Read Hmong Njua Phoo Ntawv Nkauj 2 Bible Online

Phoo Ntawv Nkauj 2 - Hmong Njua bible

Phoo Ntawv Nkauj 2

¹Vim le caag txhua tsaav tuabneeg tuavhuv ntxeev sab? Vim le caag cov pejxeem tuav tswvyim ua tej kws tsi muaj qaabhau?

²Puab cov vaajntxwv los ntxeev sab, hab puab tej numtswv tuaj txoos ua ke tuav tswvyim tawmtsaam tug TSWV hab tawmtsaam tug vaajntxwv kws tug TSWV xaiv.

³Puab has tas, “Ca peb nyob ywj sab tsi xob ca obtug kaav peb; hab ca peb tsiv tawm ntawm obtug txujkev tswjfwm.”

⁴Tug TSWV nyob sau nwg lub zwmtxwv sau ntuj luag puab plig, hab thuam puab tej tswvyim kws tsi muaj qaabhau.

⁵Nwg ntuag puab npautawg vog hab nwg txujkev chim ua rua puab ceeb pis nkaus.

⁶Nwg has tas, “Kuv tsaa kuv tug vaajntxwv rua sau lub Roob Xi-oos kws yog kuv lub roob dlawbhuv lawm.”

⁷Tug vaajntxwv has tas, “Kuv yuav qha tej lug kws tug TSWV has tseg ca. Nwg has rua kuv tas, ‘Koj yog kuv tug tub; nub nua moog kuv yog koj txiv lawm.

⁸Ca le thov, kuv yuav muab txhua tsaav tuabneeg cob rua koj; taagnrho lub nplajteb nuav yuav yog koj tug.

⁹Koj yuav muab ib tug qws hlau lug kaav puab. Koj yuav ntaus puab tawg ntsoog ntxawg ib yaam le tej laujkaub aav.’ ”

¹⁰Mej cov kws yog vaajntxwv, mej ca le noog tej lug qhuab ntuag nuav, mej cov kws kaav lub nplajteb, mej ca le kawm zaaj nuav:

¹¹Ca le muab lub sab dlawb paug ua tug TSWV teg num hab paub ntshai nwg,

¹²ca le txu fwjchim hab txhus caug ndlua pe nwg, lossis yuav ca nwg chim rua mej hab ua kuas mej tuag taamsim. Txhua tug kws moog thov nwg ua tug tsomkwm txhaj yuav tau kev kaaj sab lug.