Read Hmong Njua Exalas 10 Bible Online

Exalas 10 - Hmong Njua bible

Exalas 10

¹Thaus Exalas tseem nyo taubhau thov Vaajtswv ntawm lub Tuamtsev hauv ntej, quaj hab leeg tej kev txhum nuav, ib paab Yixalayees coob heev, quaspuj txivneej hab mivnyuas, sis sau tuaj sawv vij nwg, quaj tu sab kawg nkaus le hab.

²Ces Yehiyees tug tub Sekaniyas kws yog Elames cuab kwvtij txhaj has rua Exalas has tas, “Peb tau tso txujkev ntseeg Vaajtswv tseg hab tau moog yuav cov tuabneeg txawv tebchaws tej ntxhais lug ua quaspuj, txawm le ntawd los cov Yixalayees tseem tshuav kev ca sab.

³Nwgnuav peb thov coglug rua peb tug Vaajtswv has tas, peb yuav xaa cov quaspuj hab puab tej mivnyuas rov qaab kuas taag. Peb yuav ua lawv le koj hab cov kws fwm Vaajtswv tej lug saamfwm kuas peb ua. Peb yuav ua lawv le Vaajtswv txuj kevcai kws tau has tseg ntaag.

⁴Koj ca le ua teg num nuav. Peb yuav tuaj tom koj qaab, koj ca le ntaus thawj ua ntej hab ua kuas tav.”

⁵Yog le ntawd, Exalas txhaj kuas cov Yixalayees cov thawjcoj, cov povthawj, cov Levis hab cov pejxeem, coglug ua lawv le tej lug kws Sekaniyas tau has ntawd.

⁶Ces nwg txhaj le tawm ntawm lub Tuamtsev hauv ntej moog rua huv chaav tsev kws Eli-asis tug tub Yehauhanaas nyob hab nwg pw ib mos huv, nwg tu sab heev rua cov tuabneeg kws raug nteg moog hab tau rov lug tej kev ua tsi ncaaj nceeg ntawd. Nwg txhaj tsi noj tsi haus ib yaam dlaabtsi le.

⁷Hab nwg xaa xuv moog thoob plawg huv lub nroog Yeluxalees hab lub xeev Yudas kuas txhua tug kws raug luas nteg moog hab tau rov lug ntawd ca le tuaj saablaaj ua ke huv lub nroog Yeluxalees,

⁸lawv le cov numtswv hab tej thawjcoj tej lug saamfwm. Yog leejtwg tsi tuaj, dlhau peb nub sau nuav lawm, yuav muab txhua yaam kws yog nwg tug txeeb huv tuabsi moog hab nwg yuav tsi tau ua tswvcuab rua huv pawg tuabneeg ntawd moog ntxiv le lawm.

⁹Peb nub ntawd, yog lub cuaj hlis ntuj nub neeg nkaum, txhua tug txivneej kws nyob huv cheebtsaam Yudas hab Npeenyamees txhaj tuaj rua huv lub nroog Yeluxalees, hab moog sis sau ua ke rua ntawm lub taj tshaav puam ntawm lub Tuamtsev. Suavdlawg tshee kawg le, rua qhov naag lug hlub heev hab fuab cua tsi zoo.

¹⁰Tug povthawj Exalas sawv tseeg lug has rua puab tas, “Mej yog cov kws tsi muaj kev ncaaj nceeg, mej txhaj coj kev txhum lug rua cov Yixalayees, vim qhov kws mej moog yuav lwm tsaav tuabneeg tej ntxhais lug ua quaspuj.

¹¹Nwgnuav mej ca le leeg mej tej kev txhum rua tug TSWV kws yog mej cov yawmkoob tug Vaajtswv, hab ua kuas hum nwg sab nyam. Ca le cais mej tawm ntawm lwm tsaav tuabneeg kws nyob huv peb lub tebchaws, hab muab mej cov quaspuj kws yog lwm tsaav tuabneeg tso tseg.”

¹²Tsoom pejxeem teb nrov nrov has tas, “Peb yuav ua le koj has ntaag.”

¹³Tabsis puab has ntxiv tas, “Peb cov tuabneeg coob heev hab naag lug hlub kawg le. Peb yuav sawv tsi tau ntawm tshaav puam le nuav. Tej nuav tsi yog yuav ua kuas tav rua ib nub lossis ob nub tom ntej nuav, rua qhov peb cov kws tau ua txhum muaj coob heev.

¹⁴Ca peb cov thawj kws nyob huv lub nroog Yeluxalees ua cov tu tej plaub ntug nuav, ca cov kws yuav lwm tsaav tuabneeg lug ua quaspuj, puab maam teem sijhawm moog ntsib cov thawjcoj hab cov tu plaub huv nwg lub nroog. Peb ua le nuav txhaj yuav tshem tau Vaajtswv txujkev chim tawm ntawm peb moog.”

