Read icen AMarkus 11 Bible Online

AMarkus 11 - icen bible

AMarkus 11

¹Izen fɛ́ ba bɛ́ bakat nɛ aRushelima, ba ta nɛ naban nwɔp aBetafaji nɛ aBetani, fɛ́ na na se ni ihwyanang ifat. AYeso tom bafi imɛɛs wu bafaa ashon,

²a fɛ̀ ni ba, “Tseng yin sak naban wɔp ya ashon yin. Ni tsin nɔ yin, i da sɛ yin ki tarakey kakak ni rosom, fɛ́ vit anet fɛ́ a ki man teyak ika. Bisik yin ika, da bɛ yin ne.

³Kɛ akak ki rip yin yɛ, ‘Akyɛ dɔng i tsin nye yin anɔng ɛ?’ Fɛ̀ yin ni wu, ‘ATisa wu a shim ika, a da tɛ bun e ziri ziri.’ ”

⁴Ba tsɛ ba sɛ ki tarakey e ni rosom amatse ni fam irèn, na tisi ari. Nizen fɛ́ ba se ni bisik e,

⁵banet bakak fɛ́ ba se ni nyeseng azɔng, ka ba rip yɛ, “Akyɛ sak ibis yin ki ìtarakey e yɛ?”

⁶Ba ka ba tak kpaf ikyɛng fɛ́ aYeso fɛ̀ ni iba, banet e ka ba won, ba tseng ni ki tarakey e.

⁷Izen fɛ́ ba bɛ́ ba nɔɔk aYeso ki tarakey e, ba turung anyin kpin bá, ba tarak ina naton ki tarakey e, aYeso di sonong naton e.

⁸Banet dot tarak nkpin nratek bá naton irèn, nɛ bakak tarak ahwyang nakon fɛ́ ba tɛm na akɔ.

⁹Bakak tseng ashon wu, nɛ bakak di kuus ama, na ba tang nkun, na ba nye, “AHosana sak na Adakunom! Awɛng sak na yɔng fɛ́ a bɛ́ ni iyerek aTisa!

¹⁰Awɛng sak ni igwɔm ada yit aDauda fi i bi bɛ́. AHosana sak na Adakunom azanɛn!”

¹¹AYeso ta ne aRushelima, a tsɛ a nɔ ni itu iya Adakunom ntong, a yɛrɛ nkyɔrɔk ngma, awɛt nek kahwyɛ mi tsang nye, a wuruk sak ne aBetani ni kusɔk abe afaa me.

¹²Akatson, ba ne na kaban wɔp aBetani, aYeso fok nzong.

¹³Iwu mo hwyeng-hwyeng, a di kakon atafo kakak ayɛt atop na, a tsɛ a di kɛ a da sɛ ica me. Izen fɛ a tse azɔng, a sɛ vit ikikak ni ka, tit atop kyɛk, nek izen e yɔng kin yet izen kutes ica atafo awo.

¹⁴Wat a fɛ́ na kakon e, “Vit akak fɛ́ a da tɛ a ya ica akon ngɔn, ayɛ na ayɛ!” Bafi imɛɛs wu fok ikyɛng fɛ́ a fɛ̀.

¹⁵Ni nɔ ba ne aRushelima, aYeso tsɛ nɔ ni itu iya Adakunom ntong, a kpa ro bafi ijik, azɔng. A nye gup ákon bafi shesheng itsɔm, nɛ ákon isosok bafi irɛs ábɔp,

¹⁶a won anet akak na got ni ikikak atasa karɔ iya Adakunom ntong e awo.

¹⁷Ni izen fɛ́ a se ni i ka ba tees, a fɛ̀ ni ba yɛ, “I se ni jɛk yɛ, ‘Ba bi yes kari hom, karɔ iya ntong banet ngma.’ Awɛt iyin mi sak yin ika kusɔs inɛsɛk bakpatang agap!”

¹⁸Izen fɛ́ bagbat áware fok ifɛ̀ me, ba kpa tsɛt irèn fɛ́ ba da wey ni wu, awɛt ba ku teng wu, nek banet ngma kusum nye yɔɔt ni kuri itees wu.

¹⁹Izen fɛ́ kahwyɛ nye, aYeso nɛ bafi imɛɛs wu wosong kuwɔp e.

²⁰Na bop adiding akatson, fɛ́ ba se ni got, ba di kakon atafo me mi koot, nkum anɛ́y e sak na ahwyang e.

²¹ABitrus yiring, a ma fɛ̀ na aYeso, “Di, Anet itees! Kakon atafo yɔng fi ngɔn ka ka te kawɛy mi koot!”

²²AYeso ka ba bun ni fɛ̀ yɛ, “Nɔk yin atsak na Adakunom!

²³In ki tak yin atsak, i da kyem i fɛ̀ yin ni ihwyanang yɛ, ‘Tseng, tsi kpa ayɛt izek,’ da i bi yin iyɛ gak awo, i nɔɔk yin atsak ni ikyɛng fi i fɛ̀ yin, i da te kpaf anɔng.

²⁴Nek anɔng fi in di fɛ̀ ni yin, kaakye ikyɛng fi i rip yin ayɛt awon, nɔk yin atsak fok i mi sɛ yin, i da sot ifiin kpaf anɔng.

²⁵Ngma izen fi i shim i ra yin awon, ki i bi ikikak ni iyɛ naton akak, ku fuut yin e, nɔng Ada yin fɛ́ a se azanɛn, da ki fuut yin anɛn yin bà.”[6]

²⁷Ba tɛ ba bun sak ne aRushelima. AYeso se ni tseng na katasa arɔ iya Adakunom ntong e, bagbat áware, nɛ bafi itees ntsi aMusa, nɛ bashɔn tsɛ ni wu.

²⁸Ba ku rip yɛ, “Ni kukyem angan wu fi ngɔn nyes nkyɔrɔk nang ɛ? Angan wu a da te mo ira me yɛ?”

²⁹AYeso ka ba bun ni ifɛ̀ yɛ, “Won in ki nye yin irip izining. Ki i di nɔk yin awɛshɛk naton e, imi da ki tak yin kɛ ni kukyem angan wu fi in di nyes nkyɔrɔk nang.

³⁰Di tak yin, aYohana anet abatisma kin sɛ kukyem iras abatisma wu akɛ? A kin ne na Adakunom a? Kɛ a kin ne na banet ɛ?”

³¹Ba kpa tɔ wɔɔn ba, “Akyɛ fi in da fɛ̀ yit ɛ? Ki in fɛ̀ yit yɛ, ‘A ne narɔ Adakunom.’ Ayɔng a da ki rip yit, ‘Wat akyɛ sak fi da iyin nɔɔk yin atsak ni wu awɛ?’

³²Awɛt ki in fɛ̀ yit, ‘A ne na banet’…” (Ba foos nnyim ikyɛng fɛ́ banet da ka ba nye ne, nek ngma banet kusum sok fok aYohana yet atan.)

³³Nek anɔng, ba fɛ̀ nɛ aYeso, “Iyit rēn yit awo.” AYeso fɛ̀ ni ba, “Imi da ki tak yin kɛ ni kukyem angan wu fi in di ras nkyɔrɔk nang bà awo.”