Read icen AYohana 1 Bible Online

AYohana 1 - icen bible

AYohana 1

¹Ni meseng e, Ifɛ̀ me kin di se gyam, Ifɛ̀ me kin se gung nɛ Adakunom, Ifɛ̀ me kin yet Adakunom.

²A kin se gung nɛ Adakunom neme ni imɛsɛng e.

³Ni kubɔk wu fɛ́ ba kin di nye kaakyɛ. Vit ikyɛng ikak fɛ́ ba kin nye vit iwu.

⁴Ni wu fi kutset di nes, kutset e yɔng ko ku nesek mgbɛy sak nɛ banet ngma.

⁵Mgbɛy e rong ayɛt ahwyi, da ahwyi me kyem a irēn ina awo[1].

⁶Adakunom kin tom na anet akak, fɛ́ ba kin ku yes aYohana.

⁷A kin bɛ́ nek ishara ifɛ̀ naton mgbɛy e yɔng, nɔng banet ngma da fok ifɛ̀ me, ba di nɔɔk atsak.

⁸Da aYohana ice wu fɛ́ a kin yet mgbɛy e awo, a kin bɛ́ tɛ anet icɛɛt afi mgbɛy kyɛk.

⁹Ayɔng fɛ́ a nesek mgbɛy atsak sak ne banet ngma kusum bi bɛ́ azatse.

¹⁰Iwu kin se na azatse neme, ayet fok ba kin nye kaakyɛ ni kubɔk wu, ngma nɛ anɔng, kazatse me nɛ ka ku rēn awo.

¹¹A bɛ́ sak na bayɔng fɛ́ ba yet bafuu, wɛt bafuu me raba dan ku shan.

¹²Ngma nɛ nɔng, ngma bayɔng fɛ́ ba ku shan, bayɔng fɛ́ ba di nɔɔk atsak ni iyerek wu, a mi ka ba nɔk ízɔk nɛ ba sot nnon Adakunom,

¹³da kuri nnon fɛ́ na nes ni irɔm awo, da na yɔng fɛ́ ba sɛs nek imoon irɔm amatek nɛ abining awo, tit na yɔng fɛ́ Adakunom wu a nesek.

¹⁴Ifɛ̀ me sot anet, a sot azeng azatse ngma ni yit. Iyit mi di yit ízɔk wu, ízɔk atutup Nggon e yɔng fɛ́ ka ne narɔ Ada me, a yɔng fɛ́ a mi ki tonong yit itek wu, nɛ angmishish wu, fi in di ki te yit iyɛ.

¹⁵AYohana cɛɛt naton wu. A fɛrɛng nɛ agap yɛ, “Iwu me yɔng fi in kin fɛ̀ ni yin yɛ, ‘Ayɔng fɛ́ a bi bɛ́ ama min di wat ni iratek, nek iwu kin di se neme dan ba di tes.’ ”

¹⁶Nek kudot itek nɛ angmishish wu, fi in mi sɛs yit fi in di barasa kashon sak kashon.

¹⁷Nek ntsi kin ne ni bɔk aMusa; wɛt ishim nɛ atsak, ne ni bɔk aYeso Kristi yit.

¹⁸Vit anet fɛ́ a kumang di Adakunom. Tit azizɛɛt nggon wu me yɔng, fɛ́ ka se nagbɔng nɛ Adakunom, fɛ́ a se ni kufam Ada me, fɛ́ a mi ki tonong yit nse Ada me weshek.

¹⁹Kucɛɛt ka fɛ́ aYohana kin nye, ni izen fɛ́ bakɔk-ashon baYahuda fɛ́ ba se ne aRushelima kin tom banet izit aLawi[2] nɛ áware, na ba tsɛ ba ku rip, fok iwu yet angan ɛ.

²⁰A ka ba nɛt ikikak awo, a fɛ̀ ni ba yɛ, “Imi wu in yet Anet-Isheshek e awo.”

²¹Ba ku rip yɛ, “Awɛt ngɔn yet angan e yɛ? Ke ngɔn yet aIliya yɛ?” A fɛ̀ ni iba, “Awɛy, imi yet wu awo.” Ba tɛ ba ku rip fok, “Ngɔn yet Atan e yɔng ɛ?”[3] A fɛ̀, “Awɛy.”

²²Ni gang e, ba ku rip fok, “Awɛt ngɔn yet angan e yɛ? Ki tak yit, nɔng in da sɛ yit ikyɛng fi in da tsin tak yit bayɔng fɛ́ ba ki tom yit. Akyɛ fi ngɔn da ki tak yit naton ice ngɔn ɛ?”

²³AYohana ka ba nɔɔk kanu ifɛ̀ kpaf ni ikyɛng fɛ́ àware aIshaya kin mang jɛk yɛ, “Imi wu in yet kutɔ fi ku dɛrɛ ayit, Nye yin irèn tsik nek ku bɛ́ Adakunom!”[4]

²⁴Ama anɔng, bayɔng fɛ́ BaFarasi ka ba tom e

²⁵ku rip yɛ, “Ki da ngɔn wu fi iyet Anet-Isheshek me awo, da ngɔn yet aIliya awo, da ngɔn yet Atan e yɔng awo, akyɛ sak fi i tsin ras banet abatisma yɛ?”

²⁶AYohana fɛ̀ ni ba yɛ, “Imi ki ras in abatisma ne ashi, wɛt azeng nate yin, akak di se fi da iyin ku rēn yin awo.

