Read Hmong Njua Exalas 8 Bible Online

Exalas 8 - Hmong Njua bible

Exalas 8

¹Ntawm nuav moog yog cov thawjcoj ntawm tej cuab kwvtij ntawm cov xeem kws raug luas nteg moog rua tim tebchaws Npanpiloos hab cov tau nrug Exalas rov lug rua huv Yeluxalees thaus kws Ataxawxes ua fuabtais kaav tebchaws:

²Nkesoos yog Finehas cuab kwvtij Daniyees yog Ithamas cuab kwvtij Sekaniyas tug tub Hatus yog Daviv cuab kwvtij Xakhaliyas yog Palauses cuab kwvtij, nrug rua ib puas tsib caug leej txivneej ntawm nwg cuab kwvtij (puab puavleej sau npe lawv le puab caajceg tsev tuabneeg) Xakhaliyas tug tub Elehaunais yog Pahas Mau-am cuab kwvtij, nrug rua ob puas leej txivneej Yahaxiyees tug tub Sekaniyas yog Xatus cuab kwvtij, nrug rua peb puas leej txivneej. Yaunathaas tug tub Enpes yog Adines cuab kwvtij, nrug rua tsib caug leej txivneej. Athaliyas tug tub Yesaiyas yog Elames cuab kwvtij, nrug rua xyaa caum leej txivneej. Mikhayees tug tub Xenpadiyas yog Sefatiyas cuab kwvtij, nrug rua yim caum leej txivneej. Yehiyees tug tub Aunpadiyas yog Yau-am cuab kwvtij, nrug rua ob puas kaum yim leej txivneej Yusifiyas tug tub Selaumis yog Npanis cuab kwvtij, nrug rua ib puas rau caum leej txivneej(...)

¹⁵Kuv hu taagnrho txhua paab tuaj sis sau rua ntawm tug kwj dleg kws ndlwg moog rua huv lub nroog Ahavas, hab peb tsuam chaw su rua ntawm tau peb nub. Kuv nrhav saib puas muaj cov povthawj nyob rua huv tej paab ntawd, tabsis tsi pum muaj ib tug twg yog Levis le.

¹⁶Kuv txhaj khaiv tuabneeg moog hu cuaj tug thawjcoj kws muaj npe le nuav tuaj: Eli-exes, Aliyees, Semayas, Enathaas, Yalis, Enathaas, Nathaas, Xakhaliyas hab Mesulas, hab hu ob tug xwbfwb kws yog Yauyalis hab Enathaas nrug puab tuaj.

¹⁷Kuv txhaj khaiv puab moog cuag Idaus kws yog tug thawjcoj pawg tuabneeg kws nyob ntawm thaaj chaw Kaxifi-as, kuv muab lug rua puab moog has rua nwg, nwg cov phoojywg hab cov tu lub Tuamtsev kuas tso tuabneeg tuaj nrug peb moog tu peb tug Vaajtswv lub Tuamtsev.

¹⁸Vim Vaajtswv txujkev hlub, puab txhaj tso Silenpiyas kws yog ib tug muaj peevxwm heev tuaj rua peb; nwg yog xeem Levis kws yog Malis cuab kwvtij, hab nwg coj kaum yim leej kws yog nwg cov tub hab nwg cov kwvtij nrug nwg tuaj.

¹⁹Puab tseem tso Hasanpiyas hab Yesayas kws yog Melalis xeebntxwv, nrug rua obtug cov kwvtij neeg nkaum leej lug rua peb hab.

²⁰Dlua le ntawd, tseem tso ob puas neeg nkaum leej kws yeej ua num huv lub Tuamtsev, yog cov kws thaus vaajntxwv Daviv hab nwg cov numtswv tau tsaa puab cov yawmkoob lug paab cov Levis lawm. Taagnrho puab cov nuav puavleej teev npe huv tuabsi ca.

²¹Thaus peb tseem nyob huv tug kwj dleg Ahavas kuv tau has kuas peb suavdlawg ua kevcai yoo mov hab txu fwjchim taabmeeg peb tug Vaajtswv hab thov kuas nwg coj peb taug kev hab tsomkwm peb hab peb tej mivnyuas hab taagnrho peb tej khoom.

