Read Hmong Njua Exekees 15 Bible Online

Exekees 15 - Hmong Njua bible

Exekees 15

¹Tug TSWV has rua kuv tas:

²“Tub noobneej, yuav ua le caag muab tsob maab pev tau rua tsob ntoo? Yog muab tsob txiv maab pev rua tsob ntoo kws nyob huv haav zoov yuav txawv le caag?

³Koj puas siv tau tsob maab ntawd ua tau ib yaam dlaabtsi? Koj puas muab tau tsob maab ntawd lug ua nqailauj dlai tau tej yaam dlaabtsi?

⁴Nwg tsuas zoo ua tawg rauv xwb. Yog thaus ob tog tw kub nyab taag hab ntu nruab nraab ua ncaig lawm, koj puas tseem siv tau kuas muaj nqes?

⁵Thaus tseem tsi tau muab hlawv tub siv tsi tau ua dlaabtsi. Tom qaab kws kub nyab taag ua ncaig lawm, hajyam siv tsi tau lawm.”

⁶Tug TSWV kws kaav ib puas tsaav yaam has le nuav: “Luas sau tej maab huv haav zoov coj moog hlawv povtseg le caag, kuv yuav coj cov Yixalayees kws nyob huv Yeluxalees moog ib yaam le ntawd,

⁷hab kuv yuav rau txim rua puab. Puab tub dlim suavtawg kub ib zag lawm, tabsis zag nuav suavtawg yuav kub puab kuas dlu lug. Thaus kuv rau txim rua puab, mej yuav paub has tas kuv yog tug TSWV.

⁸Vim puab tsi muab sab npuab kuv, yog le ntawd, kuv yuav muab puab lub tebchaws ua kuas ua suabpuam. Tug TSWV kws kaav ib puas tsaav yaam has le ntawd.”