Read Hmong Njua 2 Xwmtxheej Vaajntxwv 4 Bible Online

2 Xwmtxheej Vaajntxwv 4 - Hmong Njua bible

2 Xwmtxheej Vaajntxwv 4

¹Vaajntxwv Xalumoos ua tau lub thaaj tooj, qhov ntev muaj neeg nkaum tshim, qhov dlaav muaj neeg nkaum tshim hab qhov sab muaj kaum tshim.

²Hab nwg muab tooj nchuav tau ib lub rhawv kheej kheej, sab tsib tshim, saab npoo nuav rua saab npoo tid muaj kaum tshim, hab lub cheeb muaj peb caug tshim.

³Nwg muab tooj nchuav ua ob lub thi lug thi puagncig lub rhawv saab nrau ib lub nyob sau hab ib lub nyob huv qaab, hab suam ib cov dluab txiv nyuj rua ntawm lub rhawv.

⁴Lub rhawv ntawd luas muab txawb rua sau kaum ob tug nyuj tooj nrausqaum kws tig rua txhua faab, peb tug nyuj twg tig taubhau rua ib saab.

⁵Lub rhawv ntawd tug npoo tuab peb nti, tug npoo zoo le tej npoo khob hab muab zaaj ntug nrau zaig txaij nraug zeeg nthuav zoo le lub paaj lilis. Lub rhawv ntawd ntim tau kwvyees peb txheeb thoob dlej.

⁶Nwg tseem ua tau kaum lub dlaab dlej, nwg muab tsib lub txawb rua ntawm lub Tuamtsev saab nraag hab muab tsib lub txawb rua saab peg. Cov dlaab dlej ntawd yog ua ca ntxuav tej nqaj kws yuav coj moog hlawv fij. Cov dlej huv lub rhawv luj, yog ca rua cov povthawj ntxuav cev.

⁷Nwg muab kub ua kaum tug ncej txawb teeb, lawv le tug qauv kws ibtxwm ua, hab kaum lub rooj, coj moog txawb rua ntawm chaav luj huv lub Tuamtsev. Ib saab twg muab tsib lub rooj hab tsib lub teeb txawb rua. Nwg tseem muab kub nchuav tau ib puas lub taig hab.

⁹Nwg ua ib chaav huv nruab nrog rua cov povthawj, hab ua ib chaav luj rua saab nrau. Nwg muab tooj vuam cov qhovrooj ntawm cov roojvaag kws moog rua ntawm ob chaav ntawd,

¹⁰nwg muab lub rhawv tooj txawb rua ntawm lub Tuamtsev ceg kaum saab nubtuaj qaabteb.

¹¹Hulaas tseem ua tau ib cov laujkaub, ib cov dluav yawm tshauv hab ib cov taig. Nwg ua txhua yaam rua lub Tuamtsev tav lawv le Vaajntxwv Xalumoos xaav kuas nwg ua, xws le: [Ob tug ncej tooj] Ob lub hau kws khwb ob tug ncej. Cov saw kws dlai rua ob lub hau khwb ncej Ob tshaam tswb tooj kws muaj plaub puas lub zoo le txiv ntsab pobkws dlai puagncig ob lub hau ncej. Kaum lub tsheb tooj. kaum lub phab tooj Lub rhawv tooj Kaum ob tug nyuj kws txawb lub rhawv tooj. Cov laujkaub, cov dluav yawm tshauv hab cov rawg. Taagnrho tej ntawd puavleej yog Hulaas tug kws nchuav tooj nchuav hlau ua, nwg ua lawv le Vaajntxwv Xalumoos kuas nwg ua siv rua huv tug TSWV lub Tuamtsev.

¹⁷Vaajntxwv kuas ua tej ntawd huv lub taj aav nplaum ntu nruab nraab ntawm Xukaus hab Xeledas, huv lub Haav Yauladees.

¹⁸Tej tooj kws Xalumoos muab ua tej ntawd ntau heev, txhaj tsi muaj leejtwg muab luj has tas nyaav npaum le caag.

¹⁹Vaajntxwv Xalumoos tseem muab kub ua rooj tog rua huv lub Tuamtsev le nuav: lub thaaj fij, cov rooj kws rau ncuav fij rua Vaajtswv.

²⁰Cov ncej txawb teeb hab cov teeb kws muab kub ua, taws rua ntawm hauv ntej Chaav Dlawbhuv kawg nkaus lawv le npaaj tseg lawm.

²¹Cov paaj, tej teeb hab tej caj,

²²tej txab txav teebxeeb, tej phab, tej taig rau moov tshuaj tsw qaab, hab cov yag rauv ncaig tawg. Txhua yaam kws has taag lug nuav puavleej yog muab kub ua. Lub Tuamtsev tej qhovrooj moog rua saab nrau hab tej qhovrooj kws nwg ua rua huv Chaav Dlawbhuv kawg nkaus puavleej yog muab kub vuam rua.