²²Kuv txaajmuag moog tsaa ncauj thov fuabtais kuas tso nwg cov tubrog caij neeg nrug peb moog ua cov tiv thaiv tej yeebncuab thaus peb taug kev, rua qhov kuv tub has rua nwg lawm has tas, peb tug Vaajtswv yeej foom koob moov rua txhua tug kws ca sab rua nwg, tabsis nwg tsi txaus sab hab rau txim rua cov tuabneeg kws tso nwg tseg lawm.

²³Yog le ntawd, peb txhaj le yoo mov hab thov Vaajtswv ua tug tsomkwm peb, hab nwg tau teb peb tej lug thov.

²⁴Kuv txhaj xaiv cov povthawj kaum ob leeg ua cov thawjcoj: Selenpiyas, Hasanpiyas hab kaum leej.

²⁵Ces kuv txhaj muab tej nyaj tej kub, hab tej taig kws fuabtais hab nwg cov tuavxaam, cov numtswv, hab cov Yixalayees muab coj lug siv rua huv lub Tuamtsev ntawd lug luj, hab muab cob rua cov povthawj.

²⁶Tej nuav yog tej kws kuv muab cob rua puab: 1 Nyaj yog neeg nkaum tsib taas Taig nyaj ib puas lub, nyaav ib puas tsib caug choj Kub nyaav xyaa txheeb tsib puas choj Neeg nkaum lub taig kub nyaav kaum cuaj choj Ob lub taig tooj zoo nkauj heev muaj nqes ib yaam le cov taig kub ntaag.

²⁸Kuv has rua puab tas, “Mej yog cov tuabneeg dlawbhuv rua tug TSWV kws yog mej cov yawmkoob tug Vaajtswv; yog le ntawd, mej ca le txaus sab hlo muab tej nyaj hab cov taig kub coj moog fij rua tug TSWV.

²⁹Mej yuavtsum saib tej khoom nuav kuas zoo moog txug thaus kws mej coj moog rua huv lub Tuamtsev lawm. Ces thaus mej nqaa moog rua huv tej chaav kws cov povthawj nyob, mej rov muab luj dlua ib zag rua puab saib hab muab cob rua cov thawjcoj ntawm cov povthawj, cov Levis hab cov thawjcoj ntawm cov Yixalayees huv lub nroog Yeluxalees.”

³⁰Yog le ntawd, cov povthawj hab cov Levis txhaj le ua cov saib tej nyaj, tej kub hab tej taig ntawd, hab coj moog rua huv lub Tuamtsev huv lub nroog Yeluxalees lawm.

³¹Lub ib hlis, nub kaum ob, peb sawv kev ntawm tug kwj dleg Ahavas rov lug rua huv lub nroog Yeluxalees. Peb tug Vaajtswv nrug nraim peb hab tsomkwm peb tsi pub peb raug tej yeebncuab tua hab peb tsi raug tej xwmtxheej phem thaus peb taug kev.

³²Thaus peb lug txug rua huv lub nroog Yeluxalees lawm, peb txhaj su tau peb nub.

³³Ces nub plaub peb maam le moog huv lub Tuamtsev, hab muab tej nyaj tej kub, hab tej taig luj cob rua Uliyas tug tub Melemaus kws yog tug povthawj, muaj Ele-exas kws yog Finehas tug tub hab ob tug Levis, Yauxanpas tug tub Yesuas hab Nu-adiyas tug tub Npinu-is nrug nwg nyob ntawd.

³⁴Lub sijhawm ntawd puab txhaj muab txhua yaam lug suav hab luj, hab muab sau rua huv ntawv khaws ca.

³⁵Cov tuabneeg kws raug nteg moog rua lwm tebchaws hab tau rov lug ntawd, coj tsaj tuaj tua hlawv fij rua cov Yixalayees tug Vaajtswv. Puab fij kaum ob tug txiv nyuj rua taagnrho cov Yixalayees, cuaj caum rau tug thaav yaaj, xyaa caum xyaa tug laug yaaj, hab muab kaum ob tug laug tshis lug tua dlaws txim. Taagnrho cov tsaj nuav puavleej muab hlawv ua khoom fij rua tug TSWV.

³⁶Puab txhaj muab dlaim ntawv tso cai kws fuabtais muab rua puab, coj moog cob rua tug tswv xeev hab cov numtswv kws nyob huv lub xeev ntawm tug Dlej Efalates saab nubpoob. Puab cov ntawd txhaj paab peb cov Yixalayees hab paab lub Tuamtsev kws pehawm tug TSWV.