Read Hmong Njua Exalas 2 Bible Online

Exalas 2 - Hmong Njua bible

Exalas 2

¹Coob leej ntau tug kws raug nteg moog, tau rov qaab huv lub xeev Npanpiloos lug rua huv lub nroog Yeluxalees hab huv tebchaws Yudas. Puab nyag txhaj rov lug nyob rua huv nyag tej qub zej qub zog. Puab tej tsev tuabneeg puavleej raug nteg moog ua tuabneeg poob tebchaws nyob rua tim tebchaws Npanpiloos txij le thaus kws Fuabtais Nenpukajnexales tuaj nteg puab moog rau txim lawm.

²Puab cov thawjcoj yog: Xelunpanpees, Yesuas, Nehemis, Xelayas, Leelayas, Maudekhais, Npeesas, Mixepales, Npinkavais, Lehumes hab Npa-anas. Ntawm nuav moog yog teev cov Yixalayees tej cuab kwvtij kws raug luas nteg coj moog hab tau rov lug:

³Cuab Palauses muaj ob txheeb ib puas xyaa caum ob leeg Cuab Sefatiyas muaj peb puas xyaa caum ob leeg Cuab Alaas muaj xyaa pua xyaa caum tsib leeg Cuab Pahas Mau-am (kws yog Yesuas hab Yau-am cov xeebntxwv), muaj ob txheeb yim pua kaum ob leeg Cuab Elames muaj ib txheeb ob puas tsib caug plaub leeg Cuab Xatus muaj cuaj pua plaub caug tsib leeg Cuab Xakais muaj xyaa pua rau caum leej Cuab Npanis muaj rau pua plaub caug ob leeg Cuab Npenpais muaj rau pua neeg nkaum peb leeg Cuab Ankas muaj ib txheeb ob puas neeg nkaum ob leeg Cuab Adaunikas muaj rau pua rau caum rau leej Cuab Npivais muaj ob txheeb tsib caug rau leej Cuab Adines muaj plaub puas tsib caug plaub leeg Cuab Ates (kws hu ua Hexekiyas) muaj cuaj caum yim leej Cuab Npexais muaj peb puas neeg nkaum peb leeg Cuab Yaulaas muaj ib puas kaum ob leeg Cuab Hasus muaj ob puas neeg nkaum peb leeg Cuab Nkinpas muaj cuaj caum tsib leeg

²¹Cov tuabneeg kws thaus u puab cov yawmkoob nyob huv tej nroog nraag nuav puavleej rov lug huv tuabsi hab: 1 Nroog Npelehees muaj ib puas neeg nkaum peb leeg nroog Netaufas muaj tsib caug rau leej nroog Anathaus muaj ib puas neeg nkaum yim leej nroog Amaves muaj plaub caug ob leeg nroog Kili-as Ye-alees, Khefilas hab nroog Npeelaus muaj xyaa pua plaub caug peb leeg nroog Lamas hab Nkenpas muaj rau pua neeg nkaum ib leeg nroog Mekhamas muaj ib puas neeg nkaum ob leeg nroog Npethees hab A-is muaj ob puas neeg nkaum peb leeg nroog Nenpaus muaj tsib caug ob leeg nroog Mankanpis muaj ib puas tsib caug rau leej dlua lwm tug Elames muaj ib txheeb ob puas tsib caug plaub leeg nroog Halees muaj peb puas neeg nkaum leej nroog Laudis, Hadis hab Aunaus muaj xyaa pua neeg nkaum tsib leeg nroog Yelikaus muaj peb puas plaub caug tsib leeg nroog Xenas muaj peb txheeb rau pua peb caug leej

³⁶Ntawm nuav moog yog tej cuab kwvtij ntawm cov povthawj kws raug luas nteg moog hab tau rov lug: 1 Cuab Yedayas (kws yog Yesuas cov xeebntxwv) muaj cuaj pua xyaa caum peb leeg Cuab Emeles muaj ib txheeb tsib caug ob leeg Cuab Pasehus muaj ib txheeb ob puas plaub caug xyaa leej Cuab Halees muaj ib txheeb kaum xyaa leej

⁴⁰Cov Levis kws raug luas nteg moog hab tau rov lug: 1 Yesuas hab Kamiyees (kws yog Haudaviyas cov xeebntxwv) muaj xyaa caum plaub leeg Cov kws ntaus suab nkauj huv lub Tuamtsev (kws yog Axafes cov xeebntxwv) muaj ib puas neeg nkaum yim leej Cov kws zuv lub Tuamtsev (kws yog Salumes, Ates, Tamoos, Akus, Hatitas hab Sunpais cov xeebntxwv) muaj ib puas peb caug cuaj leeg

