Read Hmong Njua 1 Xwmtxheej Vaajntxwv 9 Bible Online

1 Xwmtxheej Vaajntxwv 9 - Hmong Njua bible

1 Xwmtxheej Vaajntxwv 9

¹Taagnrho cov Yixalayees puavleej sau npe lawv le puab tej tsev tuabneeg, hab tej nuav puavleej muab sau tseg rua huv cov Yixalayees cov Vaajntxwv phoo ntawv lawm. Cov Yudas raug nteg coj moog rua tim tebchaws Npanpiloos, tub yog vim puab tej kev txhum ntaag.

²Thawj paab kws xub tau rov lug nyob rua huv puab lub tebchaws hab puab tej nroog, yog cov Yixalayees cov txwjlaug, cov povthawj, cov Levis hab cov kws tu lub Tuamtsev.

³Cov Yudas, Npeenyamees, Efalayees hab Manaxes, muaj ibtxha tau rov lug nyob rua huv lub nroog Yeluxalees.

⁴Xeem Yudas kws nyob huv lub nroog Yeluxalees muaj rau pua cuaj caum yig. Yudas tug tub Peles cov xeebntxwv yog Uthais ua puab tug thawjcoj, Uthais yog Amihus tub hab yog Aumelis tug xeebntxwv. Nwg cov yawmkoob yog Imelis hab Npanis. Yudas tug tub Selas cov xeebntxwv yog Axayas ua puab tug thawjcoj, nwg yog tug thawjcoj ntawm nwg tsev tuabneeg. Yudas tug tub Xelas cov xeebntxwv yog Ye-ules ua puab tug thawjcoj.

⁷Xeem Npeenyamees kws nyob huv lub nroog Yeluxalees muaj lawv le nuav: Xalus yog Mesulas tub, Mesulas yog Hauviyas tub, Haudavias yog Hasenu-as tub, Ineyas yog Yelauhaas tub, Elas yog Uxis tub hab yog Mikhelis tug xeebntxwv, Mesulas yog Sefatiyas tub, Sefatiyas yog Le-uyees tub, Le-uyees yog Iniyas tub.

⁹Puab cuab kwvtij kws yog tam ntawd muaj cuaj pua tsib caug rau yim. Taagnrho cov txivneej nuav puavleej yog cov thawjcoj ntawm puab tej tsev tuabneeg.

¹⁰Cov povthawj kws nyob huv lub nroog Yeluxalees muaj lawv le nuav: Yedayas, Yehauyalis, hab Yakhees, Hilekiyas tug tub Axaliyas (yog tug thawjcoj cov povthawj huv lub Tuamtsev), nwg cov yawmkoob yog Mesulas, Xadaus, Melayaus hab Ahitus. Yelauhas tug tub Adayas, cov yawmkoob yog Pasehus hab Makhiyas. Adayees tug tub Ma-asais, cov yawmkoob yog Yaxelas, Mesulas, Mesilemis hab Imelis.

¹³Cov povthawj kws yog thawjcoj ntawm puab caajceg yog muaj ib txheeb xyaa pua rau caum leej, puab puavleej yog cov tuabneeg kws txawj ua txhua yaam num nyob rua huv Vaajtswv lub Tuamtsev.

¹⁴Cov Levis kws nyob huv lub nroog Yeluxalees muaj lawv le nuav: Hasus tug tub Semayas, cov yawmkoob yog Axelikas hab Hasanpiyas kws yog Melalis cuab kwvtij Mikas tug tub Npanpakas, Heles hab Nkalas, cov yawmkoob yog Xikhalis hab Axafes Semayas tug tub Aunpadiyas, cov yawmkoob yog Nkalas hab Yeduthoos Axas tug tub Npelekhiyas kws yog Ekanas tug xeebntxwv, nwg nyob huv cov tuabneeg Netaufas lub zog.

¹⁷Cov zuv lub Tuamtsev kws nyob huv lub nroog Yeluxalees muaj lawv le nuav: Salumes, Akus, Talemoos hab Ahimas. Puab tug thawjcoj yog Salumes.

¹⁸Lub sijhawm ntawd puab ua vaaj ua tsev nyob rua ntawm Vaajntxwv lub Roojvaag kws nyob saab nubtuaj. Cov nuav yog cov kws zuv roojvaag ntawm cov Levis lub yeej.

¹⁹Kaules tug tub Salumes kws yog Enpi-axas tug xeebntxwv, nrug nwg cov kwvtij kws yog Kaulas cov xeebntxwv, ua cov zuv ntawm lub qhovrooj kws moog rua huv lub Tsevntaub, ib yaam le thaus puab tej yawmkoob ua cov saib tug TSWV lub yeej lug lawm.

²⁰Tug TSWV nrug nraim Ele-axas tug tub Fine-as, hab yaav taag lug nwg tau ua tug kaav puab ib zag.

