Read icen AMarkus 10 Bible Online

AMarkus 10 - icen bible

AMarkus 10

¹Ama anɔng, aYeso won karɔ me yɔng, a tseng sak ni mben aJudiya, a tat kukyɛk aJodan. Kudyɛng banet tɛ ba ka na tusung narɔ wu, a ka ba tees kyɔn tɛ fɛ́ a mi di mɛɛ.

²Wat BaFarasi bakak tse, ba tsɛt ba ku mara, ba ku rip yɛ, “Ntsi nɔɔk irèn anet na kam kuweneng na abining wu yɛ?”

³Awɛt aYeso ka ba bun ni ifɛ̀ fok, “AMusa kin fɛ̀ ni yin anɛ?”

⁴Ba fɛ̀ ni wu yɛ, “AMusa kin nɔɔk irèn fok, anet da kyem a jɛk kufumung ikam kuweneng, na ku te mo ni irèn.”

⁵Awɛt aYeso fɛ̀ ni ba, “Ayet fok nek ákashalang áyɛ yin wu fi i kin sak aMusa ki jɛk yin mo anɔng ni ntsi.

⁶Awɛt ni itumung inye kazatse, ‘Adakunom kin ka ba nye, amatek nɛ abining.’

⁷Nek anɔng, anet da won ada ni nggɔ wu, na kana moon na abining wu,

⁸nɛ bafaa me sot kurɔm kuzining. Nek anɔng, ba tɛ ba yet bafaa kong awo, ba mi sot kurɔm kuzining.

⁹Nek anɔng, ikyɛng fɛ́ Adakunom mi moon, won da akak bi kam awo.”

¹⁰Ni izen fɛ́ ba tɛ ba bun ari me, bafi imɛɛs wu ku nye irip naton ifɛ́ me.

¹¹A fɛ̀ ni ba, “Ngma ayɔng fɛ́ a kam kuweneng na abining wu, a tɛ a di bɔ akak, a se ni kusot irɔs ni wu.

¹²Kpaf anɔng, abining yɔng fɛ́ a kam kuweneng na amatek wu, a tsɛ a di bɔ akak, i se ni kusot irɔs.”

¹³Banet se ni tses ni nnon naban e sak na aYeso, nɔng a da ka ba tes mo awɛng ni isaas mbɔk, awɛt bafi imɛɛs wu kɔn banet e.

¹⁴Izen fɛ́ aYeso di ikyɛng fɛ́ ba se ne, iyɛ wu beseng. A fɛ̀ ni ba, “Won yin nnon naban e, na na bɛs ni imi, i bi ka ba ro yin awo, nek igwɔm Adakunom yet ifɛ́ banet tɛ ba bang.

¹⁵Won in ki tak yin atsak, ngma ayɔng fɛ́ da a shan igwɔm Adakunom tɛ nggon kaban ne awo, a da nɔ ayɛt de awo.”

¹⁶A ma kok nnon e nawop wu, na di saas mbɔk wu ni na, na ka ba tes mo itek.

¹⁷Na aYeso tsin yit irèn, anet akak ta itsi, a tsɛ a ku sɛ, a te gururuk ashon wu, a ku rip fok, “Anet itees atek, akyɛ fi in da nye, in di ya itekari kutset vit igang ɛ?”

¹⁸AYeso fɛ̀ ni wu, “Akyɛ sak fi ngɔn di yes anet atek ɛ? Vit anet fɛ́ a yet atek, tit Adakunom aziwu.

¹⁹Ngɔn rēn ikyɛng fi ntsi tees fok, ‘I bi fɛt akak awo, i bi ra irɔs awo, i bi nye itsang awo, i bi nɔɔk kanu icɛɛt mbɔɔs awo, i bi mɔɔt akak awo, nesek ada ni nggɔ ngɔn iratek.’ ”

²⁰Anet e fɛrɛng fok, “Anet itees, i mi ras nkyɔrɔk nang, neme imi nggon.”

