Read Hmong Njua Yelemis 45 Bible Online

Yelemis 45 - Hmong Njua bible

Yelemis 45

¹Tom qaab kws Yauxiyas tug tub Yehauyakees ua vaajntxwv kaav tebchaws Yudas tau plaub xyoos lawm, kuv pav tug TSWV tej lug txhua lu rua Neliyas tug tub Npalus sau rua huv thooj ntawv.

²Tug TSWV kws yog cov Yixalayees tug Vaajtswv has tas, “Npalus,

³Koj has tas, ‘Kuv tiv tsi taug lawm! Kuv tub raug kev txomnyem los tug TSWV tseem tsub kev nyuaj sab ntxiv rua kuv. Kuv naj nub quaj qaug zug taag tsi tau su le.’

⁴“Tabsis kuv kws yog tug TSWV yuav muab tej kws kuv ua rhuav hab dlob tej kws kuv cog povtseg. Kuv yuav ua le ntawd kuas thoob plawg lub nplajteb.

⁵Koj pheej yuav nrhav kev tau zoo rua koj xwb nua los? Koj tsi xob ua le ntawd, kuv yuav tso kev puamtsuaj lug raug tuabneeg nplajteb; tabsis txawm yog koj nyob qhov twg los koj yuav dlim hab tau txujsa. Kuv yog tug TSWV kws has le ntawd.”