Read Hmong Njua Phoo Ntawv Nkauj 14 Bible Online

Phoo Ntawv Nkauj 14 - Hmong Njua bible

Phoo Ntawv Nkauj 14

¹Cov tuabneeg ruag pheej xaav has tas, “Yeej tsi muaj Vaajtswv le!” Puab txhua tug puavleej yog tuabneeg txhum, puab ua phem ua qas tsi muaj ib tug ua zoo le.

²Tug TSWV nyob sau ntuj saib ntsoov tuaj rua tuabneeg nplajteb, saib puas muaj leejtwg ua tuabneeg ntse hab pehawm nwg.

³Tabsis puab puavleej ua txhum, puab txhua tug yog tuabneeg ua phem. Puab cov ntawd tsi muaj ib tug ua zoo hlo le, tsi muaj ib tug le.

⁴Tug TSWV has tas, “Puab puas paub hab? Cov tuabneeg kws ua phem le nuav yog cov kws tsi quavntsej dlaabtsi le. Puab ua neej nyob nyag quas nrhw kuv tsaav tuabneeg tug noj, hab tsi ua kuv tsaug le.”

⁵Tabsis puab yuav ntshai heev, rua qhov Vaajtswv yeej nrug nraim cov tuabneeg kws noog nwg lug.

⁶Cov tuabneeg ua phem ua qas rhuav cov tuabneeg txu fwjchim tej homphaj, tabsis tug TSWV yog tug kws tsomkwm cov tuabneeg txu fwjchim.

⁷Kuv thov Vaajtswv kuas muaj kev muaj yeej tuaj huv lub nroog Xi-oos tuaj rua cov Yixalayees. Thaus tug TSWV pub rua cov Yixalayees rov vaammeej, thaus ntawd puab yuav zoo sab heev.