²¹Xakhaliyas kws yog Meselemiyas tug tub los kuj tau ua tug zuv lub roojvaag kws moog rua huv tug TSWV lub Tsevntaub sis ntsib hab.

²²Taagnrho cov txivneej kws xaiv lug zuv cov qhovrooj hab roojvaag nuav muaj ob puas kaum ob leeg. Puab moog sau npe rua huv tej zog kws puab nyob. Vaajntxwv Daviv hab tug Povthawj Xamuyees tub yeej tsaa puab cov yawmkoob ua cov tuav lub luag num nuav lug lawm.

²³Yog le ntawd, puab hab puab tej xeebntxwv txhaj tau ua cov zuv tug TSWV lub Tuamtsev tej roojvaag.

²⁴Tej roojvaag ntawd muaj nyob saab qaumteb, saab qaabteb, saab nubtuaj hab saab nubpoob, hab puavleej muaj tuabneeg zuv plaub lub roojvaag ntawd huv tuabsi.

²⁵Cov zuv roojvaag nuav cov kwvtij kws nyob huv puab tej zog tuaj nrug puab sis hloo zuv kuas xyaa nub ib leeg zuv ib zag.

²⁶Plaub tug thawj kws saib cov roojvaag ntawd yog cov Levis hab puab tseem tsaa puab ua cov saib tej chaav tsev huv Vaajtswv lub Tuamtsev hab saib tej khoom kws coj tuaj ca rua huv huv tuabsi.

²⁷Puab nyob ze Vaajtswv lub Tuamtsev, rua qhov puab teg num yog zuv lub tuamtsev hab qheb lub qhovrooj txhua taagkig sawv ntxuv le.

²⁸Tsaa Cov Levis ibtxha ua cov saib tej khoom kws siv rua kev pehawm Vaajtswv, vim puab yuav tau suav tej khoom ntawd thaus muab rua luas coj moog siv hab nqaa rov qaab lug ca.

²⁹Dlua le ntawd, lwm paab yog tsaa lug ua cov saib tej khoom siv, tej khoom dlawbhuv, tej tseem moov nplej, tej cawv txiv maab, tej roj txiv ntoo, tej moov tshuaj tsw qaab hab tej ntoo tsw qaab.

³⁰Tabsis cov kws tov tej tshuaj tsw qaab, mas puavleej yog cov povthawj nkaus xwb.

³¹Muaj ib tug Levis npe hu ua Matithiyas, nwg yog Salumes tug tub hlub hab yog Kaulas caajceg ua tug saib cov ncuav kws puab hab cub coj moog ua khoom fij rua Vaajtswv.

³²Puab cov kwvtij kws yog Kauhas caajceg ua cov saib tej ncuav dlawbhuv kws npaaj coj moog fij rua huv lub Tuamtsev txhua nub Xanpataus.

³³Cov nuav yog cov hu nkauj, puab puavleej yog cov thawjcoj ntawm puab tej tsev tuabneeg, muab tej chaav tsev huv lub Tuamtsev rua puab nyob, hab puab tsi ua lwm yaam num dlaabtsi le, rua qhov puab yeej ua puab lub luag num nruab nub hab mo ntuj taag moog le.

³⁴Cov txivneej kws muaj npe has lug sau nuav, puavleej yog cov thawjcoj ntawm cov Levis tsev tuabneeg lawv le puab tej yawmkoob ntau tam lug lawm. Hab puab yog cov thawjcoj kws nyob huv lub nroog Yeluxalees.

³⁵Ye-iyees yog tug rhawv lub nroog Nkinpe-oos hab moog nyob rua huv lub nroog ntawd. Nwg tug quaspuj hu ua Ma-akas.

³⁶Nwg tug tub hlub hu ua Adoos, hab nwg cov tub yau hu ua: Xules, Kises, Npa-as, Neles, Nadas,

³⁷Nkedaules, Ahi-aus, Xakhaliyas hab Mikalaus,

³⁸Mikalaus yog Sime-as txiv. Puab tej xeebntxwv puavleej nyob huv lub nroog Yeluxalees hab nyob ze ntawm puab cov kwvtij.

³⁹Neles yog Kises txiv, Kises yog Xa-ules txiv, Xa-ules yog Yaunathaas, Makhisuas, Anpinadas hab Esenpa-aas txiv;

⁴⁰Yaunathaas yog Melinpa-aas txiv hab Melinpas-as yog Mikhas txiv.

⁴¹Mikhas cov tub yog Pithoos, Melej, Tale-as, hab Ahaxes.

⁴²Ahaxes yog Yalas txiv, Yalas yog Alemes, Axemaves, hab Xeelis txiv. Xeelis yog Mauxas txiv,

⁴³Mauxas yog Npine-as txiv, Npine-as yog Lefayas txiv, Lefayas yog Ele-asas txiv hab Ele-asas yog Axees txiv.

⁴⁴Axees muaj rau tug tub: Alikas, Npaukhelus, Yisamayees, Se-aliyas, Aunpadiyas, hab Hanaas.