Read Hmong Njua Yauj 26 Bible Online

Yauj 26 - Hmong Njua bible

Yauj 26

¹Yauj teb has tas, “Ua le caag koj yuav siv zug paab kuv ua luaj! Ua le caag koj paab tug tuabneeg kws tsi muaj zug!

³Koj paab tuav tswvyim zoo kawg hab qha koj tej kev txawj ntse rua tug tuabneeg ruag le kuv nuav!

⁴Koj xaav has tas, leejtwg txhaj yuav noog koj tej lug? Leejtwg tshoov koj lub sab kuas has tej lug nuav?”

⁵“Cov tuabneeg tuag tej ntsujplig tshee ndluas txag huv cov dlej kws nyob huv nruab tivtxwv.

⁶Tubtuag teb qheb lug taabmeeg Vaajtswv; tsi muaj dlaabtsi thaiv tau tsi pub Vaajtswv pum le.

⁷Vaajtswv nthuav lub ntuj moog rua saab qaumteb hab muab lub nplajteb tso rua ntawm qhov chaw kws tsi muaj dlaabtsi.

⁸Vaajtswv ua kuas muaj dlej nyob huv cov fuab, hab tsi pub kuas cov dlej ntawd xaw huv cov fuab lug.

⁹Vaajtswv ca tej tauv fuab lug roog thaus lub hli nraa.

¹⁰Nwg kom nrim rua sau nplaim havtxwv, ua nrim cais qhov kaaj tawm ntawm qhov tsaus.

¹¹Thaus Vaajtswv dlaj tej ncej kws txheem lub ntuj, lub ntuj ua zug koog txaus ntshai kawg.

¹²Vaajtswv lub fwjchim tswj havtxwv nyob tug yeeg; hab nwg txujkev txawj ntse rhuav tau Lahaj kws yog tug Zaaj.

¹³Vaajtswv ua paa lub ntuj txhaj kaaj nrig, hab nwg txhais teg moog tua tau tug tsaj zaaj kws tsiv dlim lawm.

¹⁴Tabsis tej ntawd tsuas yog Vaajtswv lub fwjchim, hab yog tej kws peb nov zoo le lub suab ntxhi xwb. Puas muaj leejtwg paub has tas, Vaajtswv muaj fwjchim npaum le caag?”