Read icen AYohana 10 Bible Online

AYohana 10 - icen bible

AYohana 10

¹“Won in ki tak yin atsak, ngma ayɔng fɛ́ da a nɔ ni ikpara abak katisi me awo, ayet akpatang, nɛ afi itsang agap.

²Ayɔng fɛ́ a nɔɔs abak katisi me, wu a yet anek ítsamang e.

³Anet itosok katisi me, ku tarak e, ítsamang e, ku foos. A yes ítsamang wu, ni ayerek de, ni iku kuus mo sak amatse.

⁴Ama fɛ́ a tun ide amatse, ni wu shan kashon de, ni ítsamang e ku kuus mo, nek ide rēn kutɔ wu.

⁵Awɛt ide da kuus atsen awo, na tsak, i da teng i ku wosong nek ide rēn kutɔ atsen e awo.”

⁶AYeso ka ba nye igorok icɛɛt yeng, awɛt iba kyem ba rēn ikyɛng fɛ́ a se ni icɛɛt ni iba awo.

⁷Nek anɔng, aYeso tɛ a fɛ̀ ni iba, “Won in ki tak in atsak, Imi wu in yet katisi ikpara me.

⁸Ngma bayɔng fɛ́ ba kin tin bɛ́ ashon hom, ba yet bakpatang, nɛ bafi itsang agap, ítsamang e ra de ifok ba.

⁹Imi wu in yet katisi me, ngma ayɔng fɛ́ a nɔ abak hom, a da sɛ isheshek. A da nɔ nɛ wuruk nɛ sɛs nakpe.

¹⁰Akpatang bɛ́s nek ikikak awo, tit nek itsang, ni ifɛt, ni ibeseng e; Imi bɛ́ nek ba bin sɛ kutset, na ba sɛ iko yɛt-yɛt.

¹¹“Imi yet anek atek e. Anek atek mees kutset wu nek ítsamang e.

¹²Anek fɛ́ ba sok, da iwu fɛ́ a yet atek ítsamang e awo. Nek anɔng, kɛ a di agbayɔrɔ wuruk, nɛ won ítsamang e, nɛ teng akɔn wu. Nɛ agbayɔrɔ me bɛ́ ne kpa ítsamang e, nɛ tereng ide shangaring.

¹³Anek e teng akɔn wu, nek a se ni kutomong itarang wu kyɛk, vit ikyɛng fi i kudaam ni ítsamang e.

¹⁴“Imi wu in yet anek atek e; imi rēn ítsamang yin, ítsamang yin, di rēn,

¹⁵kpaf te fɛ́ Ada di rēn, ni imi rēn Ada. In mees kutset in, nek ítsamang e.

¹⁶In bɛ̀ ítsamang ikak, fi da i se ni kukpara ku kang awo. I se gbing-gbing ni in bɛ́ ni ide. Ide da fok kutɔ min bà, nɔng kukpara me da sot kuzining nɛ anek azining.

¹⁷Ikyɛng fi sak Ada min di shim, yet nek in mees kutset in, ni in ti in sok iko.

¹⁸Vit anet isok kutset hom, imi wu in mees iko, ni in tin sok iko. In bi ice ni in mees, ni in tin sok iko. Ikyɛng fɛ́ Ada fɛ̀ ni in nye dɔng.”

¹⁹Nek ifɛ̀ dɔng, nhwyɛ bakɔk-ashon baYahuda tin in kaba.

²⁰Bakak ayɛt ba fɛ̀, “Itseng se ni ngɔn, a mi kpa ririm. Akyɛ sak fi i ku foos yin ɛ?”

²¹Bakak ba fɛ̀, “Kucɛɛt yɔng da ku yet kufɛ́ anet fi itseng se ni wu awo. Itseng da kyem itarak ayisi akpatɔn ɛ?”