²¹AYeso ku yɛrɛk, ayɛt ishim, a fɛ̀ ni wu, “Ikyɛng izining kyɛk fi ngɔn bit ide, tseng, tsi rɛp ngma ikyɛng fi ngɔn bɛ́, kaba bakan e, nɔng i da sɛ kurúm azanɛn. Ni ma bɛ́, ni di kuus mo.”

²²Ni ifok anɔng, acam e wat a rosom ayisi. A yit irèn ni ibeseng iyɛ, nek a kin bɛ́ kurúm gyet awo.

²³AYeso yɛrɛk bafi imɛɛs wu, a fɛ̀ ni ba, “I da se ni mgbang, arum na a nɔ ayɛt igwɔm Adakunom!”

²⁴Kucɛɛt fɛ́ a nye te bafi imɛɛs e kpɔrɔk. Awɛt aYeso tɛ bang fɛ̀ ni ba, “Nnon in, i bi se ni mgbang anet na a nɔ ayɛt igwɔm Adakunom!

²⁵I da dung se byɛrɛ itsaap-igung ni i got ni ibong kufet itoos, aza fɛ́ arum bi nɔ ayɛt igwɔm Adakunom.”

²⁶Ikyɛng e bang te bafi imɛɛs e yɔɔt, ba kpa ka na risim fok, “Wat angan wu fɛ́ a bi kyem a sɛ isheshek e kong ɛ?”

²⁷AYeso ka ba yɛrɛk, a fɛ̀ ni ba, “Na anet awe, anɔng e da kyem a te awo, awɛt na Adakunom, anɔng e da kyem a te, nek vit ikyɛng fi i gaat Adakunom.”

²⁸ABitrus fɛ̀ ni wu, “Di, iyit bang in mi wosong yit kaakyi ikyɛng, in da kuus yit mo!”

²⁹AYeso fɛ̀ ni ba, “Won in ki tak yin atsak, vit ayɔng fɛ́ a won kari, baruneng, banganeng, anyining, atek, nnon, kɛ akɔ ayi, nek imi, ni ifɛ̀ itek,

³⁰fɛ́ a da won dang sɛ ikyɛng fi i got idɔng, ite anakat ni kutset ku kang (nasa, baruneng, banganeng, binggɔ, nnon, nɛ akɔ, ngma ni izoot) ama anɔng, a bi tɛ a sɛ kutset vit igang, ni izen fi i se ashon.

³¹Awɛt banet dot fɛ́ ba yet bafɛ́ ashon yɔkɔnɔng, bi sot bafɛ́ ama, na bafɛ́ ama, bi sot bafɛ́ ashon.”

³²Izen fɛ ba yit irèn ingarak sak ne aRushelima, aYeso se ashon, ayɔɔt yit bafi imɛɛs wu, nɛ nnyim daam bayɔng fɛ́ ba ka ba kuus mo. AYeso ma kɔrɔk kusɔk abe afaa me kyɛw ni fam, a tɛ a ka ba tak ikyɛng fi i da te ni wu.

³³A fɛ́ ni ba, “Fok yin, iyit yɔng in ngarak yit sak nɛ aRushelima, narɔ fɛ́ ba da tsɛ ba nabak Arim Anet ni mbɔk bagbat áware nɛ bafi itees ntsi aMusa. Iba da ku tsɛɛt ishɔt iku, na ba ku nabak ni bɔk Ícɛn-iduk,

³⁴ba da ku tonong ibyes, ba da ku cish acicɛ, ba da ku hwyereng, na ba ku fɛt. Ama nkɔs ntaat, a da tɛ a dorok.”

³⁵Ama nɔng, nnon aZebedi, aYakubu nɛ aYohana tse nɛ aYeso, ba fɛ ni wu yɛ, “Anet itees, kabɔk, ikyɛng kak di se fi in shim yit ni ki ra yit ne.”

