Read icen AMarkus 4 Bible Online

AMarkus 4 - icen bible

AMarkus 4

¹AYeso tɛ a kpa itees banet ni ifam izek aGalili. Kudyɛng banet fɛ́ ba ku te nate, kin se makiyi, nek anɔng, a nɔ ayɛt kukyɛ ashi, a sonong ayɛt ko, ayɛt izek e, wɛt banet e nyeseng ni ice ibanang.

²A ka ba tees nkyɔrɔk dot-dot ayɛt igorok icɛɛt. Ayɛt itees wu, a fɛ́ ni iba.

³“Wees yin ato! Anet ikap akak kin a tsɛ nas ija wu.

⁴Na se ni inas ija me, ikak kpas naton irèn atak, nanon tsɛ na ya ide.

⁵Ikak kpas nato agbondong, narɔ fɛ́ da ntong mak di se awo. I wat i rasak ziri, nek ntong e kin se gbɛngɛjɛm.

⁶Awɛt fi kunom ngarak nate, ku shosh nayak e, na wat na koot, nek vit ina na aney.

⁷Ija me ikak kpas ayɛt itsitsan, itsitsan e rasak, i firisi kuyak e, i ki di ro ni kutes ica.

⁸Ngma nɛ nɔng, ikak kpas ni ntong ntek, i tang gyat, i rasak gyat, i korok kutes, ikak tes ica nsɔk ntaat (30), ikak tes ica nsɔk karataat (60), ni ikak tes ica anakat (100).”

⁹AYeso ma fɛ̀ ni ba, “Ayɔng fɛ́ a bɛ́ ato, won na di fok ifɛ̀!”

¹⁰Ni izen fɛ́ aYeso se aziwu, kusɔk abe afaa me, ni ishɛrɛp bafi ikuus fɛ́ ba se ni fam wu, ku nye irip ikyɛng fi igorok ncɛɛt e tonong.

¹¹A fɛ̀ ni ba, Iyin ba mi ki tarak yin ikyɛng fi i se ni nɛt ifi igwɔm Adakunom. Awɛt sak na bayɔng fɛ́ ba se amatse, kaakyi ikyɛng se ayɛt igorok ncɛɛt.

¹²Nek, “Banet bang yɛrɛ, awɛt vit idi, Ba foos, awɛt vit irēn. Kɔng ba bi tirik, na ka ba fuut anɛn.”

¹³AYeso ma fɛ̀ ni ba, “Iyin kyem i rēn yin igorok icɛɛt e yeng awɛ? Na anɛ fi i da kyem i rēn yin igorok icɛɛt ikak ɛ?

¹⁴Anet ikap e se ni inas ifɛ Adakunom.

¹⁵Banet bakak se ti ija me dɔng fi i kpas ni irèn atak, fɛ́ ba di nas ifɛ̀ me. Nkum na ba tsin fok e kyek, na aShetan bɛ́ na foshok ifɛ̀ dɔng fɛ́ ba mi tsang tup ni iyɛ bá.

¹⁶Bakak se ti ija dɔng fi i kpas ni ntong agbondong, kɛ ba fok ifɛ̀ me, na ba wat shan ide ziri ziri, ni iyɛ ikan.

¹⁷Awɛt nek vit iba na anɛy, ba ra nye nkɔs gyet kyɛk. Izen fi mgbang ki izoot ayi bɛ́ nek ifɛ̀ me, na ba tɛ ba bun kama ziri.

¹⁸“Bakak se ti ija me dɔng fi i kpas ni itsitsan, ba fok ifɛ me akabɛs,

¹⁹awɛt ni ndaam kusot azatse nang, iwɔrɔk kurúm, ni ihye nkyɔrɔk nkak, bi ni in firik ifɛ̀ me, nin sak ide raye de ites ica.

²⁰Bakak se ti ija me dɔng fi i kpas ni ntong ntek, ba fok ifɛ me, na ba shan ide, na ba korok kutes, bakak te nsɔk ntaat (30), bakak te nsɔk karataat (60), bakak te anakat (100) ikyɛng fɛ́ ba kin tup e.”