²⁷Iwu me yɔng fɛ́ ngmash na a tumung kutomong wu, imi kyem fi in da bisik kudun ikpatak wu awo.”

²⁸Nkyɔrɔk e nang ngma ba kin ra ina na aBetani, kaban wɔp fɛ́ ka se ni bɔk imen kukyɛk aJodan karɔ fɛ́ aYohana di ras abatisma.

²⁹Akatson, aYohana di aYeso tseng sak ibɛ narɔ wu, ama fɛ̀, “Di yin! Kitsamang Adakunom, ka yɔng fɛ́ ka fuut inɛn azatse!

³⁰Iwu fi in tsin di cɛɛt fok, ‘Anet fɛ́ a da bɛ́ ama min e, di wat ni iratek, nek iwu se kashon ni imi.’

³¹Imi ice min tsang ku rēn awo, nek anɔng wu fi in tsin di ras abatisma ne ashi, nɔng in da ku tonong mo sak nɛ banet aIsrela.”

³²AYohana ma fɛ̀, “In di Kabik aJɛrɛ tik tɛ abɔp, ka di nak naton wu.

³³Zɔng ki imi kyem in rēn fok iwu yɔng awo, wɛt ayɔng fɛ́ di tom ni in ra abatisma ne ashi, iwu fɛ̀ ni mi, ‘Ayɔng fi ngɔn di Kabik aJɛrɛ di tik naton wu tɛ abɔp, ka di nak, iwu me yɔng fɛ́ a ras abatisma ne Kabik aJɛrɛ.’

³⁴Imi di ikyɛng e te kpaf anɔng, nek anɔng fi in di fɛ̀, Arim Adakunom e yong.”

³⁵Akatson, aYohana se ni nyeseng azɔng nɛ bafi imɛɛs wu bafaa.

³⁶Ni izen fɛ́ a di aYeso tsin got, aYohana ku yɛrɛk, a da fɛ̀, “Di yin Kitsamang Adakunom!”

³⁷Ni izen fɛ́ bafi imɛɛs aYohana bafaa me fok anɔng, ba tirik ba kpa di kuus aYeso.

³⁸AYeso tirik a ka ba di ba tsin ku kuus mo, a kaba rip yɛ, “Akyɛ fi itsɛt yin ɛ?” Ba fɛ̀ ni wu, “ARabay” (fi isonong naton Anet Itees), “ngɔn tik akɛ?”

³⁹A fɛ̀ ni ba, “Di kuus yin mo da tsi di yin.” Nek anɔng, ba ku kuus mo, ba tsɛ ba di karɔ fɛ́ a di se, ba woso gung ni iwu azɔng. Itsɔm inaas ifɛ́ awuri kin tsang nye.

⁴⁰Andarawus, arunyining aSiman Bitrus kin yet azining ayɛt bayɔng fɛ́ ba kin fok ifɛ̀ aYohana ba di kuus aYeso me.

⁴¹Ikyɛng imɛsɛng e fɛ́ Andarawus kin nye yet, a tsɛ tsɛt arunyining aSiman, a fɛ̀ ni wu, “In mi sɛ yit Anet-Isheshek e.” (Fi isonong naton aKristi.)

⁴²Andarawus ma sok aSiman sak narɔ aYeso. Ama fɛ́ aYeso di te ayisi gbiit na aSiman, a fɛ̀ ni wu, “Ngɔn yet aSiman arim aYohana, ba da ka yes aKefas.” (Fi isonong naton aBitrus kɛ kuta ayi.)

⁴³Akatson, aYeso te iyɛ i tse sak nɛ aGalili. A sɛ aFilibus, a da ma fɛ̀ ni wu, “Bɛ́ di kuus mo.”

⁴⁴AFilibus yet anet iwɔp aBatseyida, kuwɔp fɛ́ Andarawus, nɛ aBitrus di ne.

⁴⁵AFilibus wat a di berem a tsɛ a tsɛt aNataniyel a da fɛ̀ ni wu, “In mi sɛ yit anet e ayɔng fɛ́ aMusa nɛ áware kin di jɛk naton wu! Iyerek wu yet aYeso, nggon aYusufu anet aNazaret.”

⁴⁶ANataniyel fɛ̀ ni wu, “ANazaret a! Ikyɛng kak itek da kyem ine nɛ aNazaret a?” AFilibus fɛ̀ ni wu, “Ngɔn bit kyɛk i da tsi i di nɛ ayisi ngɔn.”

⁴⁷Izen fɛ́ aYeso di aNataniyel tsɛ wuruk, a fɛ̀ ni wu, “Anet atsak yong a tsɛ a wuruk, atutup kutes aIsrela.”

⁴⁸ANataniyel ku nye irip yɛ, “Ngɔn tsa nɛ fi i di rēn ɛ?” AYeso fɛ̀ ni wu, “Neeme ni ngɔn resek ni tin atafo, dan aFilibus na tsɛ a da sɛ, imi ma na in da di.”

⁴⁹ANataniyel fɛ̀ ni wu, “Anet Itees, ngɔn yet Arim Adakunom, agwɔm aIsrela!”

⁵⁰AYeso fɛ̀ ni wu, “Ngɔn wat i nɔɔk atsak ngma nek imi fɛ̀ ni ngɔn, in mi da di ni tin atafo yɛ? I da di agbat ntomong fi nnat nnang.”

⁵¹A ban fɛ̀, “Atsak e yet ngma yin i bi di yin kazanɛn ni itarak, nɛ batomaza Adakunom tisik nɛ ba ngarak ni ce Arim Anet.”