³⁶AYeso ka ba rip yɛ, “Akyɛ fi ishim yin, in ki nye yin e yɛ?”

³⁷Ba fɛ, “Izen fi i bi sonong naton kuta ízɔk igwɔm ngɔn, won akak yit na a sonong ni bɔk iyak ngɔn, nɛ akak ni bɔk imen ngɔn.”

³⁸Awɛt aYeso fɛ ni ba, “Iyin rēn yin ikyɛng fi i tsin ra yin awon e awo. Iyin da kyem i sɔ yin ayɛt aridɛ mgbang fi imi da sɔ yɛ? Kɛ i da kyem yin ba ki ra yin abatisma, kuri ayɔng fɛ́ ba bi di ra ne yɛ?”

³⁹Ba shim fok yɛ, “Ey, in da kyem yit.” AYeso fɛ̀ ni ba, “Atsak, i da sɔ yin ayɛt aridɛ hom, ba bi ki ra yin abatisma, kuri ayɔng fɛ́ ba bi di ra ne.

⁴⁰Awɛt kucɛɛt isonong ni bɔk iyak kɛ ni imen hom ayi, idɔng yet inaan awo. Adakunom wu fɛ́ a bi nesek narɔ isosok sak na bayɔng fɛ́ ba mi sak nek iba.”

⁴¹Izen fi isherep bafi imɛɛs kusɔk e fok anɔng, ba beseng iyɛ na aYakubu nɛ aYohana.

⁴²AYeso ka ba yes ngma narɔ kazining, a fɛ́ ni ba, “Iyin rēn yin fok bayɔng fɛ́ ba ya igwɔm naton bafi nhwyi, ba mɔɔt banet bá, nɛ bazɔk bá, tonoso kukyem bá naton banet bá.

⁴³Awɛt i se anɔng ni yin awo. Ifiin se fok, ngma ayɔng fɛ a shim a sot aratek ayɛt yin, i se gbing-gbing na a sot asam bafidang.

⁴⁴Ngma ayɔng fɛ a shim a sot akɔk-ashon, i se gbing-gbing na a sot asam ba ngma.

⁴⁵Nek Arim Anet bɛ nek ba ku ra isam awo, tit nek iwu na a sot asam, na tɛ na nɔk kutset wu nek ibisik banet dot.”

⁴⁶Ama anɔng, ba tsɛ ba ta na aJeriko. Wat izen fɛ́ aYeso nɛ bafi imɛɛs wu, nɛ kudyɛng banet e, se ni won kuwɔp e yɔng, akpatɔn akak fɛ́ ba ku yes aBartimawus, arim aTimawus, se ni sonong ni ifam irèn, a tsin ra awon itsɔm.

⁴⁷Izen fɛ́ a fok, fok aYeso anet aNazaret yɔng, a ta kutɔ na agap yɛ, “AYeso, Arim agwɔm aDauda, kabɔk fok angmishish hom!”

⁴⁸Banet dot ku gyɔng, fok na te yuu. Awɛt a bang ta kutɔ gbɛy yɛ, “Arim agwɔm aDauda, kabɔk kyɛk, fok angmishish hom!”

⁴⁹AYeso nyeseng, a fɛ̀, “Ku yes yin.” Ba yes akpatɔn e, ba fɛ̀ ni wu, “Te gbinding! Dorok, a da yes.”

⁵⁰Akpatɔn e barak anyin kpin wu, a furuk, a tse narɔ aYeso.

⁵¹AYeso ku rip yɛ, “Akyɛ fi ngɔn shim, in da nye ne yɛ?” Akpatɔn e fɛ̀ ni wu, “Anet itees, in shim in sɛ ayisi hom.”

⁵²AYeso fɛ̀ ni wu, “Tseng, inɔɔk atsak ngɔn mi da te kyang.” Ni izen izining, a kpa yɛrɛ, a di kuus aYeso.