Read Hmong Njua Nehemis 7 Bible Online

Nehemis 7 - Hmong Njua bible

Nehemis 7

¹Nwgnuav tug ntsaa yeej tub ua tav taag lawm, tej roojvaag los kuj dlhos taag txhua lub, hab yeej cob num taag rua cov tuabneeg kws zuv lub Tuamtsev, cov hu nkauj hab cov Levis huv tuabsi lawm.

²Kuv tsaa kuv tug tijlaug Hananis hab Hananiyas kws yog tug thawj tubrog luj kws saib tej chaw faajxwm, ua ob tug kws saib lub nroog Yeluxalees. Hananiyas yog ib tug kws ncaaj nceeg hab fwm Vaajtswv dlua lwm tug huv tuabsi.

³Kuv has kuas obtug tsi xob qheb tej roojvaag nroog Yeluxalees moog txug thaus nub tuaj, hab kaw rua thaus kws tseem muaj tuabneeg zuv hab ua ntej lub nub tsi tau poob, hab muab tej ntsa laag roojvaag lug laag rua. Hab kuv has rua puab kuas tsaa cov tuabneeg kws nyob huv lub nroog Yeluxalees lug ua cov zuv roojvaag hab faib num rua puab cov ntawd qee leej ua cov tshuajxwm ncig moog lug saib puab tej vaaj tse.

⁴Yeluxalees yog ib lub nroog kws luj heev, tabsis tsi muaj tuabneeg nyob coob hab tsi muaj tuabneeg ua tsev ntau rua huv.

⁵Vaajtswv txhaj tshoov kuv sab, kuas kuv hu taagnrho cov pejxeem hab puab cov thawjcoj hab cov numtswv tuaj sis txoos ua ke hab tshawb nrhav puab txhua yim tuabneeg tej ntaub ntawv. Kuv txhaj nrhav tau phoo ntawv kws teev cov tuabneeg kws xub raug tso rov lug tej npe, hab muaj lawv le nraag nuav:

⁶Coob leej kws raug luas nteg moog hab tau rov huv lub xeev Npanpiloos lug rua huv lub nroog Yeluxalees hab lub xeev Yudas, nyag txhaj rov moog rua huv nyag tej qub zej qub zog. Puab tej tsev tuabneeg tau moog nyob huv lub xeev Npanpiloos txij thaus kws Vaajntxwv Nenpukajnexales tau nteg puab coj moog lawm.

⁷Puab cov thawjcoj yog Xelunpanpees, Yesuas, Nehemis, Axaliyas, La-amaiyas, Nahamanis, Maudekhais, Npeesas, Mipeles, Npivais, Nehoos hab Npa-anas.

⁸Ntawm nuav moog yog sau cov Yixalayees tej tsev tuabneeg hab txhua cuab kwvtij kws raug luas nteg moog hab tau rov lug muaj npe lawv le nraag nuav: 1 Palauses cuab kwvtij muaj ob txheeb ib puas xyaa caum ob leeg Sefatiyas cuab kwvtij muaj peb puas xyaa caum ob leeg Alaas cuab kwvtij muaj rau pua tsib caug ob leeg Pahas Mau-am (kws yog Yesuas hab Yau-am obtug cov xeebntxwv) cuab kwvtij muaj ob txheeb yim pua kaum yim leej, Elames cuab kwvtij muaj ib txheeb ob puas tsib caug plaub leeg Xatus cuab kwvtij muaj yim pua plaub caug tsib leeg Xakais cuab kwvtij muaj xyaa pua rau caum leej Npeenau-is cuab kwvtij muaj rau pua plaub caug yim leej Npenpais cuab kwvtij muaj rau pua neeg nkaum yim leej Ankas cuab kwvtij muaj ob txheeb peb puas neeg nkaum ob leeg Adaunikas cuab kwvtij muaj rau pua rau caum xyaa leej Npivais cuab kwvtij muaj ob txheeb rau caum xyaa leej Adees cuab kwvtij muaj rau pua tsib caug tsib leeg Ates (kws muaj dlua ib lub n(...)

²⁶Cov tuabneeg kws thaus u puab cov yawmkoob nyob huv tej zog nuav muaj npe le nraag nuav kws tau rov lug: 1 Npelehees hab Netaufas muaj ib puas yim caum yim leej Anathaus muaj ib puas neeg nkaum yim leej Npethes Axemaves muaj plaub caug ob leeg Kili-as Ye-alees, Khefilas hab Npeelus muaj xyaa pua plaub caug peb leeg Lamas hab Nkenpas muaj rau pua neeg nkaum ib leeg Mikhemas muaj ib puas neeg nkaum ob leeg Npethees hab A-is muaj ib puas neeg nkaum peb leeg Dlua lwm tug Nenpaus muaj tsib caug ob leeg Dlua lwm tug Elames muaj ib txheeb ob puas tsib caug plaub leeg Halees muaj peb puas neeg nkaum leej Yelikaus muaj peb puas plaub caug tsib leeg Laudes, Hadis hab Aunaus muaj xyaa pua neeg nkaum ib leeg Sena-aas muaj peb txheeb cuaj pua peb caug leej.

