Read Hmong Njua Phoo Ntawv Nkauj 16 Bible Online

Phoo Ntawv Nkauj 16 - Hmong Njua bible

Phoo Ntawv Nkauj 16

¹Vaajtswv, thov koj tsomkwm kuv; kuv tso sab plhuav rua koj, rua qhov koj yog kuv lub chaw cawm sav.

²Kuv has rua tug TSWV has tas, “Koj txhaj yog kuv tug TSWV; txhua yaam zoo kws kuv muaj puavleej yog koj pub.”

³Cov tuabneeg kws muab lub sab npuab tug TSWV yog cov kws muaj koob meej, qhov kws zoo sab tshaaj plawg yog kuv tau nrug puab nyob ua ke.

⁴Cov tuabneeg kws pe lwm tug vaajtswv, mas yog puab lob kev txomnyem lug rua puab xwb. Kuv yuav tsi nrug puab muab khoom hlawv fij; kuv yuav tsi pe puab tej vaajtswv.

⁵Tug TSWV, koj yog txhua yaam kws kuv muaj, hab koj pub txhua yaam kws kuv xaav tau rua kuv; kuv lub neej yaav tom ntej nyob huv koj lub xibteg.

⁶Kuv xaav tsi thoob rua tej kws tug TSWV pub rua kuv; tej ntawd zoo kawg le.

⁷Kuv ua tug TSWV tsaug, rua qhov nwg coj kuv txuj hauv kev, hab mo ntuj los kuv lub sab pheej ntuag kuv tsi tseg.

⁸Kuv yeej ncu ntsoov has tas, tug TSWV nrug nraim kuv; yeej tsi muaj ib yaam ua rua kuv ntshai, rua qhov nwg nyob ze kuv.

⁹Yog le ntawd kuv txhaj zoo sab ua nwg tsaug, kuv tau nyob tso sab lug,

¹⁰rua qhov koj tiv thaiv kuv, tsi pub raug kev pluj tuag, lossis tsi ca tug kws muab lub sab npuab koj moog rua huv tubtuag teb.

¹¹Koj yuav qha txujkev kws moog tau txujsa rua kuv, koj nrug nraim kuv, ua rua kuv txaus sab hab zoo sab moog ibtxhis.