²²Izen amok Inabak Kutu Iya Mben nɛ aRushelima bi inye. Kpaf ni izen iwun,

²³aYeso kin se ni igorok narɔ iya adakunom ntong e abak karɔ fɛ́ ba yes ika Agubuk aSolomon.

²⁴Bakɔk-ashon baYahuda tsɛ ba ku te nate, nɛ ba ku risim yɛ, “Sak akyɛ kuri izen fi ngɔn shim i ki won yit yuu yɛ? Ki ngɔn wu iyet Anet-Isheshek e, ni i ki tak yit wɛshɛk.”

²⁵AYeso fɛ̀ ni iba, “In man ki tak yin, ira yin dan nɔɔk yin atsak. Kutomong abes fi in raas ni iyerek Ada min, iko kucɛɛt naton hom,

²⁶ngma nɛ anɔng, ni rayin dan nɔɔk yin atsak nek iyin yet yin ítsamang hom awo.

²⁷Ítsamang inaan foos kutɔ hom; Imi rēn ide, ide di kuus mo.

²⁸Imi ka ba nesek kutset vit igang, ide bi wey awo; Vit ayɔng fɛ́ a da kyem na foshok ide ni bɔk hom.

²⁹Ada min fɛ́ a di nɔɔk ide, iwu wat kaangan nɛ agap; vit ayɔng fɛ́ a kyem na foshok ide ni bɔk Ada hom.

³⁰Imi nɛ Ada min, in yet yit bazining.”

³¹Bakɔk-ashon baYahuda tɛ ba kok ata, ba da ku bara mo.

³²Wɛt aYeso fɛ̀ ni iba, “Imi mi ki raas yin agbat ntomong abes dot, fi in nes narɔ Ada, kungan kang ko fi i shim i di bara yin mo nɛ ata naton ko yɛ?”

³³Bakɔk-ashon baYahuda me fɛ̀ ni wu, “Nda ka bara yit nɛ ata naton ntomong abes fi i raas awo, ayet nek kucɛɛt ibyɛs Adakunom fi ines ni ngɔn, nek ngɔn anet awe, ni nye fok ngɔn yet Adakunom.”

³⁴AYeso fɛ̀ ni iba, “I se ni ijɛk na afumung ntsi yin awɛ, fɛ́ Adakunom fɛ̀, ‘Imi fɛ̀, iyin yet yin naban-adakunom.’[17]

³⁵Iyit rēn yit fok ifɛ̀ Adakunom yet atsak, ki iwu kin yes bayɔng fɛ́ ba ku foos ‘naban-adakunom’,

³⁶wat akyɛ fɛ́ ba da yes azizɛɛt e yɔng fɛ́ Ada me mi myak, fɛ́ a tom e sak azatse ɛ? Akyɛ sak fi i di tsɛt in ni inɛn ibeseng iyerek Adakunom nek in fɛ̀ ‘Imi yet Arim Adakunom’ ɛ?

³⁷I bi nɔɔk in atsak ni Imi awo, tit ma in se ni ira ikyɛng fɛ́ Ada min raas.

³⁸Ki Imi tsin nye ikyɛng fɛ́ Ada fɛ̀ ni in nye, ki da ishim i nɔɔk yin atsak ni imi awo, nɔɔk yin atsak nek ntomong abes fi iyɛrɛ yin, nɔng i da rēn yin, fok Ada me se ayɛt hom, imi se ayɛt Ada me.”

³⁹Ba tɛ ba shim ba ku tekap, wɛt a sɛ kawat, a di got.

⁴⁰Ama anɔng, aYeso tɛ bun ni nyi kukyɛk aJodan nɛ narɔ fɛ́ aYohana kin di raas abatisma ni itumung e. A tsɛ sot azɔng,

⁴¹banet dot tsees narɔ wu. Ba nye, “Da aYohana kin ra kutomong abes awo, ngma nɛ anɔng, ngma kucɛɛt fɛ́ a kin ki nye yit e naton anet yong yet atsak.”

⁴²Banet dot di nɔɔk atsak ne aYeso.