⁴³Cuab kwvtij kws ua num huv lub Tuamtsev kws raug luas nteg moog hab tau rov qaab lug: 1 Xihas, Haxufas, Tanpa-aus Kelus, Xi-as, Padoos Lenpanas, Hankanpas, Akus, Hankas, Saalais, Hanas, Nkidees, Nkahas, Le-ayas, Lexees, Nekaudas, Nkaxas, Uxas, Paxe-as, Npexais, Anas, Me-unis, Nefusexis, Npanpus, Hakufas, Hahus, Npalus, Mehidas, Hasas, Npalekus, Xixelas, Temas, Nexiyas hab Hatifas.

⁵⁵Tej cuab kwvtij kws yog Xalumoos cov tubkhai kws raug luas nteg moog hab tau rov qaab lug: 1 Xautais, Haxaufeles, Peludas, Yalas, Dankoos, Nkidees, Sefatiyas, Hatis, Paukheles, Haxenpais hab Amis.

⁵⁸Xaam taagnrho cov tuabneeg kws ua num huv lub Tuamtsev hab Xalumoos cov tubkhai cov xeebntxwv kws raug luas nteg coj moog hab tau rov qaab lug muaj peb puas cuaj caum ob leeg.

⁵⁹Cuab kwvtij kws yog Delayas, Taunpias hab Nekaudas kws rov qaab huv lub nroog Teles Melas, Teles Hasas, Khelus, Adas hab Imeles lug muaj rau pua tsib caug ob leeg; tabsis puab tsi muaj ib yaam ua puavpheej qha tau has tas, puab caajceg yog tsaav tuabneeg Yixalayees tag.

⁶¹Peb cuab kwvtij kws yog cov povthawj kws taug tsi tau puab cov yawmkoob lawm yog Hanpayas, Hakaus hab Npaxilais. (Caajceg cov povthawj Npaxilais yawmkoob tau moog yuav Npaxilais kws nyob huv cheebtsaam Nkile-as tug ntxhais lug ua quaspuj, ces txawm tis npe lawv le nwg yawmtxiv lub xeem lawm xwb.) Txij le thaus kws taug tsi tau has tas, puab cov yawmkoob yog leejtwg lawm, txhaj tsi xaiv puab lug ua povthawj le lawm.

⁶³Cov Yudas tug tswv xeev has rua puab kuas puab tsi xob noj tej zaub mov kws muab fij rua Vaajtswv moog txug thaus puab muaj ib tug lug ua povthawj kws siv tau lub Ulees hab lub Thumees tsaiv. 1

⁶⁴Xaam taagnrho cov tuabneeg kws raug luas nteg moog hab tau rov qaab lug muaj plaub caug ob txheeb peb puas rau caum leej. Taagnrho puab cov tubqhe tsi has quaspuj hab txivneej muaj xyaa txheeb peb puas peb caug xyaa leej. Cov txivneej hab cov quaspuj kws ntaus suab nkauj muaj ob puas leej. Neeg muaj xyaa pua peb caug rau tug, Neeg zaag muaj ob puas plaub caug tsib tug Ntxhuav muaj plaub puas peb caug tsib tug Neeg luav muaj rau txheeb xyaa pua neeg nkaum tug.

⁶⁸Thaus cov tuabneeg kws raug luas nteg moog ntawd rov qaab lug txug rua ntawm tug TSWV lub Tuamtsev huv lub nroog Yeluxalees, muaj qee leej thawjcoj ntawm tej cuab kwvtij tau muab tej khoom tuaj fij ntawm lub sab dlawb paug coj moog paab txhim khu lub Tuamtsev dlua tshab kuas zoo le lub qub thaus u.

⁶⁹Puab muab ntau npaum le kws puab muaj coj moog ua teg num nuav, hab xaam taagnrho tej kws puab muab tuaj ntawd tau ib txheeb peb caug choj kub, tsib txheeb xyaa pua plaub caug choj nyaj hab ib puas lub tsho ntev rua cov povthawj.

⁷⁰Cov povthawj, cov Levis hab cov pejxeem qee leej tau moog nyob rua huv lossis nyob ze lub nroog Yeluxalees. Cov kws ntaus suab nkauj, cov zuv lub Tuamtsev hab cov kws ua num huv lub Tuamtsev, moog nyob rua huv puab tej nroog; hab dlua le cov Yixalayees kws seem puavleej moog nyob taagnrho rua huv tej nroog kws yaav thaus u puab cov yawmkoob nyob lug lawm.