Henpeles yog tug kws moog rhawv lub zog Xukaus; hab Yekuthiyees yog tug kws rhawv lub zog Xanau-as.

¹⁹Haudiyas yuav Nahas tug muam. Obtug cov xeebntxwv yog Nkames caajceg kws nyob huv lub nroog Ke-ilas hab yog Ma-akas caajceg kws nyob huv lub nroog Ese-temaus.

²⁰Simoos cov tub yog Anoos, Linas, Npeehanas hab Tiloos. Isis ob tug tub yog Xauhes hab Npeexauhes.

²¹Selas yog Yudas cov tub ib tug. Nwg cov xeebntxwv yog Eles tug kws rhawv lub zog Lekas; La-adas yog tug kws rhawv lub zog Malesas, hab cuab kwvtij kws nyob huv lub nroog Npethes Asenpe-as txawj ntus ntaub maag heev;

²²Yaukimes hab cov tuabneeg kws nyob huv lub zog Kauxenpas; hab Yau-as hab Xalafes moog yuav cov Mau-am ob tug ntxhais lug ua quaspuj hab obtug nyob huv nroog Npelehees, (tej nuav yog tej qub kevcai thaus u lug lawm xwb.)

²³Puab yog cov tuabneeg puab laujkaub aav, mas puab txhaj moog nyob huv lub nroog Neta-ees hab Nkedelas, puab laujkaub aav rua vaajntxwv.

²⁴Xime-oos cov tub yog Nemuyees, Yamees, Yalis, Zelas hab Sa-ules;

²⁵Salumes yog Sa-ules tub, Mixames yog Salumes tub, hab Mixames yog Misamas tub.

²⁶Misamas cov xeebntxwv yog: Hamuyees yog Misamas tub, Xakulas yog Hamuyees tub, hab Sime-is yog Xakulas tub.

²⁷Sime-is muaj kaum rau tug tub hab rau leej ntxhais; tabsis nwg cov kwvtij tsi muaj mivnyuas coob le nwg, lossis xeem Xime-oos tsi muaj mivnyuas coob hab tsi fuamvaam zoo npaum le xeem Yudas.

²⁸Puab cov nuav yog cov nyob huv lub nroog Npesenpas, Mauladas, Haxasuas,

²⁹Npihas, Exemes, Taulas,

³⁰Npethu-ees, Haumas, Xikelas,

³¹Npethes Makanpaus, Haxaxuxis, Npethenpilis hab Sa-alayees. Puab yeej nyob huv cov nroog nuav lug txug thaus Vaajntxwv Daviv kaav le.

³²Hab puab tseem nyob dlua tsib lub nroog kws yog: Etaas, Ayees, Limoos, Taukhees hab Asaas,

³³hab tej zog kws nyob ibncig ntawd moog txug ndlua nraag lub nroog Npa-alas. Ntawm nuav moog yog teev puab tej tsev tuabneeg caajceg hab puab tej chaw nyob.

³⁴Mesaunpas, Yamelej, Yausas kws yog Amaxiyas tug tub,

³⁵Yau-ees, Yehus yog Yausinpiyas tub, Yasinpiyas yog Xelayas tub, Xelayas yog Axiyees tub.

³⁶Eli-aunais, Ya-akaunpas, Yehsauhaiyas, Axaiyas, Adiyees, Yeximiyees,

³⁷Anpinayas, Xixas yog Sifis tub, Sifis yog Aloos tub, Aloos yog Yedayas tub, Yedayas yog Simelis tub, Simelis yog Semayas tub,

³⁸cov tuabneeg kws muaj npe nuav puavleej yog cov thawjcoj ntawm puab tej tsev tuabneeg. Hab puab tej cuab kwvtij taabtom fuamvaam coob zuj zug ntxiv,

³⁹puab txhaj taug kev moog nrhav tshaav zaub rua puab tej tsaj txug rua ntawm txuj ncauj ke kws moog rua huv lub nroog Nkelas kws nyob ntawm ib lub vuaghaav saab nubtuaj.

⁴⁰Puab moog nrhav tau cheebtsaam kws muaj tshaav zaub ntau heev. Lub tebchaws ntawd nthuav dlaav fo rua tom tej taj nraag, nyob ntsag tu hab thaajyeeb lug; cov Hamis yog cov tuabneeg kws ibtxwm nyob huv lub tebchaws ntawd.

⁴¹Thaus cov Yudas tug Vaajntxwv Hexekiyas tam, cov txivneej kws muaj npe sau nuav txhaj moog rua huv lub nroog Nkelas moog muab cov tuabneeg kws nyob huv tej tsevntaub hab tej tsev pheebsuab rhuav puamtsuaj taag lug txug rua naj nub nua, hab puab moog nyob ntawm cov tuabneeg ntawd tej chaw, rua qhov lub tebchaws ntawd muaj tshaav zaub dlaav rua puab tej tsaj noj.

⁴²Xeem Xime-oos tsib puas leej moog rua saab nubpoob hab moog txug rua huv lub tebchaws Edoos. Cov coj puab kev yog Isis cov tub: Pelatiyas, Ne-aliyas, Lefayas hab Uxiyees.

⁴³Hab puab moog muab cov tuabneeg Amalej kws tsiv moog nkaum rua peg tej ncov roob tua tuag taag huv tuabsi, hab puab nyob huv lub tebchaws ntawd lug txug naj nub nua le.