Read Hmong Njua Yausuas 15 Bible Online

Yausuas 15 - Hmong Njua bible

Yausuas 15

¹Xeem Yudas tej tsev tuabneeg tau aav ua puab tug lawv le nuav: Puab cheebtsaam aav saab qaabteb moog cob rua ntawm taj suabpuam Xees kws npuab tebchaws Edoos tug nrimteb.

²Tug nrimteb saab qaabteb txij ndlua ntawm qaab Havtxwv Tuag

³moog rua saab qaabteb, pib kag ntawm lub dlawm Alanpees moog rua taj suabpuam Xees, nqeg moog rua saab qaabteb ntawm Nkades Npane-as, hlaa Hexeloos nce moog rua Adales lem moog rua Kalikas,

⁴hab moog rua ntawm lub nroog Aximoos lawv tug dlej kws npuab Iziv tug nrimteb moog xaus rua ntawm Havtxwv Meditelanees. Tej kws has lug nuav yog xeem Yudas tug nrimteb saab qaabteb.

⁵Xeem Yudas tug nrimteb saab nubtuaj yog pib ntawm qaab Havtxwv Tuag nce moog rua qaum Havtxwv Tuag kws tug Dlej Yauladees lug xaus. Tug nrimteb saab qaumteb yog pib ntawd

⁶moog rua Npethes Haunkelas, hab nce moog rua saab qaumteb ntawm lub dlawm kws saib ntsoov rua lub Haav Yauladees; hab tug nrimteb nce moog rua ntawm lub Pobzeb Npuhaas. (Npuhaas yog Lunpees tug tub lub npe),

⁷pib ntawm lub Haav Covnyom nce moog rua Denpis hab lem rua saab qaumteb moog rua ntawm Nkilenkas kws tig moog rua lub dlawm Adumees ntawm lub vuaghaav saab qaabteb. Tug nrimteb nce moog rua ntawm lub qhovdlej Esemes tawm moog rua Elaunkees,

⁸hab moog hlaa lub Haav Hinoos saab qaabteb ntawm lub roob kws yog cov Yenpus lub nroog Yeluxalees. Tug nrimteb tseem nce moog rua sau lub ncov roob kws nyob ntawm lub Haav Hinoos saab nubpoob, hab moog xaus rua ntawm lub Haav Lefayees saab qaumteb.

⁹Pib ntawd moog rua ntawm lub qhovdlej Netu-as, hab moog rua ntawm cov nroog kws nyob ze lub Roob Efaloos. Tug nrimteb pib ntawd nkhaus moog rua Npa-alas (lossis Kili-as Ye-alees),

¹⁰tug nrimteb nkhaus puav ntawm Npalas saab nubpoob moog rua tebchaws Edoos kws ua laaj roob, nce moog rua lub Roob Ye-alees (lossis Khexaloos) saab qaumteb, nqeg moog rua Npes Semes, hab hlaa moog rua ntawm lub nroog Teenas.

¹¹Tug nrimteb moog rua ntawm lub roob kws nyob ntawm lub nroog Ekiloos saab qaumteb, hab lem moog rua ntawm Sikeloos hlaa lub Roob Npalas moog rua Yaanias, hab moog xaus rua ntawm Havtxwv Meditelanees,

¹²hab tug nrimteb saab nubpoob yog pib qhov ntawd moog. Xeem Yudas tej tsev tuabneeg le aav yog lawv le cov nrimteb kws has lug nuav.

¹³Yausuas faib xeem Yudas aav rua Yefunes tug tub Kalej lawv le tug TSWV has rua nwg lawm. Kalej tau lub nroog Henploos kws yog Anaj txiv Alenpas lub nroog.

¹⁴Kalej lawv cov Sesais, cov Ahimas hab cov Talemais kws yog Anaj cov xeebntxwv tawm huv lub nroog ntawd moog.

¹⁵Kalej tawm huv Henploos moog tua cov tuabneeg huv lub nroog Denpis. (Lub nroog nuav thaus u hu ua Kili-as Xefes).

¹⁶Kalej has tas, “Yog leejtwg moog tua hab txeeb tau lub nroog Kili-as Xefes, kuv yuav muab kuv tug ntxhais Akexas rua tug ntawd yuav ua quaspuj.”

¹⁷Kalej tug kwv Kenas tug tub Auniyees moog tua hab txeeb tau lub nroog Denpis, Kalej txhaj muab nwg tug ntxhais Akexas rua Auniyees yuav ua quaspuj.

¹⁸Nub kws noj tshoob, Auniyees txawm taij nwg tug quaspuj kuas thov nwg txiv muab ib thaaj teb rua nwg. Akexas nqeg sau nwg tug neeg luav lug, hab Kalej nug has tas, “Koj xaav yuav dlaabtsi?”