³⁹Ntawm nuav moog yog teev cov xeem kws yog cov povthawj kws raug nteg moog hab tau rov lug: Yedayas (kws yog Yesuas cov xeebntxwv) cuab kwvtij muaj cuaj pua xyaa caum peb leeg Imeles cuab kwvtij muaj ib txheeb tsib caug ob leeg Pasus cuab kwvtij muaj ib txheeb ob puas plaub caug xyaa leej Halees cuab kwvtij muaj ib txheeb kaum xyaa leej.

⁴³Levis cuab kwvtij kws raug nteg moog hab tau rov lug muaj lawv le nraag nuav: Yesuas hab Kamiyees (kws yog Haudaviyas cov xeebntxwv) muaj xyaa caum plaub leeg Cov hu nkauj huv lub Tuamtsev (kws yog Axafes cov xeebntxwv) muaj ib puas plaub caug yim leej Cov zuv lub Tuamtsev (kws yog Salumes, Ates, Tamoos, Akus, hab Sunpais puab cov xeebntxwv) muaj ib puas peb caug yim leej.

⁴⁶Tej cuab kws ua num huv lub Tuamtsev kws raug nteg moog hab tau rov lug muaj lawv le nuav: Xihas, Hasufas, Tanpa-aus, Kelus, Xiyas, Padoos, Lenpanas, Hankanpas, Samais, Hanaas, Nkidees, Nkahas, Le-ayas, Lexees, Nekudas, Nkaxas, Uxas, Paxe-as, Npexais, Me-unis, Nefusexis, Npakus, Hakufas, Halihus, Npalis, Mehidas, Halisas, Npalekaus, Xixelas, Temas, Nexiyas hab Hatifas.

⁵⁶Tej cuab kws yog Xalumoos cov tubkhai kws raug nteg moog hab tau rov lug muaj lawv le nuav: Xautais, Xaufeles, Pelidas, Yalas, Dankoos, Nkidees, Sefatiyas, Hatis, Paukheles, Haxenpais, hab Amoos.

⁶⁰Taagnrho cov tuabneeg kws ua num huv lub Tuamtsev hab Xalumoos cov tubkhai cov xeebntxwv kws tau rov lug muaj peb puas cuaj caum ob leeg.

⁶¹Delayas, Taunpiyas, Nekaudas hab puab tej cuab kwvtij kws tau rov peg lub nroog Teles Melas, Teles Hasas, Khelus, Adoos hab Imeles lug, muaj rau pua plaub caug ob leeg; tabsis puab tsi paub has tas, puab puas yog Yixalayees cov xeebntxwv los tsi yog.

⁶³Cov povthawj tej cuab kwvtij nrhav tsi tau tej ntaub ntawv qha has tas, puab yawmkoob yog caajceg twg lawm. Puab cov ntawd muaj lawv le nuav: Hunpayas, Hakaus hab Npaxilais. (Tug povthawj Npaxilais yawmkoob moog yuav ib tug quaspuj ntawm cuab kwvtij Npaxilais huv cheebtsaam Nkile-as, hab ca le moog kaav xeem yuav nwg yawmtxiv lub xeem lawm.) Txij thaus ntawd lug puab tsi muaj ib yaam puavpheej dlaabtsi lug qha has tas, puab cov yawmkoob yog caajceg twg tag, txhaj tsi xaiv puab lug ua cov povthawj le lawm.

⁶⁵Cov Yudas tug tswv xeev has rua puab paab ntawd tas, puab yuav noj tsi tau tej zaub mov kws tub muab fij rua Vaajtswv lawm, moog txug thaus kws muaj ib tug povthawj moog siv tau lub Ulees hab lub Thumees tsaiv.

⁶⁶Taagnrho cov tuabneeg kws raug luas nteg moog hab tau rov lug yog muaj plaub caug ob txheeb peb puas rau caum leej. 1 Puab cov tubkhai kws yog quaspuj hab txivneej muaj xyaa txheeb peb puas peb caug xyaa leej Cov hu nkauj taagnrho quaspuj hab txivneej muaj ob puas plaub caug tsib leeg Neeg muaj xyaa pua peb caug rau tug Neeg zaag muaj ob puas plaub caug tsib tug Ntxhuav muaj plaub puas peb caug tsib tug Neeg luav muaj rau txheeb xyaa pua neeg nkaum tug.

⁷⁰Muaj qee leej thawjcoj ntawm tej cuab kwvtij tau muab khoom tuaj paab txhim khu lub Tuamtsev. Tug tswv xeev muab tau kaum cuaj choj kub, tsib caug lub rhawv nyaj, tsib puas peb caug lub tsho ntev rua cov povthawj, coj tuaj tso rua huv lub txhaab nyaj.

⁷¹Muaj qee leej thawjcoj ntawm tej cuab kwvtij tau muab peb puas peb caug xyaa choj kub, hab peb txheeb ob puas kaum tsib choj nyaj, coj tuaj tso rua huv lub txhaab nyaj.

⁷²Hab cov pejxeem muab tau peb puas peb caug xyaa choj kub, ob txheeb cuaj pua neeg nkaum peb choj nyaj, hab rau caum xyaa lub tsho ntev rua cov povthawj coj tuaj tso rua huv lub txhaab nyaj.

⁷³Cov Povthawj, cov Levis hab cov kws zuv lub Tuamtsev, cov hu nkauj, hab cov pejxeem, cov tuabneeg ua num huv lub Tuamtsev hab taagnrho cov Yixalayees, puab nyag moog nyob rua huv nyag tej zog hab tej nroog huv xeev Yudas.