¹⁵Tsi muaj leejtwg tawv nyom zaaj ntawd le, tsuas yog Axahees tug tub Yaunathaas hab Tivas tug tub Yaxeyas txhaj nyom tsi yuav zaaj ntawd xwb. Muaj Mesulas hab Sanpethais kws yog cov Levis tuaj obtug tog hab.

¹⁶Cov tuabneeg kws raug luas nteg moog rua lwm tebchaws hab tau rov lug ntawd zoo sab ua lawv le cov lug kws tau has ntawd, yog le ntawd, tug povthawj Exalas txhaj tsaa cov txivneej kws yog thawjcoj ntawm txhua cuab kwvtij hab sau puab tej npe. Ces lub kaum hli ntuj nub xab ib, puab txhaj pib tshuaj saib suavdlawg tej npe.

¹⁷Hab lub ib hlis ntuj nub xab ib, puab maam tu tej plaub ntug kws cov txivneej moog yuav lwm tsaav tuabneeg cov ntxhais lug ua quaspuj ntawd tav.

¹⁸Ntawm nuav moog yog teev cov txivneej kws yuav lwm tsaav tuabneeg cov ntxhais lug ua quaspuj tej npe: Cov povthawj caajceg muaj npe lawv le nraag nuav: Yesuas hab nwg cov kwvtij kws yog Yauxadas tsev tuabneeg: Ma-axeyas, Eli-exes, Yalis hab Nkedaliyas.

¹⁹Puab tau coglug xaa puab cov quaspuj rov qaab hab puab muab ib tug laug yaaj lug tua dlaws puab tej kev txhum.

²⁰Elemes cuab kwvtij yog: Hananis hab Xenpadiyas.

²¹Halees cuab kwvtij yog: Ma-axeyas, Eliyas, Semayas, Yehiyees hab Uxiyas.

²²Pahules cuab kwvtij yog: Eli-aunais, Ma-axeyas, Isamayees, Nethanees, Yauxanpas hab Elas

²³Cov Levis yog: Yauxanpas, Sime-is, Kelayas (kws muaj dlua ib lub npe hu ua Kelitas), Pethahiyas, Yudas hab Eli-exes.

²⁴Cov ntaus suab nkauj yog: Eli-asis Cov zuv lub Tuamtsev yog: Salumes, Telees hab Ulis.

²⁵Dlua le lwm paab: Palauses cuab kwvtij yog: Lamiyas, Ixiyas, Makhiyas, Miyamees, Ele-axas, Makhiyas hab Npeenayas.

²⁶Elames cuab kwvtij yog: Mataniyas, Xakhaliyas, Yehiyees, Adis, Yelemaus hab Eliyas.

²⁷Xatus cuab kwvtij yog: Ele-aunais, Eli-asis, Mataniyas, Yelemaus, Xanpas hab Axixas.

²⁸Npenpais cuab kwvtij yog: Yehauhanaas, Hananiyas, Xanpais hab Athalais.

²⁹Npanis cuab kwvtij yog: Mesulas, Malus, Adayas, Yasus, Se-as hab Yelemaus.

³⁰Pahas Mau-am cuab kwvtij yog: Adenas, Khelas, Npenayas, Ma-axeyas, Mataniyas, Npexalees, Npeenau-is, hab Manaxes.

³¹Halees cuab kwvtij yog: Eli-exes, Isiyas, Makhiyas, Semayas, Sime-oos, Npeenyamees, Malus hab Semaliyas.

³³Hasus cuab kwvtij yog: Matenais, Mathatas, Xanpas, Elifeles, Yelemais, Manaxes hab Sime-is.

³⁴Npanis cuab kwvtij yog: Ma-adais, Alas, Uyees, Npenayas, Npedeyas, Kheluhis, Vaniyas, Melemaus, Eli-asis, Mataniyas, Matenais hab Yaxus.

³⁸Npeenu-is cuab kwvtij yog: Sime-is, Selemiyas, Nathaas, Adayas, Manadanpais, Sasais, Salais, Axalees, Selemiyas, Semaliyas, Salumes, Amaliyas hab Yauxej.

⁴³Nenpus cuab kwvtij yog: Ye-iyees, Matithiyas, Xanpas, Xenpinas, Yadais, Yau-ees hab Npenayas.

⁴⁴Taagnrho cov txivneej kws has lug nuav, puavleej yuav lwm tsaav tuabneeg cov ntxhais lug ua quaspuj. Puab muab cov quaspuj hab cov mivnyuas xaa huv tuabsi rov qaab moog lawm.