¹⁹Akexas teb has tas, “Kuv xaav yuav ib cov qhovdlej, rua qhov thaaj aav kws koj muab rua kuv lawm yog aav qhuav xwb.” Kalej txhaj muab lub qhovdlej saab peg hab lub qhovdlej saab nraag rua nwg tug ntxhais.

²⁰Nuav yog cheebtsaam aav kws faib rua xeem Yudas ua puab tug lawv le puab tej tsev tuabneeg.

²¹Puab cov nroog saab qaabteb kws nyob ze Edoos tug nrimteb yog: Kaxees, Edes, Yankus,

²²Kinas, Dimunas, Adadas,

²³Kedes, Haxaules, Inas,

²⁴Xifes, Telees, Npelus,

²⁵Haxaules, Hadatas, Keli-aus Hexeloos, (lossis Haxaules),

²⁶Amas, Semas, Mauladas

²⁷Haxas Nkadas, Hesemoos, Npethepeletes,

²⁸Haxas Sualis, Npesenpas, Npixiyas,

²⁹Npalas, Iyees, Exees,

³⁰Etulas, Khesis, Haumas,

³¹Xilas, Mamanas, Xaaxanas,

³²Lenpaus, Sihees, Ayees, hab Limoos: Taagnrho muaj neeg nkaum cuaj lub nroog hab tej zog kws nyob ibncig.

³³Cov nroog kws nyob lawv tej taw roob yog: Esetaus, Xaulas, Asenas,

³⁴Xanau-as, Enkanees, Tapuas, Enas,

³⁵Yamus, Adulas, Xukaus, Axekas,

³⁶Sala-layees, Adithais, Nkedelas, hab Kedeluthais. Taagnrho muaj kaum plaub lub nroog hab tej zog kws nyob ibncig.

³⁷Hab Xenas, Hadasas, Midankas,

³⁸Dilees, Mixepas, Yauthees,

³⁹Lakhis, Npauxekas, Enkiloos,

⁴⁰Kanpoos, Lamas, Kilis,

⁴¹Nkedelaus, Npedankoos, Namas, hab Makedas. Taagnrho muaj kaum rau lub nroog hab tej zog kws nyob ibncig.

⁴²Hab Linas, Ethes, Asas,

⁴³Itas, Asenas, Nexis,

⁴⁴Kelas, Akhexis, hab Malesas. Taagnrho muaj cuaj lub nroog hab tej zog kws nyob ibncig.

⁴⁵Lub nroog Ekiloos hab tej zog kws nyob ibncig.

⁴⁶taagnrho tej nroog hab tej zog kws nyob ze lub nroog Asedaus kws txij ndlua ntawm lub nroog Ekiloos moog txug rua Havtxwv Meditelanees.

⁴⁷Lub nroog Asedaus hab lub nroog Nkaxas hab tej zog luj zog miv, moog ti nkaus rua tug dlej kws nyob npuab cov Iziv tug nrimteb hab ntug Havtxwv Meditelanees.

⁴⁸Tej nroog kws nyob sau roob yog: Samis, Yatis, Xukaus

⁴⁹Danas, Kile-as Xefes, (lossis Denpis).

⁵⁰Anas, Etemuas, Anees,

⁵¹Nkausees, Hauloos, hab Nkilaus. Taagnrho muaj kaum ib lub nroog hab tej zog kws nyob ibncig.

⁵²Hab Alav, Dumas, Esas,

⁵³Yanimes, Npes Tapuas, Apekas.

⁵⁴Hutas, Henploos hab Xi-aus. Taagnrho muaj cuaj lub nroog hab tej zog kws nyob ibncig.

⁵⁵Hab Ma-oos, Kalemees, Xifes, Yutas,

⁵⁶Yexelees, Yaudees, Xanau-as.

⁵⁷Kais, Nkinpe-as, hab Teenas. Taagnrho muaj kaum lub nroog hab tej zog kws nyob ibncig.

⁵⁸Hab Halehus, Npexules, Nkedaus.

⁵⁹Malas, Npethanaus, hab Etekoos. Taagnrho muaj rau lub nroog hab tej zog kws nyob ibncig.

⁶⁰Hab Kili-as Npa-aas (lossis Kili-as Ye-alees) hab Lanpas: Taagnrho muaj ob lub nroog hab tej zog kws nyob ibncig.

⁶¹Cov nroog kws nyob huv taj suabpuam: Npes Alanpas, Midees, Xekakas,

⁶²Nisas, Nroog Ntsev hab Enkedis: Taagnrho muaj rau lub nroog hab tej zog kws nyob ibncig.

⁶³Tabsis cov tuabneeg Yudas tsi ntab cov tuabneeg Yenpus kws nyob huv Yeluxalees tawm. Cov Yenpus tseem nrug cov Yudas nyob.