Read Hmong Njua Phoo Ntawv Nkauj 87 Bible Online

Phoo Ntawv Nkauj 87 - Hmong Njua bible

Phoo Ntawv Nkauj 87

¹Tug TSWV tsim nwg lub nroog rua sau lub roob dlawbhuv;

²tug TSWV hlub lub nroog Yeluxalees tshaaj lwm thaaj chaw kws nyob huv lub tebchaws Yixalayees.

³Vaajtswv lub nroog, ca le ua tuab zoo noog tej lug zoo kws nwg has txug koj:

⁴“Thaus kuv suav tej tsaav tuabneeg kws noog kuv lug npe, kuv suav cov Iziv hab cov Npanpiloos huv tuabsi; cov Filitees, cov Tiles hab cov Sudaas, kuv yuav suav puab npe nrug cov pejxeem huv lub nroog Yeluxalees.”

⁵Puab yuav has tas txhua tsaav tuabneeg kws nyob sau roob Xi-oos has tas, tug kws muaj Fwjchim Luj kawg nkaus yuav ua kuas lub Roob Xi-oos nyob ruaj khov.

⁶Tug TSWV yuav sau cov tuabneeg ntawd tej npe rua huv ntawv khaws ca hab suav has tas puab puavleej yog pejxeem huv lub nroog Yeluxalees.

⁷Puab dlha seev cev hu nkauj has tas, “Xi-oos yog lub hauvpaug kws txhawv koob moov lug rua peb suavdlawg.”