²¹AYeso tɛ fɛ̀ ni ba, “Anet ta kuron na agaramun, na tsɛ na faam iwu na katsereng ke na asɔs ameneng ɛ? In fɛ́ kɛ a sak iwu ni ikyɛng igarang e awɛ?

²²Nek ngma ikyɛng fi i se ni nɛt, ba bi tarak ide. Ngma ikyɛng fi i se ni faam, ba bi tarak ide.

²³Kɛ akak yin bɛ́ ato, won na di fok ifɛ̀!”

²⁴A ya kashon ni kucɛɛt ni ba yɛ, “Yiring yin ni ikyɛng fi ifok yin hwyɛɛ: ni kuri itsɛn imaas fi i di maas bakak, ni kuri itsɛn imaas e yɔng fɛ́ ba bi da maas mo, ni barang.

²⁵Ngma ayɔng fɛ́ a bi ikikak, ba bi ku barang mo, awɛt ayɔng fɛ́ a se vit ikyɛng, igyet e dɔng fɛ́ a bɛ́, ba bi shan ide ni wu.”

²⁶AYeso fɛ̀, “Igwɔm Adakunom se tɛ ane, anet akak tsɛ a nas ija ni ikɔ.

²⁷Katuk ni kunom, kɛ ni wu ni nda kɛ na mi shemeng ayi, ni ija me tang, ni i rasak akɔn de. Anet e ice wu, rēn fi i di rasak awo.

²⁸Ntong e ikyɛng na, in sak nayak e tang, ákon e tung rasak, nɛ ace me di kuus, ni ica me ni wuru ayɛt ace me.

²⁹Izen fɛ́ nayak e nye, na di te kukot, nek ishamang mi nye.”

³⁰AYeso tɛ fɛ̀, “Na akyɛ fi in di ki mara yit igwɔm Adakunom yɛ? Kɛ na akyɛ kuri igorok icɛɛt fi in di ki tonong yit ide yɛ?

³¹I se ti kica amusta, fɛ́ ka dung se gyebet ayɛt ija fɛ́ ba tuus aben.

³²Ngma na anɔng, ama fɛ́ ba tuus ide, ni i rasak, ni i wat kaakyɛ ikon fi i se ama agɔɔt, nɛ ahwyáng áratek e fɛ́ nanon azatse di noos arɛ ná, na nawu me.”

³³Ni igorok ncɛɛt dot ti in nang, fɛ́ aYeso di cɛɛt ni iba, kpaf nɛ agap irēn bá.

³⁴Vit ikyɛng fɛ́ a ka ba tak, fɛ́ a won dang tak ide ni igorok icɛɛt. Awɛt izen fɛ́ a se aziwu nɛ bafi imɛɛs wu, na ka ba fo kucɛɛt e wɛshɛk.

³⁵Atuk e yɔng, fɛ́ kawuwuri nye, aYeso fɛ̀ na bafi imɛɛs wu yɛ, “Won in tat yit sak ni nyi ku ya.”

³⁶Ba won kudyɛng banet ama, ba tseng gung ni wu, ayɛt kukyɛ ashi fɛ́ aYeso di se. Akyɛ-ashi akak kin tseng gung ni wu.

³⁷Aduk itsombos ikak ne, agbos ashi rus kukyɛ ashi me fɛ́ ngmash ashi na a shining iko.

³⁸AYeso kin se ni nda ni ice wu narɔ isaas ice abatin kukyɛ ashi me. Bafi imɛɛs wu tsɛ ba ku shemeng, ba fɛ̀ ni wu, “Anet itees, i da daam ki in te rep yit awɛ?”

³⁹AYeso dorok, a gyɔng awun e, a fɛ̀ ni agbos ashi me, “Te yuu! Men nhwyɛ ngɔn!” Awun e wat a te yuu, izek e men yuu.

⁴⁰A fɛ̀ na bafi imɛɛs wu, “Akyɛ sak fi i bɛ́ yin nnyim anɔng ɛ? Iyin ren se yin vit inɔɔk atsak ɛ?”

⁴¹Nnyim ka ba yit makiyi, ba kpa kana risim, “Angan yong a yet ayong, fi kuwun nɛ agbos ashi foos ifɛ̀ wu yɛ?”