Read Hmong Njua Phoo Ntawv Nkauj 138 Bible Online

Phoo Ntawv Nkauj 138 - Hmong Njua bible

Phoo Ntawv Nkauj 138

¹Tug TSWV, kuv ua koj tsaug kawg sab kawg ntsws; kuv hu nkauj qhuas koj taabmeeg tej vaajtswv.

²Kuv tig xubndlag rua ntawm koj lub Tuamtsev kws dlawbhuv, kuv nyo hau hab qhuas koj lub npe, rua qhov koj txujkev hlub kws tsi paub kawg txujkev ncaaj nceeg, rua qhov koj qha koj lub npe hab koj txujlug kws muaj fwjchim rua peb.

³Thaus kuv hu koj, koj teb kuv tej lug thov; koj txhawb kuv tug zug kawg le.

⁴Tug TSWV, taagnrho tej vaajntxwv huv nplajteb nuav yuav qhuas koj, rua qhov puab tau nov koj tej lug cog tseg.

⁵Puab yuav hu nkauj qhuas tej kws koj tau ua hab koj tug tshwjchim kws ci ntsaa ab.

⁶Txawm yog koj nyob sau qhov chaw kws sab tshaaj plawg los koj hlub txug cov kws nyob qeg huv nplajteb nuav, hab cov tuabneeg khaavtheeb tsiv tsi dlim ntawm koj le.

⁷Thaus kev nyuaj sab nyob puagncig kuv koj paab kuv dlim. Koj tawmtsaam kuv cov yeebncuab hab koj lub fwjchim tso kuv dlim.

⁸Tug TSWV, koj yuav ua txhua yaam lawv le koj tau coglug tseg lawm; koj txujkev hlub nyob moog ibtxhis; thov koj tsi xob tso tej num kws koj pib ntawd tseg.