Read Hmong Njua Yauj 8 Bible Online

Yauj 8 - Hmong Njua bible

Yauj 8

¹Npiledas kws yog tuabneeg Suhas teb has tas, “Koj yuav has koj tej lug kws zoo le cua ntsawj moog txug thaus twg?

³Vaajtswv yeej tsi rhuav kev ncaaj nceeg; nwg yeej ua qhov tseeb xwb.

⁴Yeej yog koj tej mivnyuas tau ua txhum rua Vaajtswv lawm, yog le ntawd, Vaajtswv txhaj rau txim rua puab lawv le puab tsimnyog raug.

⁵Tabsis nwgnuav koj ca le tig rov lug cuag Vaajtswv tug kws muaj fwjchim luj kawg nkaus hab ua kuas hum nwg sab;

⁶yog koj yeej ua ncaaj hab tsi muaj txhum, Vaajtswv yeej yuav paab koj hab rov pub kuas koj lub cuab lub yig vaammeej dlua.

⁷Koj tej kev npluanuj kws pluj taag lawm, pev tsi tau tej kws Vaajtswv yuav muab rua koj yaav tom ntej.

⁸“Koj tig moog saib tej kev txawj ntse tam thaus u; ua tuab zoo xaav txug tej kev tseeb kws peb cov yawmkoob muaj lug lawm.

⁹Peb txujsa tuab lu kawg le, peb tsi paub sov yuav zoo le caag; peb lub neej dlhau moog ib yaam le tug dluab ntxoov ntxoo kws lug roog lub nplajteb ib vuag.

¹⁰Tabsis ca tej tuabneeg txawj ntse tam thaus u qha koj; ca le noog tej lug kws puab qha has tas,

¹¹“Lojkov yeej tsi tuaj ntawm qhov chaw kws tsi muaj dlej; hab yeej tsi muaj lojkov nyob sau nruab nqhuab le.

¹²Yog dlej qhuav, ces lojkov yog cov kws xub tuag, thaus tseem mog kws tsi tau zoo txav lug siv.

¹³Tej tuabneeg kws tsi paub Vaajtswv, zoo ib yaam le tej lojkov ntawd; thaus twg puab tso Vaajtswv tseg, ces puab kev ca sab pluj moog taag.

¹⁴Puab ca sab rua kaab laug saab tej nyuas xuv ua zeg.

¹⁵Yog puab tso cev rua kaab laug saab lub zeg, puas yuav khov puab? Yog puab tuav tej xuv kaab laug saab ntawd puas yuav paab tau puab sawv ntsug?”

¹⁶Cov tuabneeg sab phem hlub mog nyoos ib yaam le tej nroj kws tau tshaav ntuj, hab zoo ib yaam le tej nroj kws fuam puv vaaj.

¹⁷Tej caag nrhau moog qhwv tej pobzeb hab zawm txhua lub pobzeb ruaj heev.

¹⁸Tabsis yog muab puab rhu tawm ntawm puab qhov chaw, tsi muaj leejtwg paub has tas puab nyob ntawd le.

¹⁹Tej ntawd yog cov tuabneeg sab phem tej kev zoo sab; nwgnuav yuav muaj lwm yaam lug hloov puab chaw.

²⁰Tabsis Vaajtswv yeej tsi tso tug kws muab sab npuab nwg tseg, lossis paab tug tuabneeg sab phem le.

²¹Vaajtswv yuav rov pub koj qw hab luag zoo sab dlua,

²²tabsis nwg yuav ua rua cov kws ntxub koj poob ntsejmuag, hab cov tuabneeg sab phem tej vaaj tse yuav puamtsuaj taag.