Read Hmong Njua 1 Xwmtxheej Vaajntxwv 7 Bible Online

1 Xwmtxheej Vaajntxwv 7 - Hmong Njua bible

1 Xwmtxheej Vaajntxwv 7

¹Ixakhas muaj plaub tug tub: Taulas, Puahas, Yasus hab Siloos.

²Taulas muaj rau tug tub: Uxis, Lefayas, Yeliyees, Yamais, Ixames, hab Semu-ees. Puab puavleej yog cov thawjcoj ntawm Taulas tsev tuabneeg, hab puab yog cov tubrog kws nto moo tshaaj plawg. Thaus Vaajntxwv Daviv tam, puab tej xeebntxwv fuamvaam coob heev muaj txug neeg nkaum ob txheeb rau pua leej.

³Uxis muaj ib tug tub hu ua Ilahiyas. Ilahiyas muaj plaub tug tub: Mikhayees Aunpadiyas, Yau-ees, hab Isesiyas. Puab puavleej yog cov thawjcoj ntawm puab tej tsev tuabneeg.

⁴Puab muaj ntau tug quaspuj hab muaj mivnyuas coob heev, vim le ntawd puab tej xeebntxwv txhaj muaj peb caug rau txheeb leej txivneej moog ua tubrog.

⁵Lawv le tej ntaub ntawv kws luas teev tseg ca ntawd, xeem Ixakhas cov txivneej kws ua taug tubrog yog muaj yim caum xyaa txheeb leej.

⁶Npeenyamees muaj peb tug tub: Npelas, Npekeles hab Yediya-les.

⁷Npelas muaj tsib tug tub: Exenpoos, Uxis, Uxiyees, Yelimaus hab Ilis, puab puavleej yog cov thawjcoj ntawm puab tsev tuabneeg hab yog cov tubrog kws nto moo tshaaj plawg. Suav taagnrho puab cov txivneej kws ua taug tubrog muaj neeg nkaum ob txheeb peb caug plaub leeg.

⁸Npekeles muaj cuaj tug tub: Xemilas, Yau-as, Eli-exes, Ele-unais, Aumelis, Yelemaus, Anpiyas, Anathaus hab Alimes. Taagnrho Npekeles cov tub nuav;

⁹lawv le tej ntaub ntawv kws luas teev tseg ntawd, puab tej tsev tuabneeg cov txivneej kws ua taug tubrog muaj neeg nkaum txheeb ob puas leej.

¹⁰Yedi-ales muaj ib tug tub hu ua Npelehas; Npilehaas muaj xyaa tug tub: Ye-uses, Npeenyamees, Ehus, Khena-anas, Xethaas, Talasis hab Ahisahas.

¹¹Puab puavleej yog cov thawjcoj ntawm puab caajceg hab yog cov tubrog kws nto moo tshaaj plawg. Suav taagnrho puab cov xeebntxwv, tej txivneej kws ua taug tubrog muaj kaum xyaa txheeb ob puas leej.

¹²Supees hab Hupees yog Iles tub, kuas Husees yog Ahelas tub.

¹³Nathalis muaj plaub tug tub: Yaxiyees, Nkunis, Yexes hab Saloos. (Puab yog Npilehas cov xeebntxwv.)

¹⁴Manaxes ob tug tub yog Aliyees hab Makhiles, obtug yog nwg tug nam yau kws yog tuabneeg Alame-as yug; Makhiles yog Nkile-as txiv.

¹⁵Hab Makhiles moog yuav tau ib tug quaspuj lug rua Hupees hab ib tug lug rua Supees. Nwg tug muam hu ua Ma-akas. Makhiles tug tub kws yog tug ob hu ua Xelaufetas, nwg muaj ib tug ntxhais xwb.

¹⁶Makhiles tug quaspuj kws hu ua Ma-akas yug tau ob tug tub, tug tub hlub nwg tis npe hu ua Peleses hab tug tub yau nwg tis npe hu ua Seleses. Peleses muaj ob tug tub hu ua Ulames hab Lakees.

¹⁷Ulames tug tub hu ua Npedas. Puab cov nuav puavleej yog Makhiles tug tub Nkile-as kws yog Manaxes tug tub xeebntxwv.

