Read Hmong Njua Phoo Ntawv Nkauj 65 Bible Online

Phoo Ntawv Nkauj 65 - Hmong Njua bible

Phoo Ntawv Nkauj 65

¹Vaajtswv, yeej tsimnyog peb qhuas koj nyob huv lub nroog Xi-oos hab ua lawv le peb tub tau coglug tseg rua koj,

²rua qhov koj teb peb tej lug thov lawm. Tej tuabneeg kws nyob txhua qhov yuav lug cuag koj,

³vim puab xaav txug puab tej kev txhum. Peb kov tsi yeej peb tej kev txhum lawm.

⁴Cov tuabneeg kws koj xaiv tseg yuav zoo sab heev, puab yog cov kws koj coj lug nyob rua huv lub tsev kws tuabneeg tuaj pehawm koj. Peb yuav txaus sab rua txhua yaam zoo kws nyob huv koj lub tsev, tej koob moov nuav tub yog koj lub Tuamtsev kws dlawbhuv ntaag.

⁵Qhov kws koj paab peb kovyeej lawm tub yog koj teb peb tej lug thov ntaag, hab koj tej txujci kws zoo kawg nkaus tau cawm peb dlim. Tej tuabneeg kws nyob thoob nplajteb hab nyob saab havtxwv tim u puavleej ca sab rua koj xwb.

⁶Koj tug zug tsaa tej roob nyob muaj chaw, kuas suavdlawg pum koj lub fwjchim kws luj kawg nkaus.

⁷Koj ua rua havtxwv lub suab kws nrov nroo ntwg nyob ntsag tu; hab ua rua tej dlej kws ndlaas nrov qeeg nkawg nyob tug yeeg, koj ua rua tuabneeg lub suab qw nrov ntshu nrooj ntsag moog.

⁸Tej tuabneeg kws nyob thoob qaab ntuj puavleej ntshai hab fwm koj, thaus puab pum tej txujci tseemceeb kws koj tau ua taag lug lawm. Koj teg num ua rua suavdlawg zoo sab qw saab ntuj tim nuav moog rua saab ntuj kawg tim u.

⁹Koj tso naag lug ywg thaaj aav kws koj tsomkwm, koj ua rua thaaj aav ntawd rog hab muaj chiv. Koj ua rua dlej ndlwg puv nkaus tej kwj dleg, koj pub muaj qoobloo puv nkaus huv nplajteb nuav. Tej nuav yog koj ua ntaag,

¹⁰Koj tso tuamtsaam naag lug ywg tej laj kws laij ca hab ua rua tej nraag laj ntxaum dlej thoob plawg, koj ua rua tej aav phom nphoob vim muaj naag ywg. hab ua rua tej yub qoob hlub mog nyoos.

¹¹Koj txuj koob moov ua rua tej qoobloo ntsu, koj moog txug qhov twg, qhov ntawd muaj nplua mag.

¹²Tej tshaav zaub muaj tsaj txhu nyob ua npoj ntwg, tej toj roob puv nkaus kev zoo sab.

¹³Tom tej nraag muaj yaaj nyob ua npoj ntwg, muaj nplej puv nkaus tej haav. Txhua yaam puavleej qw hab hu nkauj zoo sab.