Read Hmong Njua Xakaliyas 4 Bible Online

Xakaliyas 4 - Hmong Njua bible

Xakaliyas 4

¹Tug timtswv ceebtsheej kws pheej nrug kuv thaam rov lug rua ntawm kuv dlua, hab tsaa kuv ib yaam le tsaa tug tuabneeg kws tsaug zug sawv.

²Nwg nug kuv has tas, “Koj pum dlaabtsi?” kuv teb has tas, “Kuv pum ib tug ncej txawb teeb kws yog muab kub ua, hab muaj ib lub taig ntim roj txawb rua sau. Sau tug ncej txawb teeb ntawd muaj xyaa lub teeb kws nyag muaj nyag ib tug teebxeeb.

³Dlua le ntawd tseem muaj ob tsob txiv ntoo roj nyob ntawm tug ncej txawb teeb ntawd, ib tsob nyob ib saab.”

⁴Ces kuv nug tug timtswv ceebtsheej has tas, “Tug tswv, tej nuav yog pev txug dlaabtsi?”

⁵Nwg teb kuv has tas, “Koj tsi paub los?” Kuv teb nwg has tas, “Tug TSWV, kuv tsi paub le.”

¹⁰Tug timtswv ceebtsheej ntawd has rua kuv tas, “Xyaa lub teeb ntawd yog tug TSWV xyaa lub qhovmuag kws pum thoob plawg lub nplajteb nuav.”

¹¹Ces kuv nug nwg has tas, “Yog le ntawd, ob tsob txiv ntoo roj kws ib tsob nyob ib saab ntawm tug ncej txawb teeb yog txhais le caag?

¹²Hab ob tug ceg ntoo roj kws ib tug nyob ib saab ntawm tug kaig kub kws laub roj ntawd yog txhais le caag?”

¹³Nwg teb kuv has tas, “Koj tsi paub los?” Kuv teb has tas, “Kuv tsi paub le.”

¹⁴Ces nwg has tas, “Ntawd yog pev txug ob tug tuabneeg kws Vaajtswv tau xaiv hab muab txhawb meejthawj lug ua tug Tswv kws kaav taagnrho lub nplajteb nuav teg num.” Vaajtswv Coglug rua Xelunpanpees Tug timtswv ceebtsheej kuas kuv coj tug TSWV cov lug nuav moog qha rua Xelunpanpees has tas, “Koj yuav ntaus yeej rog, tabsis tsi yog qhov kws koj muaj tubrog coob lossis koj tug zug, tabsis yog kuv tug ntsujplig lub fwjchim xwb. Txawm yog muaj kev covnyom luj luaj lub hauv roob los yuav yaaj ntshis ntawm koj hauv ntej moog. Koj yuav rov txhim khu lub Tuamtsev dlua, thaus kws koj tso lub pobzeb kawg rua ntawm nwg qhov chaw, cov tuabneeg yuav qw has tas, ‘Zoo nkauj kawg, zoo kawg nkaus le lauj!’ ” Tug TSWV rov has ib cov lug rua kuv dlua. Nwg has tas, “Xelunpanpees tub pua lub Tuamtsev taag lawm, hab nwg yuav ua kuas lub Tuamtsev nuav tav. Thaus muaj le nuav lawm, kuv tsaav tuabneeg yuav paub has tas, kuv yog tug kws tau khaiv koj moog cuag puab. Puab tub taag kev ca sab lawm, rua qhov puab (...)