¹⁸Nkile-as tug muam kws hu ua Hamaulekhes muaj peb tug tub: Isaus, Anpi-exes, hab Mahelas.

¹⁹(Semidas muaj plaub tug tub: Ahiyas, Sekhees, Likhis hab Aniyas.)

²⁰Efalayees cov xeebntxwv ib tam dlhau ib tam muaj lawv le nuav: Suthelas, Npeledis, Tahas, Ele-adas, Tahas,

²¹Xanpas, Suthelas. Efalayees muaj ob tug tub kws yau Suthelas hu ua Exeles hab Ele-as, obtug raug tua tuag thaus obtug moog nyag cov tuabneeg huv nroog Nkathas tej tsaj lawm.

²²Ces Efalayees kws yog obtug txiv quaj obtug tau ntau nub, hab nwg cov kwvtij txhaj tuaj nplig nwg sab.

²³Ces Efalayees tug quaspuj rov xeeb tub hab yug tau ib tug tub; Efalayees tis tug tub ntawd npe hu ua Npeliyas, rua qhov kev puamtsuaj tau lug raug nwg tsev tuabneeg.

²⁴Efalayees muaj ib tug ntxhais hu ua Se-elas, nwg yog tug rhawv lub nroog Npethes Hauloos kws nyob Theem Sab hab theem qeg, hab lub nroog Uxees Selas.

²⁵Efalayees muaj dlua ib tug tub hu ua Lefas, nwg cov xeebntxwv muaj lawv le nuav: Lesefas, Telas, Tahaas,

²⁶Ladas, Amihus, Elisamas,

²⁷Noos hab Yausuas.

²⁸Cheebtsaam aav kws yog puab tug hab puab nyob, yog xaam lub nroog Npethees hab tej zog kws nyob puagncig lub nroog ntawd; saab nubtuaj moog txug ntawm Na-alas, saab nubpoob moog txug ntawm Nkexeles, tej zog kws nyob puagncig ntawd. Dlua le ntawd tseem xaam lub nroog Sekhees, lub nroog Aiyas hab tej zog kws nyob puagncig ob lub nroog ntawd.

²⁹Manaxes cov xeebntxwv tug nrimteb, txij ndlua ntawm lub nroog Npethes Se-as, Tanas, Menkidaus, Daules hab tej zog kws nyob puagncig cov nroog nuav. Yakhauj tug tub Yauxej cov xeebntxwv puavleej yog cov kws nyob huv cov nroog nuav hab.

³⁰Cov nuav yog Aseles cov xeebntxwv. Nwg muaj plaub tug tub: Imenas, Isavas, Isevis, Npeliyas hab ib tug ntxhais hu ua Xelas.

³¹Npeliyas muaj ob tug tub: Henpeles hab Makhiyees. (Makhiyees yog tug kws moog rhawv lub nroog Npixa-is.)

³²Henpeles muaj peb tug tub: Yafeles, Saumes hab Hauthaas; hab muaj ib tug ntxhais hu ua Sua.

³³Yafeles muaj peb tug tub: Paxas, Npihas hab Asevas.

³⁴Nwg tug kwv Saumes peb tug tub yog Launkas, Yahunpas hab Alas.

³⁵Nwg tug kwv Hauthaas muaj plaub tug tub Xaufas, Emenas, Seleses hab Amas.

³⁶Xaufas cov tub yog Xu-as, Hanefes, Su-as Npelis, Emelas,

³⁷Npexeles, Haudas, Samas, Silesas, Ithelaas hab Npe-elas.

³⁸Yethes cov tub yog Yefunes, Pisepas, Alas hab

³⁹Ulas cov tub yog: Alas, Haniyees hab Lizias.

⁴⁰Taagnrho cov kws has lug sau nuav puavleej yog Aseles cov xeebntxwv xwb. Puab yog cov thawjcoj ntawm puab tsev tuabneeg, puab yog cov tubrog kws nto moo yog cov thawjcoj kws coj zoo hab coj ncaaj tshaaj plawg. Suav taagnrho Aseles cov xeebntxwv kws ua taug tubrog muaj neeg nkaum rau txheeb leej txivneej.